ກອງທັບປະຊາຊົນລາວ
 
ວັນພຸດ, ວັນທີ 19 ມິຖຸນາ 2024

  

ໝາກຜົນ​ການ​ກໍ່ສ້າງ​ໜ່ວຍ​ພັກປອດ​ໃສ ເຂັ້ມແຂງ ໜັກ​ແໜ້ນ ຂອງ​ຄະນະ​ພັກ​ອົງການ​ກົມ 213
ເວລາອອກຂ່າວ: 2024-05-21 09:05:08 | ຜູ້ຂຽນ : admin1 | ຈຳນວນຄົນເຂົ້າຊົມ: 158 | ຄວາມນິຍົມ:



ສະຫາຍ ພັນ​ເອກ ພູ​ວອນ ເມກ​ສະຫວັນ ກຳມະການ​ຄະນະ​ພັກ, ຮອງ​ຫົວໜ້າ​ກົມ 213 ລາຍ​ງານ​ໃນ​ໂອກາດ ສະຫຼຸບ​ຖອດ​ຖອນ​ບົດຮຽນ ການ​ກໍ່ສ້າງ​ໜ່ວຍ​ພັກປອດ​ໃສ ເຂັ້ມແຂງ ໜັກ​ແໜ້ນ ປະຈຳ​ປີ 2023 ໃຫ້​ຮູ້​ວ່າ: ໃນ​ຜ່ານ​ມາ, ຄະນະ​ພັກ​ອົງການ​ກົມ 213 ໄດ້​ເອົາໃຈໃສ່ນຳພາ-ຊີ້​ນຳການ​ປັບປຸງ​ກໍ່ສ້າງ​ພັກ ຕາມ 5 ຫຼັກການ 3 ທິດ​ນຳ​ຂອງ​ພັກ ຕິດ​ພັນ​ກັບຂະ​ບວນ​ການ​ກໍ່ສ້າງ​ໜ່ວຍ​ພັກ ປອດ​ໃສ ເຂັ້ມແຂງ ໜັກ​ແໜ້ນ ຢ່າງ​ເປັນ​ຂະ​ບວນ​ການ​ຟົດຟື້ນ​ກວ້າງຂວາງ, ໄດ້ ​ເອົາໃຈໃສ່​ສຶກ​ສາ​ອົບຮົມ​ການເມືອງ​-ນຳພາ​ແນວ​ຄິດ​ໃຫ້ສະມາຊິກ​ພັກ ດ້ວຍ​ການ​ຄົ້ນຄວ້າ​ຮ່ຳຮຽນ, ເຊື່ອມ​ຊຶມ​ແນວທາງ​ນະໂຍບາຍ, ມະຕິ, ຄຳ​ສັ່ງ ແລະ ກົດ​ລະ ບຽບ​ຂອງ​ພັກ, ຫັນ​ເອົາ​ແນວທາງ, ແຜນ​ນະໂຍບາຍ​ຂອງ​ພັກ-ລັດມາ​ເປັນ​ແຜນການ​ນຳພາ​ແທດເໝາະ​ກັບ​ໜ້າທີ່​ການເມືອງ ແລະ ສະພາບ​ຄວາມ​ເປັນ​ຈິງ​ຂອງ​ແຕ່​ລະ​ກົມ​ກອງ, ສະມາຊິກ​ພັກ​ແຕ່​ລະ​ສະຫາຍ ຮັກສາ​ໄດ້​ທາດ​ແທ້​ຄວາມ​ຈົງ​ຮັກ​ພັກດີ​ຕໍ່​ພັກ, ຕໍ່​ປະເທດ​ຊາດ ແລະ ປະຊາຊົນ​ລາວ​ບັນດາເຜົ່າ, ເປັນ​ເຈົ້າ​ການ​ປ້ອງ​ກັນ​ຕົນ​ເອງ, ປ້ອງ​ກັນ​ໜ່ວຍ​ພັກ ບໍ່​ໃຫ້​ປະກົດ​ການ​ຫຍໍ້ທໍ້​ເກີດ​ຂຶ້ນ​ພາຍ​ໃນ​ພັກ ກໍ​ຄືກົມ​ກອງ, ສະມາຊິກ​ພັກ​ມີ​ສະຕິ​ຕໍ່​ການຈັດຕັ້ງ, ປະຕິບັດ​ກົດ​ລະບຽບ​ຂອງ​ພັກ, ກົດໝາຍ​ຂອງ​ລັດ​ຢ່າງ​ເຂັ້ມ​ງວດ, ເປັນ​ແບບຢ່າງ​ທີ່​ດີ​ໃຫ້​ແກ່​ມະຫາຊົນ, ສາມາດ​ເຮັດ​ສຳເລັດ​ໜ້າທີ່​ວຽກ​ງານ ຕາມ​ການ​ມອບ​ໝາຍ​ເປັນ​ຢ່າງ​ດີ. ຄະນະ​ພັກ ໄດ້​ປະຕິບັດ​ແບບແຜນ​ນຳພາ ຕາມ​ຫຼັກການ​ລວມ​ສູນ​ປະຊາທິປະໄຕ​ຢ່າງ​ຖືກຕ້ອງ, ແບ່ງ​ຄວາມ​ຮັບຜິດຊອບ​ໃຫ້​ບຸກຄົນ​ຈະແຈ້ງ, ປະຕິບັດ​ລະບອບ​ດຳເນີນ​ຊີວິດ​ການເມືອງ​ພາຍ​ໃນ​ພັກ​ຢ່າງ​ເປັນ​ປົກກະຕິ, ຖື​ສຳຄັນ​ການ​ຕິ​ຊົມ​ຕົນ​ເອງ, ຕິ​ຊົມ​ເຊິ່ງ​ກັນ ແລະ ກັນ ເພື່ອ​ພ້ອມ​ກັນ​ກ້າວໜ້າ, ໄດ້​ຕິດຕາມ​ກວດກາ, ຊຸກຍູ້ການເຄື່ອນໄຫວ​ວຽກ​ງານ​ຢ່າງ​ຕໍ່​ເນື່ອງ ທັງ​ສະຫຼຸບ​ຖອດ​ຖອນ​ບົດຮຽນ, ຊອກ​ໃຫ້​ເຫັນ​ດ້ານ​ ດີ ແລະ ສິ່ງ​ທີ່​ຄົງ​ຄ້າງ ເພື່ອ​ແກ້​ໄຂ​ໃຫ້​ທັນ​ເວລາ ພ້ອມ​ກັນ​ນັ້ນ, ກໍ​ໄດ້​ປະສານ​ສົມທົບ​ຢ່າງ​ກົມກຽວ ລະຫວ່າງ ການ​ນຳພາ​ຂອງ​ຄະນະ​ພັກ ກັບ ການຈັດຕັ້ງ​ບັນຊາ ແລະ ອົງ​ການຈັດຕັ້ງ​ມະຫາຊົນ ພ້ອມ​ກັນ​ປະຕິບັດ​ໜ້າທີ່​ການເມືອງ​ຂອງ​ກົມ​ກອງ ໂດຍ​ຖື​ເອົາ 4 ໜ້າທີ່​ໃຫຍ່ 26 ແຜນ​ງານ ​ທີ່​ຄະນະ​ພັກ​ກະຊວງ​ປ້ອງ​ກັນ​ປະເທດ​ວາງ​ອອກ​ເປັນ​ບ່ອນ​ອີງ, ເສີມ​ຂະຫຍາຍ​ມູນເຊື້ອ​ອັນ​ດີງາມ​ຂອງ​ຊາດ, ຂອງ​ພັກ, ຂອງ​ກອງທັບເຂົ້າ​ໃນ​ພາລະກິດ​ປົກ​ປັກ​ຮັກສາ ແລະ ສ້າງສາ​ພັດທະນາ​ປະເທດ​ຊາດ, ຖື​ສຳຄັນ​ການ​ກໍ່ສ້າງ​ຮາກ​ຖານ​ການເມືອງ​ແບບ​ມູນເຊື້ອ, ປະຕິ ບັດ 3 ໜ້າທີ່ 4 ການ​ພົວພັນ ເຮັດ​ໃຫ້​ກົມ​ກອງ​ກັບ​ອຳນາດ​ການ​ປົກຄອງ​ທ້ອງຖິ່ນ ມີ​ຄວາມ​ສາມັກຄີ​ກັນ​ແໜ້ນ ພ້ອມ​ກັນ​ຕ້ານ, ສະກັດ​ກັ້ນ ແລະ ແກ້​ໄຂ​ບັນດາ​ປະກົດ​ການ​ຫຍໍ້ທໍ້​ຕ່າງໆ ເຮັດ​ໃຫ້​ສະພາບ​ມີ​ຄວາມ​ສະຫງົບ​ໂດຍ​ພື້ນຖານ, ຄະນະ​ພັກ ໄດ້​ເອົາໃຈໃສ່​ປັບປຸງ​ກໍ່ສ້າງ​ພັກ ຖື​ເອົາ​ຄຸນ​ນະ​ພາບ​ເປັນ​ກົກ ແລະ ປະລິມານ​ເປັນ​ສຳຄັນ, ຊີ້​ນຳ​ພະ​ແນກ​ຈັດ​ຕັ້ງ​ພັກ​ປະຕິບັດ​ຕາມ​ຂັ້ນ​ຕອນ, ລະບຽບ​ຫຼັກການ​ກໍ່ສ້າງ​ພັກ​ຢ່າງ​ເຂັ້ມ​ງວດ, ເປີດ​ຮຽນ​ສະໜັບສະໜູນ​ໃຫ້​ແກ່​ມະຫາຊົນ​ຜູ້​ກ້າວໜ້າ, ຕິດ ຕາມ​ທົດ​ສອບ​ໃນ​ໜ້າທີ່​ວຽກ​ງານ​ຕົວ​ຈິງ ເພື່ອ​ຂະຫຍາຍ​ເຂົ້າ​ເປັນ​ສະມາຊິກ​ພັກ​ປະຊາຊົນ​ວັດ​ລາວ ໃນ​ຜ່ານ​ມາ ສາມາດ​ຂະຫຍາຍ​ມະຫາຊົນ​ເຂົ້າ​ພັກ​ສຳຮອງ​ໄດ້ 81 ສະຫາຍ, ເລື່ອນ​ສຳຮອງ​ຂຶ້ນ​ສົມບູນ 50 ສະຫາຍ, ວຽກ​ງານ​ກໍ່ສ້າງ​ພະນັກ ງານ ຕົ້ນຕໍ​ແມ່ນ​ເລັ່ງ​ໃສ່​ສ້າງ​ພະນັກງານ​ກັບ​ທີ່, ກໍ່ສ້າງ​ໃນ​ໜ້າທີ່​ວຽກ​ງານ​ຕົວ​ຈິງ ພ້ອມ​ກັນ​ນີ້, ກໍ​ໄດ້​ຄັດ​ເລືອກ​ເອົາ​ພະນັກງານ​ໄປ​ບຳລຸງ, ກໍ່ສ້າງ​ໄລຍະ​ສັ້ນ ແລະ ໄລຍະ​ຍາວ ຢູ່​ບັນດາ​ໂຮງຮຽນ, ວິທະຍາຄານ​ຕ່າງໆ ທັງ​ພາຍ​ໃນ ແລະ ຕ່າງ ປະເທດ ຕາມ​ທຶນ​ແບ່ງປັນ​ຂອງ​ຂັ້ນ​ເທິງ ເພື່ອ​ຕອບ​ສະໜອງ​ກັບ​ຄວາມ​ຮຽກຮ້ອງ​ຕ້ອງການ​ຂອງ​ໜ້າທີ່​ວຽກ​ງານ​ໃນ​ໄລຍະ​ໃໝ່ ໃຫ້​ມີ​ຄຸນ​ນະ​ພາບ ແລະ ສາມາດ​ປະ ຕິບັດ​ໜ້າທີ່​ການເມືອງ​ຂອງ​ກົມ​ກອງ ໃນ​ແຕ່​ລະ​ໄລຍະ​ໃຫ້​ມີ​ຜົນສຳເລັດ. ຜ່ານ​ການ​ຕີ​ລາຄາ​ແບ່ງ​ປະເພດ​ຄຸນ​ນະ​ພາບ​ຂອງ​ສະມາຊິກ​ພັກ, ບັນດາ​ຮາກ​ຖານ​ພັກ ແລະ ໜ່ວຍ​ພັກ ທີ່​ຂຶ້ນ​ກັບ ຄະນະ​ພັກ​ອົງການ​ກົມ 213 ປະຈຳ​ປີ 2023 ມີ​ສະມາຊິກ​ພັກ​ແຂງ​ທັງ​ໝົດ 1.389 ສະຫາຍ, ສະມາຊິກ​ພັກ​ກາງ 48 ສະຫາຍ, ​ຕີ​ລາຄາ ແລະ ຮັບຮອງ​ເປັນ​ໜ່ວຍ​ພັກ ປອດ​ໃສ ເຂັ້ມແຂງ ໜັກ​ແໜ້ນ ຈຳນວນ 50 ໜ່ວຍ​ພັກ. ໂດຍ: ສົມ​ຄິດ ພູມ​ມີ​ຈິດ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ