ກອງທັບປະຊາຊົນລາວ
 
ວັນພຸດ, ວັນທີ 19 ມິຖຸນາ 2024

  

ກອງພົນທີ 2 ມອບເງິນຊ່ວຍຊື້ວັດຖຸກໍ່ສ້າງໃຫ້ສູນຝຶກອົບຮົມ
ເວລາອອກຂ່າວ: 2024-06-10 13:38:46 | ຜູ້ຂຽນ : admin2 | ຈຳນວນຄົນເຂົ້າຊົມ: 255 | ຄວາມນິຍົມ:



ໃນວັນທີ7 ມິຖຸນາ 2024 ນີ້, ກອງພົນທີ2 ໄດ້ນໍາເອົາເງິນສົດຈໍານວນ 195.200.000ກີບ ໄປມອບໃຫ້ສູນຝຶກອົບຮົມ ກອງພົນທີ2 ເພື່ອນໍາໄປປັບປຸງໂຄງສ້າງບູລະນະຄ້າຍຄູໃຫ້ມີຄວາມແໜນ້າໜນ້າຖາວອນ ໂດຍສະເພາະແມ່ນກໍ່ສ້າງເຮືອນນອນອ້າຍນ້ອງ ຂະໜາດ 8,7X37 ແມັດ, ຕາງໜ້າກ່າວມອບໂດຍ ສະຫາຍ ພົນຈັດຕະວາ ວຽງແກ້ວ ສີສຸລາດ ຫົວໜ້າການເມືອງກອງພົນທີ2 ພ້ອມດ້ວຍຄະນະ ແລະ ຕາງໜ້າກ່າວຮັບໂດຍ ສະຫາຍ ພັນໂທ ຄຳແພງ ແສງມະນີ ຫົວໜ້າການເມືອງສູນຝຶກອົບຮົມພ້ອມດ້ວຍຄະນະ. ໂອກາດນີ້ ສະຫາຍ ພັນໂທ ຄຳແພງ ແສງມະນີ ກໍ່ໄດ້ສະແດງຄວາມຂອບອົກຂອບໃຈມາຍັງຄະນະພັກ-ຄະນະບັນຊາກອງພົນ ເຊິ່ງຍາມໃດກໍ່ໄດ້ເອົາໃສ່ກະຕຸກຊຸກຍູ້ຊ່ວຍເຫຼືອສູນຝຶກຕະຫຼອດມາ ແລະ ໃຫ້ຄໍາໝັ້ນສັນຍາວ່າຈະນຳເອົາເງິນຈຳນວນດັ່ງກ່າວ ໄປໝູນໃຊ້ເຂົ້າໃນການສ້າງສາພັດທະນາກົມກອງໃຫ້ມີຄວາມຈະເລີນກ້າວໜ້າຂຶ້ນຢ່າງບໍ່ຢຸດຢັ້ງ ໂດຍສະເພາະການກໍ່ສ້າງຕັດຫຼັງຄາເຮືອນນອນອ້າຍນ້ອງ ຫຼັງໃໝ່ໃຫ້ໄດ້ຮັບໝາກຜົນສູງສຸດ. ໂອກາດດັ່ງກ່າວນີ້, ສະຫາຍ ພົນຈັດຕະວາ ວຽງແກ້ວ ສີສຸລາດ ຫົວໜ້າການເມືອງກອງພົນທີ 2 ພ້ອມດ້ວຍຄະນະຍັງໄດ້ລົງຢ້ຽມຢາມໂຄງການກໍ່ສ້າງເຮືອນນອນອ້າຍນ້ອງຕື່ມອີກ. ໂດຍ: ອານຸສັກ ອຳພັນວິໄລ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ