ວັນສຸກ, ວັນທີ 04 ຕຸລາ 2024
ຫົວໜ້າການທະຫານ ວປກ ຕ້ອນຮັບພະນັກງານ ແລະ ນັກສຶກສາ ຈາກວິທະຍາໄລບັນຊາ-ເສນາ ສ.ອິນໂດເນເຊຍ
ເວລາອອກຂ່າວ: 2024-04-24 13:46:03 | ຜູ້ຂຽນ : admin2 | ຈຳນວນຄົນເຂົ້າຊົມ: 1017 | ຄວາມນິຍົມ: 
ໃນວັນທີ23 ເມສາ 2024 ນີ້, ສະຫາຍ ພົນຈັດຕະວາ ປອ ແກັວສຸວັນ ອິນທະວົງສາກຳມະການຄະນະພັກ ກະຊວງປ້ອງກັນປະເທດ ຫົວໜ້າການທະຫານ ວິທະຍາຄານປ້ອງກັນຊາດ ໄກສອນ ພົມວິຫານ ພ້ອມດ້ວຍຄະນະ ໄດ້ຈັດຕັ້ງພິທີຕ້ອນຮັບການມາຢ້ຽມຢາມຂອງ ຄະນະພະນັກງານ ແລະ ນັກສຶກສາຈາກ ວິທະຍາໄລບັນຊາ-ເສນາ ສ.ອິນໂດເນເຊຍ ເຊິ່ງນຳໂດຍ ສະຫາຍ ພົນຈັດຕະວາ ດຣ ໂຢຕານາເບ້ (Drs YOTANABEY) ຫົວໜ້າອາຈານຝ່າຍປະສານງານ ວິທະຍາໄລບັນຊາ-ເສນາ ສ.ອິນໂດເນເຊຍ, ພ້ອມດ້ວຍຄະນະ ຈຳນວນ 55 ສະຫາຍ ເຂົ້າຮ່ວມ.
ໂອກາດດັ່ງກ່າວ, ສະຫາຍ ພົນຈັດຕະວາ ປອ ແກັວສຸວັນ ອິນທະວົງສາ ໄດ້ກ່າວສະແດງຄວາມຍນດີຕ້ອນຮັບຢ່າງອົບອຸ່ນຕໍ່ການມາຢ້ຽມຢາມຂອງ ສະຫາຍ ພົນຈັດຕະວາ ດຣ ໂຢຕານາເບ້ (Drs YOTANABEY) ພ້ອມດ້ວຍຄະນະ, ພ້ອມຍົກໃຫ້ເຫັນເຖິງປະຫວັດແຫ່ງການກຳເນີດ ແລະ ເຕີບໃຫຍ່ຂະຫຍາຍຕົວຂອງກອງທັບປະຊາຊົນລາວ ກໍ່ຄືວິທະຍາຄານປ້ອງກັນຊາດ ໄກສອນ ພົມວິຫານ ບັນດາຜົນງານທີ່ຍາດມາໄດ້ໃນແຕ່ລະໄລຍະນັບແຕ່ມື້ສ້າງຕັ້ງຈົນເຖິງປັດຈຸບັນ ເຊິ່ງສາມາດຕອບສະໜອງບຸກຄະລາກອນຂັ້ນນາຍບັນຊາ ຕາມຄວາມຮຽກຮ້ອງຕ້ອງການຂອງໜ້າທີ່ການເມືອງໃຫ້ແກ່ກອງທັບ ແລະ ບັນດາເປົ້າໝາຍອື່ນໆທີ່ເຂົ້າມາອົບຮົມ ຈາກນັ້ນທັງສອງພາກສ່ວນ ກໍ່ໄດ້ປະກອບຄຳຄິດເຫັນບາງທັດສະນະກ່ຽວກັບການພົວພັນຮ່ວມມື້ໃນຫຼາຍໆດ້ານ, ເພື່ອເປັນການຮັດແໜ້ນສາຍພົວພັນຄວາມສາມັກຄີລະຫວ່າງສອງຊາດ ສອງກອງທັບລາວ-ອິນໂດເນເຊຍ, ອິນໂດເນເຊຍ-ລາວ ໃຫ້ນັບມື້ດີຂຶ້ນ.
ພາບ-ຂ່າວ: ສາວີວັນ ວົງຄຳຊາວ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
