ກອງທັບປະຊາຊົນລາວ
 
ວັນພຸດ, ວັນທີ 19 ມິຖຸນາ 2024

  

ກອງພັນ​ໃຫຍ່ 702 ຍ້ອງຍໍ​ຜົນງານ 5 ປີ (2019-2024)
ເວລາອອກຂ່າວ: 2024-05-27 08:36:05 | ຜູ້ຂຽນ : admin1 | ຈຳນວນຄົນເຂົ້າຊົມ: 124 | ຄວາມນິຍົມ:



ວັນ​ທີ 20 ພຶດສະພາ 2024 ນີ້, ກອງພັນ​ໃຫຍ່ 702 ໄດ້ ຍ້ອງຍໍ​ຜົນງານ 5 ປີ (2019-2024) ເນື່ອງ​ໃນ​ໂອກາດ​ສະເຫຼີມສະຫຼອງ ວັນ​ສ້າງຕັ້ງ​ກອງທັບ​ປະຊາຊົນ​ລາວ ຄົບຮອບ 75 ປີ (20 ມັງກອນ 1949-20 ມັງກອນ 2024). ໂດຍ​ການ​ເປັນ​ປະທານ​ຂອງ​ສະຫາຍ ​ພັນໂທ ສີ​ແພງ ດວງ​ທິ​ໄຊ ເລຂາ​ຄະນະ​ພັກ, ​ຫົວ ໜ້າ​ການເມືອງ​ ກອງພັນ​ໃຫຍ່ 702, ມີ​ສະຫາຍ ​ພັນເອກ ວັນ​ເພັດ ນາມ​ວົງ​ສັກ ຮອງ​ເລຂາ​ຄະນະ​ພັກ, ຫົວໜ້າ​ການ​ທະຫານ​ກອງພັນ​ໃຫຍ່ ພ້ອມ​ດ້ວຍ​ນາຍ ​ແລະ​ ພົນທະຫານ​ທົ່ວ​ກອງພັນ​ໃຫຍ່ 702 ເຂົ້າ​ຮ່ວມ. ສະຫາຍ ​​ພັນໂທ ຄຳ​ສວນ ທອງ​ສົມບັດ​ ​ຮອງ​ຫົວໜ້າ​ພະແນກການ​ເມືອງ​ ກອງພັນ​ໃຫຍ່ 702 ໄດ້​​ຜ່ານ​ຂໍ້​ຕົກລົງ ວ່າ​ດ້ວຍ​ການ​ມອບ​ຫຼຽນ​ໄຊ​ພິລະ​ອາດ​ຫານ ​ແລະ​ ໃບ​ຍ້ອງຍໍ, ອີງ​ຕາມ ດຳລັດ​ນາຍ​ຍົກ​ລັດຖະມົນຕີ ວ່າ​ດ້ວຍ​ການ​ແຂ່ງຂັນ ​ແລະ​ ຍ້ອງຍໍ ອີງ​ຕາມ​ມະຕິ​ຕົກລົງ ​ຂອງ​ກົມ​ການເມືອງ​ສູນ​ກາງ​ພັກ ວ່າ​ດ້ວຍ​ການຈັດຕັ້ງ​ສະເຫຼີມສະຫຼອງ​ວັນ​ສ້າງຕັ້ງ​ກອງທັບ​ປະຊາຊົນ​ລາວ ຄົບຮອບ 75 ປີ(20 ມັງກອນ 1949-20 ມັງກອນ 2024). ອີງ​ຕາມ ຄຳ​ສັ່ງ​ແນະນຳ​ຂອງ​ກະຊວງ​ປ້ອງ​ກັນ​ປະເທດ ວ່າ​ດ້ວຍ​ການ​ຄັດ​ເລືອກ​ຜົນງານ ໃນ​ໄລຍະ 5 ປີ ເພື່ອ​ຂ່ຳນັບ​ຮັບ​ຕ້ອນ​ວັນ​ສ້າງຕັ້ງ​ກອງທັບ​ປະຊາຊົນ​ລາວ ຄົບຮອບ 75 ປີ ໃຫ້​ບຸກຄົນ​ທີ່​ມີ​ຜົນງານ​ດີເດັ່ນ​ເຮັດ​ສຳເລັດ​ໜ້າທີ່ ວຽກ​ງານ​ທີ່​ໄດ້​ຮັບ​ການ​ມອບ​ໝາຍ. ກະຊວງ​ປ້ອງ​ກັນ​ປະເທດ ​ຕົກລົງ ມອບ​ຫຼຽນ​ໄຊ​ພິລະ​ອາດ​ຫານ ຊັ້ນ l ຈຳນວນ 1 ສະຫາຍ, ຫຼຽນ​ໄຊ​ພິ​ອາດ​ຫານ ຊັ້ນ ll ຈຳນວນ 65 ສະຫາຍ, ຫຼຽນ​ໄຊ​ພິລະ​ອາດ​ຫານ ຊັ້ນ lll ຈຳນວນ 108 ສະຫາຍ, ໃບ​ຍ້ອງຍໍ​ກະຊວງ​ປ້ອງ​ກັນ​ປະເທດ ຈຳນວນ 41 ສະຫາຍ, ໃບ​ຍ້ອງຍໍ​ກົມ​ໃຫຍ່​ການເມືອງ​ກອງທັບ ຈຳນວນ 6 ສະ ຫາຍ. ໂດຍ: ຄຳ​ພອນ ແພງ​ພະຈັນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ