ກອງທັບປະຊາຊົນລາວ
 
ວັນພຸດ, ວັນທີ 19 ມິຖຸນາ 2024

  

ກອງປະຊຸມສະຫຼຸບວຽກງານເຮັດໃຫ້ສະພາບມີຄວາມສະຫງົບ ທົ່ວປະເທດ ປະຈໍາປີ 2023
ເວລາອອກຂ່າວ: 2024-05-27 15:51:58 | ຜູ້ຂຽນ : admin2 | ຈຳນວນຄົນເຂົ້າຊົມ: 314 | ຄວາມນິຍົມ:



ກອງປະຊຸມສະຫຼຸບວຽກງານເຮັດໃຫ້ສະພາບມີຄວາມສະຫງົບທົ່ວປະເທດ ປະຈໍາປີ 2023 ໄດ້ຈັດຂຶ້ນໃນວັນທີ24 ພຶດສະພາ 2024 ນີ້, ໂດຍການເປັນປະທານຂອງ ສະຫາຍ ພົນໂທ ຄໍາລຽງ ອຸທະໄກສອນ ກໍາມະການສູນກາງພັກ ຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ເສນາທິການກອງທັບ, ມີຜູ້ຕາງໜ້າບັນດາກົມ, ຫ້ອງການ, ກົມ 213, ກອງພົນ, ກອງບັນຊາການທະຫານແຂວງ ແລະ ພາກສ່ວນກ່ຽວຂ້ອງເຂົ້າຮ່ວມ. ສະຫາຍ ພົນໂທ ຄໍາລຽງ ອຸທະໄກສອນ ໄດ້ມີຄໍາເຫັນຊີ້ນໍາ ແລະ ກ່າວເປີດກອງປະຊຸມຢ່າງເປັນທາງການ, ຈາກນັ້ນ ສະຫາຍ ພັນເອກ ຄໍາຊາວ ລີນທະກຸນແກ້ວ ຮອງຫົວໜ້າກົມສູ້ຮົບ ກໍໄດ້ຂຶ້ນຜ່ານບົດສະຫຼຸບວຽກງານເຮັດໃຫ້ສະພາບມີຄວາມສະຫງົບ ທົ່ວປະເທດ ປະຈໍາປີ 2023 ແລະ ທິດທາງແຜນການ ປີ 2024, ໂດຍປະຕິບັດຕາມມະຕິກອງປະຊຸມໃຫຍ່ ຄັ້ງທີ XI ຂອງພັກ, ກອງປະຊຸມໃຫຍ່ຄັ້ງທີ V ຂອງຄະນະພັກກະຊວງປ້ອງກັນປະເທດ, ວ່າດ້ວຍ 4 ໜ້າທີ່ໃຫຍ່ 26 ແຜນງານ ເຊິ່ງຕະຫຼອດໄລຍະຜ່ານມາ ກໍ່ໄດ້ສຸມໃສ່ຕອບຕ້ານກົນອຸບາຍຂອງກຸ່ມຄົນບໍ່ດີ ທີ່ເຄື່ອນໄຫວໂຄສະນາໃສ່ຮ້າຍປາຍສີ, ບິດເບືອນແນວທາງນະໂຍບາຍຂອງພັກ, ສວຍໃຊ້ສື່ສັງຄົມອອນລາຍເປັນກະບອກສຽງບິດເບືອນຄວາມຈິງ ພະຍາຍາມສ້າງຂໍ້ຂັດແຍ່ງຕໍ່ພັກ ແລະ ອໍານາດການປົກຄອງ ສ້າງສະຖະນະການກໍ່ຄວາມບໍ່ສະຫງົບ, ສະພາບລວມປະຊົນຊົນ ຍັງມີແນວຄິດອຸ່ນອ່ຽງທຸ່ນທ່ຽງ ເຊື່ອໝັ້ນຕໍ່ການນໍາພາຂອງພັກ-ລັດເປັນເຈົ້າການສ້າງສາພັດທະນາເສດຖະກິດສັງຄົມສະເພາະແມ່ນເອົາໃຈໃສ່ແກ້ໄຂຊີວິດການເປັນຢູ່ຂອງຄອບຄົວ ແລະ ປະກອບສ່ວນເຂົ້າໃນວຽກງານ ປ້ອງກັນຊາດ-ປ້ອງກັນຄວາມສະຫງົບ ຢ່າງຕັ້ງໜ້າ ສືບຕໍ່ລົງກໍ່ສ້າງຮາກຖານການເມືອງ ປະສານສົບທົບກັບກົມກໍ່ສ້າງຮາກຖານກົມໃຫຍ່ການເມືອງ ຊີ້ນໍາຕາມ 4ເນື້ອໃນ 4ຄາດໝາຍ ໃນນັ້ນສຸມໃສ່ຂອບເຂດໃຈກາງ ແລະ ບັນດາເຂດຫຼໍ່ແຫຼມ ໂດຍນໍາເອົາແນວທາງແຜນນະໂຍບາຍຂອງພັກ, ກົດໝາຍຂອງລັດ ລົງເຜີຍແຜ່ສຶກສາອົບຮົມໃຫ້ອໍານາດການປົກຄອງ ປະຊາຊົນບັນດາເຜົ່າຮັບຮູ້ ເຊື່ອມຊຶມ ແລະ ສຸມໃສ່ຕິດຕາມກໍາແໜ້ນເປົ້າໝາຍໜໍ່ແໜງທີ່ເຄື່ອນໄຫວບໍ່ດີ ມີມາດຕະການສະກັດກັ້ນ ນອກນີ້ເອົາໃຈໃສ່ຄຸ້ມຄອງປະຊາຊົນ, ຄຸ້ມຄອງສໍາມະໂນຄົວ, ປັບປຸງອໍານາດການປົກຄອງ ກໍາລັງກອງຫຼອນໃຫ້ມີຄຸນນະພາບ ແລະ ໂຄສະນະສຶກສາອົບຮົມໃຫ້ປະຊາຊົນ, ຊ່ວຍເຫຼືອປະຊາຊົນ ໃນການພັດຖະນາເສດຖະກິດ-ແກ້ໄຂຊີວິດການເປັນຢູ່ ສະເພາະແມ່ນບ້ານຈຸດສຸມພັດທະນາ ເຊິ່ງໄດ້ຈັດຕັ້ງກໍາລັງອອກເຄື່ອນໄຫວສາມາດສະກັດກັ້ນ ກັກໂຕພາກສ່ວນເຂົ້າເມືອງຜິດກົດໝາຍ ຈໍານວນ 100 ຄົນ, ສົມທົບກັບກໍາລັງປ້ອງກັນຄວາມສະຫງົບ ກັກຄົນບໍ່ດີຄ້າຂາຍຢາເສບຕິດໄດ້ 70 ຄົນ, ຢຶດຢາບ້າໄດ້ 3194 ມັດ, ໂຄເຄນ 850 ກິໂລ, ກັນຊາ 200 ກິໂລ, ທໍາລາຍໄຮ່ຢາຝິ່ນ 350 ເຮັກຕາ, ເກັບກູ້ປືນເຖື່ອນໄດ້ 487 ກະບອກ, ປ້ອງກັນພິທີຕ້ອນຮັບແຂກຜູ້ນໍາຕ່າງປະເທດ ທັງແຂກຂອງກອງທັບ ແລະ ແຂດລັດຖະບານ ທີ່ເດີນທາງມາເຄື່ອນໄຫວຢ້ຽມຢາມ ເຮັດວຽກຢູ່ ສ ປປ ລາວ, ພ້ອມນີ້ຕາງໜ້າຜູ້ແທນກອງປະຊຸມກໍໄດ້ຜັດປ່ຽນກັນຂຶ້ນປະກອບສ່ວນຄໍາຄິດເຫັນໃສ່ຮ່າງບົດສະຫຼຸບ ແລະ ທິດທາງແຜນການ, ຮັບຟັງການໂອ້ລົມ ແລະ ເນັ້ນໜັກຫຼາຍບັນຫາທີ່ສໍາຄັນ ຈາກສະຫາຍປະທານອີກດ້ວຍ. ໂດຍ: ພຸດທະວອນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ