ກອງທັບປະຊາຊົນລາວ
 
ວັນພຸດ, ວັນທີ 19 ມິຖຸນາ 2024

  

ກອງບັນຊາການທະຫານ​ນະຄອນ​ປາກ​ເຊ ເປີດ​ຊຸດ​ອົບຮົມ-ຫັດ​ແອບ ປະຈຳ​ປີ 2024
ເວລາອອກຂ່າວ: 2024-05-21 08:57:33 | ຜູ້ຂຽນ : admin1 | ຈຳນວນຄົນເຂົ້າຊົມ: 139 | ຄວາມນິຍົມ:



ພິທີເປີດ​ຊຸດ​ອົບຮົມ​ຫັດ-ແອບ​ການເມືອງ, ການ​ທະຫານ, ພະລາທິການ-ເຕັກນິກ​ໃຫ້​ພະນັກງານ-ນັກຮົບ ກອງ​ບັນຊາ​ການ​ທະຫານ​ນະຄອນ​ປາກ​ເຊ ແຂວງ​ຈຳປາ​ສັກ ປະຈຳ​ປີ 2024 ໄດ້​ຈັດ​ຂຶ້ນ​ໃນ​ວັນ​ທີ 16 ພຶດ​ສະພາ 2024 ນີ້, ໂດຍ​ການ​ເປັນ​ປະທານ ຂອງ​ສະຫາຍ ບົວ​ລີ ເພັດ​ສົງຄາມ ກໍາມະການຄະນະ​ປະຈຳ​ພັກ​ແຂວງ, ເລຂາ​ຄະນະ​​ພັກ, ຫົວໜ້າ​ຄະນະ​ປ້ອງ​ກັນ​ຊາດ-ປ້ອງ​ກັນ​ຄວາມ​ສະຫງົບ​ນະຄອນ​ປາກ​ເຊ, ມີ​ສະຫາຍ ພັນ​ໂທ ຄຳ​ພູ​ວົງ ແກ້ວ​ວົງກົດ ຫົວໜ້າ​ການ​ທະຫານ ກອງ​ບັນຊາ​ການ​ທະຫານ ​ນະຄອນ​ປາກ​ເຊ, ມີຜູ້ຕາງໜ້າ ພະແນກການ​ທີ່​ກ່ຽວຂ້ອງ, ບັນດາ​ແຂກ​ທີ່​ຖືກ​ເຊີນ ພ້ອມ​ດ້ວຍ​ພະນັກງານ-ນັກຮົບ​ພາຍ​ເຂົ້າ​ຮ່ວມ. ສະຫາຍ ພັນ​ຕີ ວິລັດ ອິນ​ທະ​ວົງສາ ຮອງ​ຫົວໜ້າ​ການ​ທະຫານ ກອງ​ບັນຊາ​ການ​ທະຫານນະຄອນ​ປາກ​ເຊ ໄດ້​ຜ່ານ​ບົດ​ສະຫຼຸບ ປະຈຳ​ປີ 2023 ແລະ ແຜນ ການ​ອົບຮົມ-ຫັດ​ແອບ ປະຈຳ​ປີ 2024 ເຊິ່ງ​ຈຸດປະສົງ​ຂອງ​ການ​ເປີດ​ຊຸດ​ອົບຮົມ​ຄັ້ງ​ນີ້ ເພື່ອ​ເປັນ​ການ​ຍົກ​ລະດັບ​ຄວາມ​ຮູ້ ຄວາມ​ສາມາດ​ດ້ານ​ສິລະປະ​ຍຸດ-ຍຸດທະວິທີ​ໃຫ້​ນາຍ ແລະ ພົນທະຫານ​ຢູ່​ໃນ​ກົມ​ກອງ​ມີ​ຄວາມ​ເຂັ້ມແຂງ​ທາງ​ດ້ານ​ລະບຽບ​ແບບແຜນ, ມີ​ສຸຂະພາບ​ເຂັ້ມແຂງ, ອົດທົນ​ຜ່ານ​ຜ່າ​ຕໍ່​ອຸປະສັກ, ມີ​ຫົວຄິດ​ປະດິດ​ສ້າງ​ແບບ​ວິທະຍາສາດ, ມີ​ພິກໄຫວ​ຄ່ອງ​ແຄ່ວ, ຊຳນິຊຳນານ​ໃນການນຳ​ໃຊ້​ອາວຸດ​ຍຸດ​ໂທ​ປະກອນ ແລະ ເຕັກນິກ​ຕ່າງໆ ເພື່ອ​ຮັບປະກັນ​ການ​ກຽມພ້ອມ​ສູ້​ຮົບ ແລະ ສູ້​ຮົບ​ຢ່າງ​ມີ​ໄຊ​ໃນ​ທຸກເງື່ອນໄຂ, ທັງ​ເປັນ​ການ​ກະຕຸກ​ຊຸກຍູ້​ໃຫ້​ພະນັກງານ-ນັກຮົບ​ຕັ້ງໜ້າ​ຈັດ​ຕັ້ງ​ປະຕິບັດ​ຂໍ້​ກຳນົດ, ກົດ​ລະບຽບ​ຢ່າງ​ຕໍ່​ເນື່ອງ​ເປັນ​ປົກກະຕິ, ປັບປຸງ​ກົມ​ກອງ​ໃຫ້​ມີ​ລະບຽບ​ວິໄນ​ເຂັ້ມ​ງວດ ​ສ້າງ​ກົມ​ກອງ​ໃຫ້​ກາຍເປັນ​ກົມ​ກອງ​ທີ່​ມີ​ລະບຽບ​ແບບແຜນ​ທີ່​ທັນ​ສະໄໝ. ເນື້ອ​ໃນ​ການ​ອົບຮົມ-ຫັດ​ແອບ​ຈະ​ໄດ້​ແບ່ງ​ອອກ​ເປັນ 2 ໄລຍະ​ຄື: ໄລຍະ​ທີ​ໜຶ່ງ​ເລີ່ມ​ແຕ່​ວັນ​ທີ 1 ກຸມພາ-14 ມິຖຸນາ, ໄລຍະ​ທີ​ສອງ​ເລີ່ມ​ແຕ່​ວັນ​ທີ 1 ກໍລະກົດ-1 ພະຈິກ 2024 ມີ​ຜູ້​ເຂົ້າ​ຮ່ວມ​ອົບຮົມ​ທັງ​ໝົດ 138 ສະຫາຍ, ຍິງ 11 ສະຫາຍ, ກຳນົດ​ເວລາ 180 ວັນ​ ຈຶ່ງ​ຈະ​ສຳເລັດ. ໃນ​ພິທີ ຍັງ​ໄດ້​ຜ່ານ​ຂໍ້​ຕົກລົງ​ຂອງ​ກອງ​ບັນຊາ​ການ​ທະຫານ​ນະຄອນ​ປາກ​ເຊ ກ່ຽວ​ກັບ​ການ​ແຕ່ງຕັ້ງ​ພະນັກງານ-ນັກຮົບ​ ເຮັດ​ໜ້າທີ່​ພາຍ​ໃນ​ກົມ​ກອງ. ໂດຍ: ວິໄລ​ພອນ ວົງ​ວິ​ສອນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ