ກອງທັບປະຊາຊົນລາວ
 
ວັນອັງຄານ, ວັນທີ 23 ກໍລະກົດ 2024

  

ທະຫານ​ແຂວງ​ຊຽງ​ຂວາງ ມອບ​ເງິນ​ຊົດ​ເຊີຍ ​ໃຫ້​ນາຍ​ທະຫານ ພັກ​ການ​ ຮັບ​ບຳນານ
ເວລາອອກຂ່າວ: 2024-06-17 08:38:30 | ຜູ້ຂຽນ : admin1 | ຈຳນວນຄົນເຂົ້າຊົມ: 119 | ຄວາມນິຍົມ:



ໃນ​ວັນ​ທີ 12 ມິຖຸນາ 2024, ກອງ​ບັນຊາ​ການ​ທະຫານ​ແຂວງ​ຊຽງ​ຂວາງ ໄດ້​ມອບ​ເງິນ​ຊົດ​ເຊີຍ ໃຫ້​ນາຍ​ທະຫານ ​ພັກ​ການ ​ຮັບ​ບຳນານ, ໂດຍ​ການ​ເປັນ​ປະທານ​ຂອງ​ສະຫາຍ ພັນ​ເອກ ວັນ​ທອງ ພົງ​ສະຫວັນ ຫົວໜ້າ​ການເມືອງ ກອງ​ບັນຊາ​ການ​ທະຫານ​ແຂວງ​ຊຽງ​ຂວາງ, ມີ​ຄະນະ​ພັກ-ຄະນະ​ບັນຊາ ພະແນກການ​ທີ່​ກ່ຽວຂ້ອງ ແລະ ນາຍ​ທະຫານ ທີ່​ພັກ​ການ ຮັບ​ບຳນານ ເຂົ້າ​ຮ່ວມ. ສະຫາຍ ພັນ​ໂທ ສີ​ສົມ​ພອນ ອ່ອນ​ດາ​ວົງ ຫົວໜ້າ​ພະ​ແນກ​ພະນັກງານ ຫ້ອງ​ການເມືອງ ໄດ້​ຜ່ານ​ຂໍ້​ຕົກລົງ ຂອງ​ກະຊວງ​ປ້ອງ​ກັນ​ປະເທດ ວ່າ​ດ້ວຍການ​ອະນຸມັດ​ໃຫ້​ນາຍ​ທະຫານ ​ພັກ​ການ ​ຮັບ​ບຳນານ, ໂດຍ​ອີງ​ຕາມ ​ກົດໝາຍ​ນາຍ​ທະຫານ​ ກອງທັບ​ປະຊາຊົນ​ລາວ, ອີງ​ຕາມ​ ກົດໝາຍ​ປະກັນ​ສັງຄົມ ແລະ ແຈ້ງ​ການ ​ຂອງ​ຫ້ອງ​ວ່າການ​ສຳນັກງານ​ນາຍົກລັດຖະມົນຕີ ວ່າ​ດ້ວຍ​ການ​ປະຕິບັດ​ນະໂຍບາຍ​ຄ່າ​ຄອງ​ຊີບ. ກະຊວງ​ປ້ອງ​ກັນ​ປະເທດ ​ຕົກລົງ​ມອບ​ເງິນ​ຊົດ​ເຊີຍ​ໃຫ້​ພະນັກງານ​ນາຍ​ທະຫານ ທີ່​ພັກ​ການ​ ຮັບ​ບຳນານ ຢູ່ ກອງ​ບັນຊາ​ການ​ທະຫານ​ແຂວງ​ຊຽງ​ຂວາງ ຈຳນວນ 8 ສະຫາຍ ມີ ສະຫາຍ ພັນ​ໂທ ທອງ​ສີ ໄຊ​ ຍະ​ລາດ ຫົວໜ້າ​ຫ້ອງການ-ບໍລິຫານ, ສະຫາຍ ພັນ​ໂທ ຄຳ​ອ້ວນ ພິມ​ມະ​ວົງ ຮອງ​ຫົວໜ້າ​ຫ້ອງ​ການເມືອງ, ສະຫາຍ ພັນ​ໂທ ແສງ​ພອນ ສອນ​ສຸ​ລີ ຮອງ​ຫົວໜ້າ​ຫ້ອງ​ເສນາ​ທິ​ການ, ສະຫາຍ ພັນ​ໂທ ດວງ​ຕາ ຕົ້ນ​ມາລາ ຫົວໜ້າ​ການ ເມືອງ ກອງ​ບັນຊາ​ການ​ທະຫານ​ເມືອງ​ພູ​ກູດ, ສະຫາຍ ພັນ​ໂທ ສຳລານ​ໄຊ ໄຊ​ຍະ​ວົງ ຫົວໜ້າ​ການເມືອງ ກອງ​ບັນຊາ​ການ​ທະຫານ​ເມືອງ​ຜາ​ໄຊ, ສະຫາຍ ພັນ​ໂທ ບຸນ​ຍໍ ພົມມະຈັນ ຫົວໜ້າ​ການ​ທະຫານ ກອງ​ບັນຊາ​ການ​ທະຫານ​ເມືອງ​ພູ​ກູດ, ສະຫາຍ ພັນ​ໂທ ນາງ ຄຳ​ສີ ລັດຕະນະ ຫົວໜ້າ​ການເມືອງ ກອງຮ້ອຍ​ສື່ ສານ 216 ແລະ ສະຫາຍ ພັນ​ໂທ ບຸນ​ແກ້ວ ບຸດ​ນາ​ວົງ ຮອງ​ຫົວໜ້າ​ການເມືອງ ກອງ​ປະຕິບັດ​ງານ 131 ລວມ​ເປັນ​ເງິນ​ທັງ​ໝົດ 183.371.000 ກີບ. ໂດຍ: ວັດທະນາ ພັນທະ​ວົງ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ