ວັນເສົາ, ວັນທີ 14 ກັນຍາ 2024
ກອງພັນໃຫ່ຍ642 ປະກາດຮັບຮອງເອົາຄະນະບໍລິຫານງານພັກຊຸດໃໝ່
ເວລາອອກຂ່າວ: 2024-06-10 13:34:38 | ຜູ້ຂຽນ : admin2 | ຈຳນວນຄົນເຂົ້າຊົມ: 847 | ຄວາມນິຍົມ: 
ໃນຕອນເຊົ້າວັນທີ7 ມິຖຸນາ ປີ 2024ນີ້, ກອງພັນໃຫ່ຍ 642 ໄດ້ປະກາດຮັບຮອງເອົາຄະນະບໍລິຫານງານພັກຊຸດໃໝ່( ຊຸດທີVII )ພາຍໃຕ້ການເປັນປະທານຂອສະຫາຍ ພົນຕີ ສອນທອງ ພົມລາວົງ ກຳມະການຄະນະປະຈຳພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ການເມືອງກອງທັບ, ມີບັນດາສະຫາຍຄະນະພັກ-ຄະນະບັນຊາ, ຄະນະພັກຮາກຖານ, ບັນດາໜ່ວຍພັກ, ຕະຫຼອດຮອດແຂກທີ່ຖືກເຊີນເຂົ້າຮ່ວມ.
ໃນພິທີ ສະຫາຍ ພັນເອກ ໃຈເພັດ ວົງແສນສົມ ຮອງຫົວໜ້າກົມຈັດຕັ້ງພັກ ກົມໃຫຍ່ການເມືອງກອງທັບກໍ່ໄດ້ຂຶ້ນຜ່ານມະຕິຕົກລົງຂອງຄະນະພັກກະຊວງປ້ອງກັນປະເທດ ສະບັບເລກທີ 3399/ຄພກປທ ນະຄອນວຽງວຽງຈັນ ລົງວັນທີ 22/05/2024 ວ່າດ້ວຍການຮັບຮອງເອົາຄະນະບໍລິຫານງານພັກກອງພັນໃຫຍ່ 642 ສະໄໝທີVII ໃນນັ້ນຮັບຮອງແຕ່ງຕັ້ງຄະນະບໍລິຫານງານພັກປະກອບມີ9 ສະຫາຍຄື: ສະຫາຍ ພັນເອກ ຄໍາໃສ ແພງຄູນ, ສະຫາຍ ພັນເອກ ຈັນທອນ ຄໍາປັນຍາ, ພັນໂທ ຄໍາປິ່ງ ຄູນສົມເຮືອງ, ພັນໂທ ສີນວນ ສັກຕິເດດ, ພັນໂທ ສຸກສະໄຫວ ສຸກກະເສີມ,ພັນໂທ ຈັນສະໝອນ ໄຊຍະກຸມມານ, ພັນໂທ ບຸນປັນ ແກ້ວອຸດອນ, ພັນໂທ ບຸນລັບ ທໍາມະວົງ, ພັນໂທ ສໍສິນໄຊ ຈັນທະແສງ. ໃນນັ້ນຮັບຮອງແຕ່ງຕັ້ງ ສະຫາຍ ພັນເອກ ຄຳໃສ ແພງຄູນ ເປັນເລຂາຄະນະພັກ, ພັນເອກ ຈັນທອນ ຄຳປັນຍາ ເປັນຮອງເລຂາຄະນະພັກ, ພັນໂທ ຄໍາປິ່ງ ຄູນສົມເຮືອງ ເປັນປະທານຄະນະກວດກາພັກ. ພັນໂທ ກູ່ ໄຊລົງວັນ ເປັນຮອງປະທານຄະນະກວດກາພັກ ແລະ ພັນໂທ ວືຊົງ ໄຊຊົ່ວຕົ່ງ ເປັນຮອງປະທານຄະນະກວດກາພັກ.
ໃນຕອນທ້າຍຂອງພິທີຍັງໄດ້ຮັບຟັງການໂອ້ລົມຈາກ ສະຫາຍ ພົນຕີ ສອນທອງ ພົມລາວົງ ກຳມະການຄະນະປະຈຳພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ການເມືອງກອງທັບ, ສະຫາຍໄດ້ເນັ້ນໜັກມາຍັງຄະນະບໍລິຫານງານພັກຊຸດໃໝ່ຈົ່ງເຊີດຊູຄວາມສາມະຄີພາຍໃນໝູ່ຄະນະໃຫ້ແໜ້ນແຟ້ນ, ແບ່ງໜ້າທີ່ວຽກງານໃຫ້ຈະແຈ້ງ, ນໍາເອົາມະຕິກອງປະຊຸມມາເປັນແຜນການລະອຽດ, ກ້າເຮັດ, ກ້າທຳ, ກ້າສະແດງອອກ, ສຸມທຸກສະຕິປັນຍາເຂົ້າໃນພາລະກິດ ສອງໜ້າທີ່ຍຸດທະສາດ, ພ້ອມກັນຊີ້ນໍາໆພາກົມກອງໃຫ້ກ້າວຂຶ້ນຢ່າງຕໍ່ເນື່ອງ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
