ກອງທັບປະຊາຊົນລາວ
 
ວັນພຸດ, ວັນທີ 19 ມິຖຸນາ 2024

  

ກອງພັນ 795 ປີດຊຸດອົບຮົມ-ຫັດແອບມວຍກາຣາເຕໂດ້ ຊຸດທີ II
ເວລາອອກຂ່າວ: 2024-06-11 09:45:41 | ຜູ້ຂຽນ : admin2 | ຈຳນວນຄົນເຂົ້າຊົມ: 212 | ຄວາມນິຍົມ:



ໃນວັນທີ 7 ມິຖຸນາ 2024 ກອງພັນ 795, ກອງພັນໃຫຍ່ 279 ໄດ້ຈັດພິທີປີດຊຸດອົບຮົມ-ຫັດແອບ ມວຍກາຣາເຕໂດ້ ໄລຍະສັ້ນ ຊຸດທີ II, ໂດຍການປະທານ ຂອງສະຫາຍ ພັນເອກ ເມກສະຫວັນ ແກ້ວດວງດີ ຫົວໜ້າການທະຫານ ກອງພັນໃຫຍ່ 279 ແລະ ສະຫາຍ ສອນສັກ ນ ຍານຊະນະ ເລຂາສະພັນກາຣາເຕໂດ້ແຫ່ງຊາດລາວ, ປະທານສະໂມສອນໂຊໂຕກັງ, ມີຄູເຝິກມວຍກາຣາເຕໂດ້, ມີຄະນະພັກ-ຄະນະບັນຊາກອງພັນໃຫຍ່ 279, ຄະນະພັກ-ຄະນະບັນຊາ, ພະນັກງານນັກຮົບທົ່ວ ກອງພັນ 795 ແລະ ແຂກຖືກເຊີນ ເຂົ້າຮ່ວມ. ສະຫາຍ ພັນໂທ ໄກສຸກ ສຸລິຍະວົງ ຫົວໜ້າການທະຫານ ກອງພັນ 795 ໄດ້ຜ່ານແຜນການອົບຮົມ-ຫັດແອບ ມວຍກາຣາເຕໂດ້ ໄລຍະສັ້ນ ຊຸດທີ II ຂອງກອງພັນ 795 ໂດຍອິງຕາມໜັງສືສະເໜີຂອງສາຫະພັນກາຣາເຕໂດ້ແຫ່ງຊາດລາວ ເພື່ອສິດສອນມວຍປ້ອງກັນຕົວກາຣາເຕໂດ້, ອິງຕາມການຕົກລົງເຫັນດີ ຂອງຄະນະພັກ-ຄະນະບັນຊາ ກອງພັນໃຫຍ່ 279, ພະແນກເສນາ ກອງພັນໃຫຍ່ 279 ຈື່ງໄດ້ສ້າງແຜນການ ອົບຮົມ-ຫັດແອບ ມວຍກາຣາເຕໂດ້ ໄລຍະສັ້ນ ໃຫ້ກອງພັນ 795 ເພື່ອອົບຮົມ-ຫັດແອບ ໃຫ້ພະນັກງານ-ນັກຮົບທົ່ວກົມກອງ ກ່ຽວກັບມວຍກາຣາເຕໂດ້ ໃຫ້ເຂົ້າໃຈ ແລະ ນໍາໃຊ້ບັນດາທ່າຈັງຫວະຕ່າງໆ ໃຫ້ແທດເໝາະກັບສະຖານະການໂຕຈິງ, ໃຫ້ມີຄວາມຊໍານິຊໍານານ, ກຽມພ້ອມຮັບໃຊ້ ເຂົ້າໃນການເຮັດໜ້າທີ່ວຽກງານໃນສະເພາະໜ້າ ແລະ ຍາວນານ ເວົ້າລວມ, ເວົ້າສະເພາະ ກໍແມ່ນເພື່ອກະກຽມເຂົ້າຮ່ວມປ້ອງກັນກອງປະຊຸມສຸດຍອດອາຊຽນ ທີ່ລາວເຮົາໃຫ້ກຽດເປັນເຈົ້າພາບ ແລະ ບັນດາກອງປະຊຸມອື່ນໆ ທີ່ປິ່ນອ້ອມໃຫ້ມີຄວາມສະຫງົບປອດໄພ 100% ໃນຂອບເຂດກົມກອງຮັບຜິດຊອບ, ໃນການອົບຮົມ-ຫັດແອບຄັ້ງນີ້ ແມ່ນເນັ້ນໜັກໃສ່ການຫັດແອບຂັ້ນພື້ນຖານ ໃຊ້ເວລາຫັດແອບ 6 ວັນ, ກະຕະ ມີ 5 ບົດ ໃຊ້ເວລາຫັດແອບ 40 ວັນ, ຄຣູມິເຕ ໃຊ້ສໍາລັບການແຂ່ງຂັນ ໃຊ້ເວລາຫັດແອບ 14 ວັນ, ລວມ 60 ວັນ, ພາຍຫຼັງໄດ້ອົບຮົມ-ຫັດແອບແລ້ວ ຕ້ອງກໍາໃຫ້ໄດ້ດ້ານທິດສະດີຫຼັກການ ແລະ ທ່າຈັງຫວະ, ເພື່ອໄປໝູນໃຊ້ໃຫ້ຖືກຕ້ອງ, ແທດເໝາະຕາມຄວາມເປັນຈິງ, ເຂົ້າໃນການປະຕິບັດໜ້າທີ່ ນອກນັ້ນ ນັກເຝິກອົບຮົມ, ນັກກິລາ ແລະ ຄູ-ອາຈານ ໄດ້ສະແດງສິລະປະການຕໍ່ສູ້ປ້ອງກັນຕົວ ມວຍກາຣາເຕໂດ້ ເພື່ອຄວາມເຂັ້ມແຂງ ແລະ ໝາກຜົນຂອງການອົບຮົມ-ສຶກສາຮໍ່າຮຽນຂອງຄູເຝິກ ແລະ ນັກອົບຮົມ ພາຍຫຼັງການສະແດງສີ້ນສຸດ ທາງສະໂມສອນໂຊໂຕກັງ ສະຫະພັນກາຣາເຕໂດ້ ແຫ່ງຊາດລາວ ຍັງໄດ້ມີການມອບເຄື່ອງອຸປະກອນກິລາ ເພື່ອເປັນການເຝິກຊ້ອມກໍາລັງກາຍໃຫ້ພະນັກງານ-ນັກຮົບໃນກົມກອງ. ໂອກາດດຽວກັນນັ້ນ ສະຫາຍປະທານໄດ້ໂອ້ລົມຍ້ອງຍໍຊົມເຊີຍມາຍັງສະຫະພັນກາຣາເຕໂດ້ແຫ່ງຊາດລາວ ທີ່ໃຫ້ການສະໜັບສະໜູນຊຸກຍູ້ທາງດ້ານອຸປະກອນ, ຄູເຝິກ ໃນການອົບຮົມຄັ້ງນີ້ ແລະ ຍັງເນັ້ນໜັກໃຫ້ພະນັກງານ-ນັກຮົບ ທົ່ວກອງພັນ 795 ຈົ່ງເອົາໃຈໃສ່ຕັ້ງໜ້ານໍາເອົາເນື້ອໃນຈິດໃຈຂອງການເຝິກແອບຮໍ່າຮຽນໃນຄັ້ງນີ້ ໄປຈັດຕັ້ງຜັນຂະຫຍາຍໃຫ້ໄດ້ຮັບຜົນຕາມຄາດຫມາຍ. ຂຽນໂດຍ: ຮ.ທ ຈີ່ມມີ້ ບຸນຈິງມີໄຊ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ