ກອງທັບປະຊາຊົນລາວ
 
ວັນອັງຄານ, ວັນທີ 23 ກໍລະກົດ 2024

  

ພະ​ແນກ​ສະຫະພັນ​ແມ່ຍິງ ກອງ​ບັນຊາ​ການ​ທະຫານ​ແຂວງ​ໄຊ​ຍະ​ບູ​ລີ ສ້າງ​ໄດ້ຜົນ​ງານ​ພົ້ນ​ເດັ່ນ​ຫຼາຍ​ດ້ານ​
ເວລາອອກຂ່າວ: 2024-06-14 08:57:04 | ຜູ້ຂຽນ : admin1 | ຈຳນວນຄົນເຂົ້າຊົມ: 244 | ຄວາມນິຍົມ:



ສະຫາຍ ພັນ​ຕີ ນາງ ມະນີ​ວອນ ສັດທາ​ວັນ ຫົວໜ້າ​ພະ​ແນກ​ສະຫະພັນ​ແມ່ຍິງ ກອງ​ບັນຊາ​ການ​ທະຫານ​ແຂວງ​ໄຊ​ຍະ​ບູ​ລີ ໄດ້​ໃຫ້​ສຳພາດ​ຕໍ່​ນັກ​ຂ່າວ​ໜັງສືພິມ​ກອງທັບ​ວ່າ: ໃນ​ໄລຍະ​ຜ່ານ​ມາ​, ພະ​ແນກ​ສະຫະພັນ​ແມ່ຍິງ​ໄດ້​ສົມທົບ​ກັບ​ຄະນະ​ພັກ-ຄະນະ​ບັນຊາ​ຂັ້ນ​ຕ່າງໆ ເຮັດ​ວຽກ​ງານ​ສຶກ​ສາ​ອົບຮົມ​ການເມືອງ-ນຳພາ​ແນວ ໃຫ້​ສະມາຊິກ​ແມ່ຍິງ​ມີ​ແນວ​ຄິດ​ຫຼັກ​ໝັ້ນ​ການເມືອງ​ໜັກ​ແໜ້ນ ໂດຍ​ໄດ້​ຈັດ​ຕັ້ງ​ເຊື່ອມ​ຊຶມ​ບັນດາ​ມະຕິ, ຂໍ້​ກຳນົດ, ​ກົດ​ລະບຽບ​ຂອງ​ພັກ-ລັດ, ຈັດ​ຕັ້ງ​ປາຖະກະຖາ​ມູນ ເຊື້ອ​ວັນ​ປະຫວັດສາດ​ຂອງຊາດ, ຂອງ​ພັກ ແລະ ມູນເຊື້ອ​ອັນ​ດີງາມ​ຂອງ​ແມ່ຍິງ​ລາວ ຢ່າງ​ເປັນ​ຂະ​ບວນ​ການ​ຕໍ່​ເນື່ອງ ຕິດ​ພັນ​ກັບ​ການ​ ພັດທະນາ​ຕົນ​ເອງ, ຄອບຄົວ ແລະ ອົງ​ການຈັດຕັ້ງ​ໄດ້​ເປັນ​ຢ່າງ​ດີ ເປັນຕົ້ນ​ແມ່ນ ວຽກ​ງານ​ປັບປຸງ​ການຈັດຕັ້ງ, ອີງໃສ່ ມະຕິ​ກອງ​ປະຊຸມ​ໃຫຍ່ ​ຂອງ​ສະຫະພັນ​ແມ່ຍິງ​ກະຊວງ​ປ້ອງ​ກັນ​ປະເທດ ຄັ້ງ​ທີ VIII ແລະ ມະຕິ​ກອງ​ຊຸມ​ໃຫຍ່​ ຂອງ​ສະຫະພັນ​ແມ່ຍິງ​ແຂວງ​ໄຊຍະ​ບູ​ລີ ຄັ້ງ​ທີ VII ໂດຍ​ສະເພາະ​ແມ່ນ​ມະຕິ​ກອງ​ປະຊຸມ​ໃຫຍ່ ຄັ້ງ​ທີ I ຂອງ​ສະຫະພັນ​ແມ່ຍິງ​ກອງ​ບັນຊາ​ການ​ທະຫານ​ແຂວງ​ໃຫ້​ປະກົດ​ຜົນສຳເລັດ. ປັດຈຸບັນ​ ສະຫະພັນ​ແມ່ຍິງ​ກອງ​ບັນຊາ​ການ​ທະຫານ​ແຂວງ ມີ​ທັງ​ໝົດ 18 ໜ່ວຍ, ມີ​ສະມາຊິກ​ສະຫະພັນ​ແມ່ຍິງ 228 ສະຫາຍ, ມີ​ຄະນະ​ໜ່ວຍ 38 ສະຫາຍ, ເປັນ​ຄະນະ​ບໍລິຫານ​ງານ​ສະຫະພັນ​ແມ່ຍິງ ແຂວງ 1 ສະຫາຍ, ຂັ້ນ​ຫົວ ໜ້າ​ພະ​ແນກ 2 ສະຫາຍ, ຮອງ​ ຫົວໜ້າ​ພະ​ແນກ 2 ສະຫາຍ, ຫົວ ໜ້າ​ຂະແໜງ 4 ສະຫາຍ, ຮອງ​ຫົວໜ້າ​ຂະແໜງ 2 ສະຫາຍ, ເປັນສະມາຊິກ​ຊາວ​ໜຸ່ມ 146 ສະ ຫາຍ, ສະມາຊິກ​ພັກ 198 ສະຫາຍ ຕີ​ລາຄາສະມາຊິກສະຫະພັນແມ່ ຍິງ​ເປັນ​ສະມາຊິກ​ພັກ​ແຂງ 221 ສະຫາຍ ກວມ​ເອົາ 96,92%, ກາງ 7 ສະຫາຍ ກວມ​ເອົາ 3,07%, ວຽກງານກໍ່ສ້າງພະນັກງານໃນ ອົງ​ການຈັດຕັ້ງ​ແມ່ຍິງ​ ​ຄະນະ​ກອງ​ບັນຊາການທະຫານ​ແຂວງ​ໄຊ​ຍະ​ບູ​ລີ​ ກໍຄື​ຄະນະ​ຫ້ອງ​ການເມືອງ, ພະ​ແນກ​ສະຫະພັນ​ແມ່ຍິງ ໄດ້​ສ້າງ​ແຜນ​ກຳນົດ​ໃນ​ການ​ກໍ່ສ້າງ​ພະນັກງານ​ສືບ​ຖອດ​ປ່ຽນ ​ແທນ​ໃນ​ອະນາ​ຄົດ ທັງ​ກໍ່ສ້າງ​ກັບ​ທີ່ ແລະ ສົ່ງ​ໄປ​ບຳລຸງ​ຢູ່​ພາຍ​ໃນ ແລະ ຕ່າງປະເທດ​ໄລຍະສັ້ນຕາມຕົວ​ເລກ​ແບ່ງປັນ​ຂອງ​ຂັ້ນ​ເທິງ; ປັດຈຸບັນ​ຢູ່​ແຕ່​ລະ​ອົງ ການ ແລະ ຮາກ​ຖານ​​ມີ​ພະນັກງານ​ສະຫະພັນ​ແມ່ຍິງ​ ​ຈົບ​ຂັ້ນ​ປະລິນຍາ​ຕິ, ຊັ້ນ​ສູງ ແລະ ຊັ້ນ​ກາງ; ກ່ຽວ​ກັບ​ວຽກ​ງານ​ນະໂຍບາຍ​ຕ່າງໆ​ ສະຫະພັນແມ່ຍິງ​ໄດ້​ຮັບ​ການ​ສະເໜີ​ເລື່ອນ​ຊັ້ນ​ຂັ້ນ​ຕ່າງໆ​ ນັບ​ແຕ່​ຂັ້ນ​ນາຍ​ສິບ​ຮອດ​ຂັ້ນ​ນາຍ​ພັນ​ຈຳນວນ 60 ກວ່າ​ສະຫາຍ​ໃນ​ປີຜ່ານມາ ພ້ອມ​ນັ້ນ, ​ຍັງ​ໄດ້​ປະຕິບັດ​ນະໂຍບາຍ​ຕໍ່​ຜູ້​ທີ່​ເຈັບເປັນ​ເຂົ້າ​ນອນ​ໂຮງໝໍ, ເກີດ​ລູກ​ໃໝ່ ແລະ ສ້າງ​ຄອບຄົວ​ໃໝ່​ຕາມ​ເງື່ອນໄຂ​ທີ່​ເໝາະ​ສົມ; ວຽກ​ງານ ​ປົກ​ປ້ອງ​ສິດຜົນປະໂຫຍດ ຂອງ ​ແມ່ຍິງ ແລະ ເດັກນ້ອຍ ໄດ້ເຮັດ​ໜ້າທີ່​ໃຫ້​ຄຳ​ປຶກສາ​ທາງ​ດ້ານ​ຈິດໃຈ, ຮັບ​ຟັງ​ການ​ສະເໜີ, ຄຳ​ຮ້ອງທຸກ ​ຂອງ​ແມ່ຍິງ ແລະ ເດັກນ້ອຍ​ທີ່​ມີ​ບັນຫາ​ໃນ​ສັງຄົມ ແລະ ຄອບຄົວ ທັງ​ໄດ້​ເຂົ້າ​ຮ່ວມ ​ຄົ້ນ​ຄວ້​​າ​ປຶກສາຫາລື​ນຳ​ພາກສ່ວນ​ທີ່​ກ່ຽວ​ຂ້ອງ ​ເພື່ອ​ແກ້​ໄຂ​ບັນຫາ​ຕ່າງໆ ທີ່​ພົວພັນ​ເຖິງ​ສິດຜົນປະໂຫຍດ​ອັນ​ຊອບ​ທຳ ​ຂອງ​ແມ່ຍິງ ແລະ ເດັກນ້ອຍ. ສະຫາຍ ຫົວໜ້າ​ພະ​ແນກ​ສະຫະພັນ​ແມ່ຍິງ ກອງ​ບັນຊາ​ການ​ທະຫານ​ແຂວງ​ໄຊ​ຍະ​ບູ​ລີ ຍັງ​ໃຫ້​ຮູ້​ອີ​ກວ່າ: ດ້ານ​ວຽກ​ງານ​ຈັດ​ຕັ້ງ​ປະຕິບັດ​ຂໍ້​ແຂ່ງຂັນ 3 ດີ ໃນ​ໄລຍະ​ຜ່ານ​ມາ ​ໄດ້​ເປັນ​ເຈົ້າ​ການຈັດຕັ້ງ​ເຊື່ອມ​ຊຶມ, ກວດກາ​ວຽກ​ງານ​ຂໍ້​ແຂ່ງຂັນ 3 ດີ ​ຄືນ 12 ຄັ້ງ ໃນ​ຈຳນວນ 18 ໜ່ວຍ ມີ​ ຈຳນວນ​ພົນ​ເຂົ້າ​ຮ່ວມ 2.793 ເທື່ອ​ຄົນ, ຜ່ານ​ການຈັດຕັ້ງກວດ ກາຂໍ້​ແຂ່ງຂັນ 3 ດີ ໄດ້​ປະເພດ I ມີ 221 ສະຫາຍ ກວມ​ເອົາ 96,92%, ປະເພດ II ມີ 7 ສະ ຫາຍ ກວມ​ເອົາ 3,07% ຕີ​ລາຄາ​ປະເພດ​ຂອງ​ໜ່ວຍ​ແມ່ຍິງ 3 ດີ 18 ໜ່ວຍ ໄປ​ຄຽງ​ຄູ່​ກັນ​ນັ້ນ, ພະ​ແນກ​ສະຫະພັນ​ແມ່ຍິງ​ຍັງ​ໄດ້​ຊີ້​ນຳ​ໜ່ວຍ​ແມ່ຍິງ​ຂັ້ນ​ຕ່າງໆ ສ້າງ​ຂະ​ບວນ​ການ​ແຂ່ງຂັນ​ກິລາ, ສີ​ລະ​ປະ​ວັນນະຄະດີ​ຢ່າງ​ເປັນ​ຂະ​ບວນ​ການ​ຟົດຟື້ນ ໄປ​ຄວບ​ຄູ່​ກັບ​ການຍົກ​ສູງ​ນ້ຳໃຈ​ເພິ່ງ​ຕົນ​ເອງ, ກຸ້ມ​ຕົນ​ເອງ ແລະ ສ້າງ​ຄວາມ​ເຂັ້ມແຂງ​ດ້ວຍ​ຕົນ​ເອງ ຊຸກຍູ້​ຂະ​ບວນ​ການ​ສ້າງ​ເສດຖະກິດ​ແກ້​ໄຂ​ຊີວິດ​ການ​ເປັນ​ຢູ່​ ຂອງ​ກົມ​ກອງ​ລວມ​ໝູ່ ແລະ ຄອບຄົວ​ແຕ່​ລະ​ສະຫາຍ ໂດຍ​ຂຸດ​ຄົ້ນ ແລະ ນຳ​ໃຊ້​ທ່າແຮງ​ທີ່​ມີ​ ຂອງ​ແຕ່​ລະ​ກົມ​ກອງ ​ເປັນຕົ້ນ​ແມ່ນ​ຂະ​ບວນ​ການ ປູກຝັງ-ລ້ຽງສັດ ແລະ ບໍລິການ​ຕ່າງໆ ​ສ້າງ​ລາຍ​ຮັບ​ເຂົ້າ​ຄັງ​ລວມ​ຂອງ​ແຕ່​ລະ​ໜ່ວຍ​ໄດ້​ດີ​​ສົມຄວນ, ວຽກ​ງານ​ກອງທຶນ​ພັດທະນາ​ຊ່ວຍເຫຼືອ​ເຊິ່ງ​ກັນ ແລະ ກັນ ເຊິ່ງ ມີ 1 ກອງ​ທຶນ ມີ​ເງິນ​ທັງ​ໝົດ 41.781.000 ກີບ, ກອງ​ທຶນ​ພັດທະນາ​ແມ່ຍິງ​ໜ່ວຍ​ອ້ອມ​ຂ້າງ 18 ໜ່ວຍ ມີ​ເງິນ 85.764.000 ກີບ ໃນ​ນັ້ນ, ​ເດັ່ນ​ກວ່າ​ໝູ່​ແມ່ນ​ໜ່ວຍ​ສະຫະພັນ​ແມ່ຍິງ​ກອງພັນ 609 ມີ​ເງິນ 16.000.000 ກີບ. ໂດຍ: ສົມ​ຄິດ ພູມ​ມີ​ຈິດ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ