ກອງທັບປະຊາຊົນລາວ
 
ວັນອັງຄານ, ວັນທີ 23 ກໍລະກົດ 2024

  

ສຸມ​ໃສ່​ວຽກ​ງານ​ກໍ່ສ້າງ​ພັກ-ພະນັກງານ​ໃຫ້​ມີ​ຄຸນ​ນະ​ພາບ
ເວລາອອກຂ່າວ: 2024-06-18 09:07:57 | ຜູ້ຂຽນ : admin1 | ຈຳນວນຄົນເຂົ້າຊົມ: 141 | ຄວາມນິຍົມ:



ສະຫາຍ ພັນ​ໂທ ບຸນ​ເດີມ ດວງ​ຈຳປາ ກຳມະການ​ຄະນະ​ພັກ​ກອງ​ພົນ, ຮອງ​ຫົວໜ້າ​ຫ້ອງ​ການເມືອງ​ ກອງ​ພົນ​ທີ 2, ຜູ້​ຊີ້​ນຳ​ວຽກ​ງານ​ພັກ-ພະນັກງານ ໄດ້​ໃຫ້​ສຳພາດ​ຕໍ່​ນັກ​ຂ່າວ​ໜັງສືພິມ​ກອງທັບ​ວ່າ: ເພື່ອ​ຮັບປະກັນ​ເຮັດໃຫ້​ວຽກ​ງານ​ກໍ່ສ້າງ​ພັກ-ພະນັກງານ ໃຫ້​ມີ​ຄຸນ​ນະ​ພາບ ຄະນະ​ພັກ-ຄະນະ​ຫ້ອງ​ການເມືອງ​ໄດ້​ຖື​ວຽກ​ງານ​ປັບປຸງ​ກໍ່ສ້າງ​ພັກ​ເປັນ​ເສນາ​ທິ​ການ​ໃຫ້​ຄະນະ​ພັກ​ກອງ​ພົນ​ ເປັນ​ວຽກ​ງານ​ສຳຄັນ ​ໂດຍ​ເລັ່ງ​ໃສ່​ການ​ສ້າງ​ໜ່ວຍ​ພັກ​ປອດ​ໃສ ເຂັ້ມແຂງ ໜັກ​ແໜ້ນ ຖື​ເອົາ 5 ຫຼັກການ 3 ທິດ​ນຳ​ຂອງ​ພັກ​ເປັນ​ພື້ນຖານ​ສຳຄັນ ແລະ ເປີດ​ບັ້ນ​ເຝິກອົບຮົມ​ການ​ກວດ​ສອບ​ເລຂາ, ຮອງ​ເລຂາ ໃຫ້​ຄະນະ​ພັກ​ແຕ່​ລະ​ຂັ້ນ ເພື່ອ​ຮັບປະກັນ​ໃຫ້​ແກ່​ການ​ນຳພາ-ບັນຊາ​ຢູ່​ຂັ້ນ​ອົງການ ແລະ ກົມ​ກອງ​ຮາກ​ຖານ​ ​ມີ​ຄວາມ​ເຂັ້ມແຂງ ເພາະວ່າ​ວຽກ​ງານ​ກໍ່ສ້າງ​ພັກ-ພະນັກງານ​ເປັນ​ວຽກ​ງານ​ຕັດສິນ​ຜົນ​ໄດ້, ຜົນ​ເສຍ ແລະ ຜົນສຳເລັດ​ ຂອງ​ກົມ​ກອງ. ປັດຈຸບັນ​, ຄະນະ​ພັກ​ກອງ​ພົນ​ທີ 2 ປະກອບ​ມີ 1 ຄະນະ​ພັກ​ກອງ​ພົນ, ມີ 2 ຄະນະ​ພັກ ​ກອງພັນ​ໃຫຍ່, ມີ 20 ຄະນະ​ພັກ​ຮາກ​ຖານ, ມີ 111 ໜ່ວຍ​ພັກ, ມີ​ສະມາຊິກ​ພັກ​ທັງ​ໝົດ 2.769 ສະຫາຍ, ຍິງ 256 ສະຫາຍ, ສະມາຊິກ​ພັກ​ສົມບູນ 2.489 ສະຫາຍ, ຍິງ 248 ສະຫາຍ, ສະມາຊິກ​ພັກ​ສຳຮອງ 280 ສະຫາຍ, ຍິງ 8 ສະຫາຍ ແລະ ໄດ້​ຮັບ​ການ​ຕິ​ລາຄາ​ແບ່ງ​ປະເພດ​ຈາກ​ຄະນະ​ພັກ​ຂັ້ນ​ເທິງ​ເປັນ​ສະມາຊິກ​ພັກ​ແຂງ 2.336 ສະຫາຍ, ຍິງ 218 ສະຫາຍ, ກາງ 433 ສະຫາຍ, ຍິງ 38 ສະຫາຍ ແລະ ໄດ້​ຮັບຮອງ​ເປັນ​ໜ່ວຍ​ພັກ​ປອດ​ໃສ ເຂັ້ມແຂງ ໜັກ​ແໜ້ນ 65 ໜ່ວຍ​ພັກ​ ເທົ່າ​ກັບ 58,55%, ໜ່ວຍ​ພັກ​ປອດ​ໃສ ເຂັ້ມແຂງ ໜັກ​ແໜ້ນ 5 ຄັ້ງ​ຕິດຕໍ່​ກັນ 17 ໜ່ວຍ, 4 ຄັ້ງ​ຕິດຕໍ່ກັນ 13 ໜ່ວຍ​ພັກ, 3 ຄັ້ງ​ຕິດຕໍ່​ກັນ ມີ 23 ໜ່ວຍ​ພັກ, 2 ຄັ້ງ​ຕິດຕໍ່​ກັນ​ ມີ 9 ໜ່ວຍ​ພັກ ແລະ 1 ຄັ້ງ​ຕິດຕໍ່​ກັນ ມີ 3 ໜ່ວຍ​ພັກ. ສະຫາຍ ພັນ​ໂທ ບຸນ​ເດີມ ດວງ​ຈຳປາ ຍັງ​ໃຫ້​ຮູ້​ອີ​ກວ່າ: ເພື່ອ​ຮັບປະກັນ​ເຮັດ​ໃຫ້ການ​ກະກຽມ​ດຳເນີນ​ກອງ​ປະຊຸມ​ໃຫຍ່ 3 ຂັ້ນ​ຂອງ​ພັກ​ໄດ້​ດຳເນີນ​ຖືກ​ຕາມ​ທິດ​ຊີ້​ນຳ ແລະ ກອງ​ປະຊຸມ​ໃຫຍ່​ ຂອງສະມາຊິກ​ພັກ​ທົ່ວ​ກອງ​ພົນ​ທີ 2 ທີ່​ຈະ​ໄຂ​ຂຶ້ນ​ໃນຕໍ່ໜ້າ​ນີ້, ຄະນະ​ພັກ​ກອງ​ພົນ ໄດ້​ນຳພາ-ຊີ້​ນຳ​ຄະນະ​ພັກ​ຂັ້ນ​ຕ່າງໆ​ເປີດ​ກອງ​ປະຊຸມ​ໃຫ​​ຍ່​ສະມາຊິກ​ພັກ​ຢູ່​ຂັ້ນ​ຮາກ​ຖານ​ຂອງ​ຕົນ​ ສຳເລັດ​ຕາມ​ແຜນການ ຍັງ​ມີ​ພຽງ​ແຕ່​ຄະນະ​ພັກ ກອງພັນ​ໃຫ່​​ຍ 201 ທີ່​ຈະເປີດ​ຂຶ້ນ​ໃນ​ມໍ່ໆ ​ນີ້​ ໃຫ້​ສຳເລັດ​ຕາມ​ແຜນການ​ເພື່ອ​ກະກຽມ​ກອງ​ປະຊຸມ​ໃຫຍ່​ ຂອງ​ຄະນະ​ພັກ​ກອງ​ພົນ​ທີ 2 ໃນຕໍ່ໜ້າ​ຕາມ​ແຜນການ​ ຂອງ​ຂັ້ນ​ເທິງ ຄະນະ​ພັກ​​ໄດ້​ຖື​ສຳຄັນ​ໃນ​ການ​ປັບປຸງ​ກົງຈັກ​ການຈັດຕັ້ງ​ພັກ, ການ​ປັບປຸງ​ກໍ່ສ້າງ​ພັກ, ກໍ່ສ້າງ​ພະນັກງານຕິດ​ພັນ​ກັບ​ການ​ແຂ່ງຂັນ​ຮັກ​ຊາດ ແລະ ພັດທະນາ ໄດ້​ຖື​ວຽກ​ງານ​ນີ້​ເປັນ​ແຖວ​ໜ້າ​ໂດຍ​ສະເພາະ​ແມ່ນ​ໄດ້​ປັບປຸງ​ບູລະນະ​ການຈັດຕັ້ງ​ພັກ​ໃຫ້​ໜັກ​ແໜ້ນ ເຂັ້ມແຂງ ທັງ 4 ດ້ານ​ຄື: ດ້ານ​ການເມືອງ-ແນວ​ຄິດ, ການຈັດຕັ້ງ ແລະ ແບບແຜນ​ການ​ນຳພາ, ມີ​ການ​ສັບຊ້ອນ​ປັບ ປຸງ, ມີ​ຜູ້​ອອກ-ຜູ້​ເຂົ້າ, ມີ​ຜູ້​ຍົກຍ້າຍ​ໄປ​ຮັບ​ໜ້າທີ່​ໃໝ່ ແລະ ຍົກຍ້າຍ​ມາ​ໃໝ່​ຕາມ​ຄວາມ​ຮຽກຮ້ອງ​ຕ້ອງການ ​ຂອງ​ໜ້າທີ່​ການເມືອງໃນ​ໄລຍະ​ໃໝ່. ສະນັ້ນ, ​ວຽກ​ງານ​ກໍ່ສ້າງ​ພັກ-ພະນັກງານ ຈິ່ງ​ເປັນ​ວຽກ​ງານ​ຕັດ​ສີນ​ຊີ້​ຂາດ​ທຸກ​ຂົງເຂດ​ວຽກ​ງານ​ລວມຂອງ​ກົມ​ກອງ. ປັດຈຸບັນ​​ຢູ່​ກອງພົນ​ທີ 2 ການ​ກໍ່ສ້າງ​ພະນັກງານ​ແມ່ນ​ເລັ່ງ​ໃສ່​ກໍ່ສ້າງ​ພະນັກງານ​ສຶບ​ທອດ​ປ່ຽນ​ແທນ 3 ຮຸ່ນ​ຄື: ຮຸ່ນ​ອາວຸໂສ, ຮຸ່ນ​ກາງ ແລະ ຮຸ່ນ​ໜຸ່ມ. ໂດຍ: ສົມຄິດ ພູມີຈິດ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ