ກອງທັບປະຊາຊົນລາວ
 
ວັນພຸດ, ວັນທີ 19 ມິຖຸນາ 2024

  

ຄະນະປະຕິບັດງານພິເສດແຂວງເຫງະອ່ານແລະແຂວງຊຽງຂວາງ ວຽງຈັນ ໄຊສົມບູນລົງນາມບົດບັນທຶກການຊອກຄົ້ນຮ່າງອັດຖິ
ເວລາອອກຂ່າວ: 2024-05-27 15:42:51 | ຜູ້ຂຽນ : admin2 | ຈຳນວນຄົນເຂົ້າຊົມ: 303 | ຄວາມນິຍົມ:



ຕອນເຊົ້າວັນທີ23 ພຶດສະພາ 2024, ຄະນະປະຕິບັດງານພິເສດແຂວງ ເຫງະອ່ານ ສສ ຫວຽດນາມ ແລະ ຄະນະປະຕິບັດງານພິເສດ(3ແຂວງ) ແຂວງຊຽງຂວາງ, ວຽງຈັນ,ໄຊສົມບູນ, ໄດ້ດຳເນີນກອງປະຊຸມເຊັນບົດບັນທຶກການປະສານສົມທົບວຽກງານຊອກຄົ້ນທ້ອນໂຮມ ອັດຖິນັກຮົບອາສາສະໝັກແລະຊ່ຽວຊານຫວຽດນາມໃນລະດູແລ້ງ2024-2025ຢູ່ທີ່ຫ້ອງວ່າການປົກຄອງແຂວງເຫງະອ່ານ, ເປັນກຽດເຂົ້າຮ່ວມກອງປະຊຸມໃນຄັ້ງນີ້ມີສະຫາຍ ບຸຍດິງລ່ອງ ຮອງເຈົ້າແຂວງ ຫົວໜ້າຄະນະປະຕິບັດພິເສດແຂວງເຫງະອ່ານ,ຝ່າຍລາວມີ ສະຫາຍ ພົນຕີ ວົງສອນ ອິນປານພິມ ຮອງເລຂາພັກແຂວງ ຫົວໜ້າຄະນະປະຕິບັດພິເສດ ແຂວງໄຊສົມບູນ, ສະຫາຍ ສີວິໄລ ແສງຈະເລີນ ຮອງເຈົ້າແຂວງ ແຂວງຊຽງຂວາງ, ສະຫາຍ ພົນຈັດຕະວາ ບຸນຜອງ ບຸດດທະວົງ ຫົວໜ້າການເມືອງກອງບັນຊາການທະຫານແຂວງວຽງຈັນພ້ອມຄະນະ, ມີບັນດາສະຫາຍຄະນະປະຕິບັດງານພິເສດ ທັງ3 ແຂວງ ແລະ ພາກສ່ວນທີ່ກ່ຽວຂ້ອງທັງສອງຝ່າຍເຂົ້າຮ່ວມ. ສະຫາຍ ພັນເອກ ພິເສດ ຟ້າມດິງຈູ່ງ ຮອງຫົວຫນ້າການເມືອງ ກອງບັນຊາການທະຫານແຂວງເຫງະອ່ານ ໄດ້ຂຶ້ນລາຍງານຜົນການຊອກຄົນທ້ອນໂຮມອັດຖິນັກຮົບອາສາສະໝັກແລະຊ່ຽວຊານຫວຽດນາມທີ່ເສຍສະຫຼະຊີວິດຢູ່ລາວ ໃນລະດູແລ້ງ 2023 - 2024 ແລະ ແຜນການ ລະດູແລ້ງ 2024-2025, ໄລຍະຜ່ານມາຄະນະຊີ້ນຳ 515 ທະຫານເຂດ4 ກອງທັບປະຊາຊົນຫວຽດນາມ ໄດ້ມອບໜ້າທີ່ໃຫ້ແຂວງ ເຫງະອ່ານ ສົມທົບກັບ 3 ແຂວງ ຊຽງຂວາງ ວຽງຈັນ ແລະ ໄຊສົມບູນ ສຳຫຼວດເກັບກຳຂໍ້ມູນຊອກຄົ້ນ ທ້ອນໂຮມຮ່າງອັດຖິສົ່ງກັບຄືນປະເທດ 80 ອັດຖິ. ຜ່ານການປະຕິບັດໜ້າທີ່ດ້ວຍນ້ຳໃຈມານະອົດທົນແລະ ມີຄວາມຮັບຜິດຊອບສູງຂອງອ້າຍນ້ອງພະນັກງານກອງຂຸດຄົ້ນອະຖິ ສາມາດຂຸດຄົ້ນໄດ້ 87 ຮ່າງອັດຖິ ລື່ນຄາດໝາຍ 7 ອັດຖິ, ບັນລຸໄດ້ 108,7% ຂອງແຜນການ. ຈາກນັ້ນ ສະຫາຍ ພົນຕີ ວົງສອນ ອິນປານພິມ ຮອງເລຂາພັກແຂວງ ຫົວໜ້າຄະນະປະຕິບັດງານພິເສດແຂວງ ໄຊສົມບູນໄດ້ຕາງໜ້າໃຫ້ ທັງ3ແຂວງ, ຂຶ້ນມີຄຳເຫັນຕໍ່ພິທີເຊິ່ງໄດ້ຍົກໃຫ້ເຫັນທັງຂໍ້ສະດວກ, ຂໍ້ຍຸ້ງຍາກ, ຜົນໄດ້ຮັບແລະທິດທາງທາງແຜນການໃນຕໍ່ໜ້າ. ໂອກາດສຳຄັນດັ່ງກ່າວ, ສະຫາຍ ບຸຍດິງລ່ອງ ຮອງເຈົ້າແຂວງແຂວງເຫງະອ່ານໄດ້ສະແດງຄວາມຂອບອົກຂອບໃຈຢ່າງເລິກເຊິ່ງຕໍ່ພັກ, ລັດ, ກອງທັບ ແລະ ປະຊາຊົນບັນດາເຜົ່າລາວເວົ້າລວມ, ເວົ້າສະເພາະແມ່ນ ແຂວງ ຊຽງຂວາງ, ວຽງຈັນ, ໄຊສົມບູນທີ່ໄດ້ອຳນວຍຄວາມສະດວກທຸກຢ່າງແລະສ້າງເງື່ອນໄຂດີທີ່ສຸດໃຫ້ຄະນະຊອກຄົ້ນບັນດາຮ່າງອັດຖິ ຈົນໄດ້ຮັບຜົນສຳເລັດຕາມແຜນການ ແລະ ຫວັງຢ່າງຍິ່ງວ່າ ໃນຕໍ່ໜ້ານີ້ພວກເຮົາຈະໄດ້ສືບຕໍ່ຮ່ວມມື ເພື່ອຊອກຄົ້ນຮ່າງອັດຖິ ໃນລະດູແລ້ງ 2024-2025, ໃຫ້ໄດ້ຕາມແຜນທີ່ວາງໄວ້.ຈາກນັ້ນກໍ່ໄດ້ເຊັນບົດບັນທຶກຊ່ວຍຈຳ ໂດຍມີຄະນະທັງສອງຝ່າຍຮ່ວມເປັນສັກຂີພິຍານ.ໃນຕອນທ້າຍຍັງໄດ້ມອບຂອງຂວັນທີ່ລະນຶກເຊິ່ງກັນແລະກັນອີກດ້ວຍ. ພາບ-ຂ່າວ: ສາຍຄຳ ພອນມະນີ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ