ກອງທັບປະຊາຊົນລາວ
 
ວັນພຸດ, ວັນທີ 19 ມິຖຸນາ 2024

  

ປະກາດການ​ແຕ່ງຕັ້ງ​ຫົວໜ້າ ແລະ ຮອງ​ຫົວໜ້າ​ພະ​ແນກ ຢູ່​ຫ້ອງ​ເສນາ​ທິ​ການ​ ທະຫານ​ແຂວງ​ຫຼວງ​ພະ​ບາງ
ເວລາອອກຂ່າວ: 2024-05-27 08:37:21 | ຜູ້ຂຽນ : admin1 | ຈຳນວນຄົນເຂົ້າຊົມ: 131 | ຄວາມນິຍົມ:



ພິທີປະກາດການ​ແຕ່ງຕັ້ງ​ຫົວໜ້າ ແລະ ຮອງ​ຫົວໜ້າ​ພະ​ແນກ ຢູ່​ຫ້ອງ​ເສນາ​ທິ​ການ ກອງບັນຊາການ​ທະຫານ​ແຂວງ​ຫຼວງ​ພະ​ບາງ ໄດ້​ຈັດ​ຂຶ້ນ ​ວັນ​ທີ 22 ພຶດສະພາ 2024 ນີ້, ໂດຍ​ການ​ເປັນ​ປະທານ​ ຂອງສະ ຫາຍ ພັນ​ເອກ ວິລະ​ສິນ ມິດ​ຕະ​ພອນ ຮອງ​ກອງ​ບັນຊາ​ການ, ຫົວໜ້າ​ຫ້ອງ​ການເມືອງ ກອງບັນຊາການ​ທະຫານ​ແຂວງ​ຫຼວງ​ພະ​ບາງ, ມີ​ຄະນະ​ພັກ-ຄະນະ​ບັນຊາ​ອົງການ, ພະແນກການ​ທີ່ກ່ຽວຂ້ອງ, ຕະ ຫຼອດ​ຮອດ​ພະນັກງານ-ນັກຮົບ ພາຍ​ໃນ​ກົມ​ກອງ​ເຂົ້າ​ຮ່ວມ. ສະຫາຍ ພັນ​ໂທ ອຸ່ນ ລັດຕະນະຮອງ​ຫົວໜ້າ​ພະ​ແນກ​ພະນັກງານ​ ໄດ້​ຜ່ານ​ຂໍ້​ຕົກລົງ ຂອງ​ກອງ​ບັນຊາ​ການ​ທະຫານ​ແຂວງ ວ່າ​ດ້ວຍ​ການ​ຍົກຍ້າຍ ສະຫາຍ ພັນ​ໂທ ພອນ​ວັນ ມີ​ປະເສີດ ຫົວໜ້າ​ພະ​ແນກ​ໂຮງ ຮຽນ ໄປ​ຮັບ​ໜ້າທີ່​ໃໝ່​ຢູ່​ກອງພັນ 415 ພ້ອມ​ທັງ​ຜ່ານ​ຂໍ້​ຕົກລົງ ຂອງ​ກົມ​ໃຫຍ່​ການເມືອງ​ກອງທັບ ວ່າ​ດ້ວຍ​ການ​ແຕ່ງຕັ້ງ​ຂັ້ນ​ພະແນ ກການ ຂຶ້ນ​ກັບ​ກອງ​ບັນຊາ​ການ​ທະຫານ​ແຂວງ​ຫຼວງ​ພະ​ບາງ ໃນ​ນີ້​, ແຕ່ງຕັ້ງ ສະຫາຍ ພັນ​ໂທ ເອັງ ມູນ​ເມືອງ​ຊຳ ເປັນ​ຫົວໜ້າ​ພະ​ແນກ​ໂຮງຮຽນ, ສະຫາຍ ພັນ​ໂທ ສົມ​ພອນ ໂຊ​ທຣາງ ເປັນ​ຫົວໜ້າ​ພະ​ແນກ​ບໍລິຫານ-ສັງ​ລວມ ຫ້ອງ​ເສນາທິການ, ສະຫາຍ ພັນ​ຕີ ສົມ​ເກດ ຫວິ່ງ​ສັກ ເປັນ​ຮອງ​ຫົວໜ້າ​ພະ​ແນກ​ກຳລັງ​ພົນ ຫ້ອງ​ເສນາ​ທິ​ການ​. ສະຫາຍ ພັນ​ເອກ ວິລະ​ສິນ ມິດ​ຕະ​ພອນ ໄດ້ຮຽກຮ້ອງ​ໃຫ້​ຜູ້​ທີ່​ໄດ້​ຮັບ​ໜ້າທີ່​ໃໝ່ ສືບຕໍ່​ປັບປຸງ​ແບບແຜນ​ການ​ນຳພາ-ຊີ້​ນຳ, ແບບແຜນ​ວິທີ​ເຮັດ​ວຽກ​ບົນ​ຫຼັກ ການ​ຂອງ​ພັກ ແລະ ຄົ້ນ​ຄວ​​້າ​ ກຳ​ແໜ້ນ​ພາລະ​ບົດບາດ​ໜ້າທີ່​ການເມືອງ​ຂອງ​ຕົນ, ຍົກ​ສູງ​ຄວາມ​ເປັນ​ແບບຢ່າງ​ນຳ​ໜ້າ​ເຄົາລົບ​ລະບຽບ​ຂອງ​ພັກ, ກົດ ໝາຍ​ລັດ, ລະບຽບ​ວິໄນ​ຂອງ​ກອງທັບ​ໃຫ້​ເຂັ້ມ​ງວດ, ເພີ່ມ​ທະວີ​ເຕົ້າໂຮມ​ຄວາມ​ສາມັກຄີ​ເຫັນ​ດີ​ເປັນ​ເອກ​ພາບ​ໝູ່​ຄະນະ ພ້ອມ​ກັນ​ພັດທະນາ​ກົມ​ກອງ​ໃຫ້​ມີ​ຄວາມ​ເຕີບ​ໃຫຍ່​ເຂັ້ມແຂງ ແລະ ທັນ​ສະໄໝ​ຂຶ້ນ​ເປັນ​ກ້າວໆ. ໂດຍ: ບຸນ​ເພັງ ວົງ​ແກ້ວ​ມະນີ​



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ