ວັນອັງຄານ, ວັນທີ 11 ກຸມພາ 2025
ກອງພັນໃຫຍ່ 302 ບາສີສູຂັວນປີໃໝ່ລາວ ພສ 2567
ເວລາອອກຂ່າວ: 2024-04-24 09:03:45 | ຜູ້ຂຽນ : admin1 | ຈຳນວນຄົນເຂົ້າຊົມ: 724 | ຄວາມນິຍົມ: 
ກາງເດືອນເມສາ 2024 ນີ້, ກອງພັນໃຫຍ່ 302 ກອງພົນທີ 3 ໄດ້ຈັດພິທີບາສີສູ່ຂວັນສົ່ງທ້າຍປີເກົ່າ ແລະ ຕ້ອນຮັບປີໃໝ່ລາວ ພສ 2567 ໂດຍມີສະຫາຍ ພັນເອກ ຄຳສອນ ໄຊສົງຄາມ ເລຂາຄະນະພັກ, ຫົວໜ້າການທະຫານ ກອງ
ພັນໃຫຍ່ 302 ພ້ອມດ້ອຍຄະນະພັກ-ຄະນະບັນຊາ, ພະນັກງານ-ນັກຮົບ ທົ່ວກອງພັນໃຫຍ່ 302 ແລະ ອົງການຈັດຕັ້ງບ້ານອ້ອມຂ້າງເຂົ້າຮ່ວມ.
ໂອກາດນີ້, ສະຫາຍ ພັນເອກ ສອນ ໄຊສົງຄາມ ໄດ້ຕາງໜ້າຄະນະພັກ-ຄະນະບັນຊາ ກ່າວວ່າ: ການຈັດຕັ້ງບາສີສູ່ຂວັນໃນຄັ້ງນີ້, ເພື່ອເປັນການຮັກສາມູນເຊື້ອ ວັດທະນະທຳ, ຮີດຄອງປະເພນີ ອັນດີງາມຂອງຊາດລາວ ທີ່ເຄີຍປະຕິບັດກັນມາແຕ່ບູຮານນະການ ເປັນຕົ້ນແມ່ນ ປະຕິບັດຕາມຮິດສິບສອງຄອງສິບສີ່, ທັງເປັນການເສີມສ້າງຄວາມສາມັກຄີຮັກແພງຊ່ວຍເຫຼືອເຊິ່ງກັນ ແລະ ກັນ ລະຫວ່າງຄະນະພັກ-ຄະນະບັນຊາ, ພະນັກງານ-ນັກຮົບທົ່ວກອງພັນໃຫຍ່ 302 ແລະ ບ້ານອ້ອມຂ້າງ ເພື່ອຮັບໂຊກຮັບໄຊຕະຫຼອດປີໃໝ່ນີ່້ ພ້ອມທັງ, ອວຍພອນໄຊອັນປະເສີດ ໃຫ້ຄະນະພັກ-ຄະນະບັນຊາ, ພະນັກງານ-ນັກຮົບທົ່ວກອງພັນໃຫຍ່ 302 ຈົ່ງມີສຸຂະພາບເຂັ້ມແຂງ, ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ ເຮັດສຳເລັດໜ້າທີ່ອັນມີກຽດ ທີ່ພັກ-ລັດ ກໍຄືປະເທດຊາດມອບໝາຍໃຫ້ ແລະ ພ້ອມກັນຮັກສາຮີດຄອງປະເພນີອັນດີງາມ ທີ່ເຄີຍປະຕິບັດກັນມາແຕ່ດົນນານ ໃຫ້ຄົງຢູ່ກັບສັງຄົມລາວວຕະຫຼອດໄປ.
ຈາກນັ້ນ, ຫຼາຍພາກສ່ວນໄດ້ນຳເອົາກະຕ່າຂອງຂວັນມອບໃຫ້ ຄະນະພັກ-ຄະນະບັນຊາ ພ້ອມທັງ ທຳພິທີຕາມຮີດຄອງກຸລາບາສີ ຫົດສົງນ້ຳອວຍພອນເຊິ່ງກັນ ແລະ ກັນ ດ້ວຍບັນຍາກາດມ່ວນຊື່ນ, ຈົບງາມຖືກຕ້ອງຕາມຮີດຄອງປະເພນີອັນດີງາມຂອງຊາດລາວ.
ໂດຍ: ພອນແກ້ວ ວິໄລສັກ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
