ວັນສຸກ, ວັນທີ 21 ມີນາ 2025
ຫ້ອງພະລາທິການ ກອງພົນທີ 4 ມອບຍ້ອງຍໍຜົນງານ 5 ປີ
ເວລາອອກຂ່າວ: 2024-04-24 09:02:30 | ຜູ້ຂຽນ : admin1 | ຈຳນວນຄົນເຂົ້າຊົມ: 671 | ຄວາມນິຍົມ: 
ກາງເດືອນເມສາ 2024 ນີ້, ຫ້ອງພະລາທິການ ກອງພົນທີ 4 ໄດ້ຈັດຕັ້ງມອບຍ້ອງຍໍຜົນງານໄລຍະ 5 ປີ ເນື່ອງໃນໂອກາດສະ ເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ, ໂດຍເປັນປະທານ ຂອງ ສະຫາຍ ພັນເອກ ວິເລີດ ສວຍມາລີ ຫົວໜ້າຫ້ອງພະລາທິການ ກອງພົນທີ 4, ມີ ຄະນະຫ້ອງ, ພະແນກການ ແລະ ພະນັກງານ-ນັກຮົບ ເຂົ້າຮ່ວມ.
ສະຫາຍ ພັນໂທ ແກ້ວຄຳວົງ ສ້ອຍສີສຸລາດ ຮອງຫົວໜ້າຫ້ອງພະລາທິການ ກອງພົນທີ 4 ໄດ້ຜ່ານຂໍ້ຕົກລົງ ຂອງກະຊວງປ້ອງກັນປະເທດ ວ່າດ້ວຍການມອບຫຼຽນໄຊພິລະອາດຫານ ແລະ ໃບຍ້ອງຍໍ, ຂໍ້ຕົກລົງ ຂອງກົມໃຫຍ່ການເມືອງກອງທັບ ວ່າດ້ວຍການມອບໃບຍ້ອງຍໍ ໂດຍອີງຕາມ ດຳລັດ ຂອງນາຍົກລັດຖະມົນຕີ ວ່າດ້ວຍການແຂ່ງຂັນຍ້ອງຍໍ ແລະ ອີງຕາມ ຄຳສັ່ງແນະນຳ ຂອງກະຊວງປ້ອງກັນປະເທດວ່າດ້ວຍການຄັດເລືອກຜົນງານ 5 ປີ ເພື່ອຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ. ສຳລັບປະເພດຫຼຽນໄຊ ແລະ ໃບຍ້ອງຍໍ ທີ່ໄດ້ຮັບ ຂອງຫ້ອງພະລາທິການ ກອງພົນທີ 4 ປະກອບມີ: ຫຼຽນໄຊພິລະອາດຫານ ຊັ້ນ I ຈຳນວນ 1 ສະຫາຍ, ຫຼຽນໄຊພິລະອາດຫານ ຊັ້ນ II ຈຳນວນ 1 ສະຫາຍ, ຫຼຽນໄຊພິລະອາດຫານ ຊັ້ນ III ຈຳນວນ 26 ສະຫາຍ, ໃບຍ້ອງຍໍກະຊວງປ້ອງກັນປະເທດ ຈຳນວນ 3 ສະຫາຍ, ມອບຫຼຽນກຽດຕິຄຸນກອງທັບ ຈຳນວນ 1 ສະຫາຍ. ຈາກນັ້ນ, ຍັງໄດ້ມອບໃບຢັ້ງຢືນໜ່ວຍພັກ ປອດໃສ ເຂັ້ມແຂງ ໜັກແໜ້ນ ປະຈຳປີ 2023 ຈຳນວນ 3 ໜ່ວຍພັກ ຕື່ມອີກ.
ໂດຍ: ສຸລິວັນ ແສນບຸດຕະລາດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
