ກອງທັບປະຊາຊົນລາວ
 
ວັນຈັນ, ວັນທີ 27 ພຶດສະພາ 2024

  

ກົມໃຫຍ່ເສນາທິການກອງທັບ ຈັດພິທີບາສີສູ່ຂວັນສົ່ງທ້າຍປີເກົ່າ ຕ້ອນຮັບປີໃໝ່ລາວ ພສ 2567
ເວລາອອກຂ່າວ: 2024-04-12 14:46:35 | ຜູ້ຂຽນ : admin2 | ຈຳນວນຄົນເຂົ້າຊົມ: 1071 | ຄວາມນິຍົມ:



ເນື່ອງໃນໂອກາດສົ່ງທ້າຍປີເກົ່າ ແລະ ຕ້ອນຮັບປີໃໝ່ລາວ ພສ 2567, ກົມໃຫຍ່ເສນາທິການກອງທັບ ໄດ້ຈັດພິທີບາສີສູ່ຂວັນຂຶ້ນ ໃນວັນທີ 12 ເມສາ 2024 ນີ້, ໂດຍມີ ສະຫາຍ ພົນໂທ ຄໍາລຽງ ອຸທະໄກສອນ ກໍາມະການສູນກາງພັກ ຮອງລັດທະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ເສນາທິການກອງທັບ, ມີຄະນະນໍາກະຊວງ, ກົມໃຫຍ່, ຫ້ອງການ, ກົມກອງ, ບໍລິສັດ ແລະ ແຂກຖືກເຊີນເຂົ້າຮ່ວມ. ເພື່ອເປັນການຫັດແໜ້ນຄວາມສາມັກຄີຮັກແພງ ທັງເປັນການຮັກສາມູນເຊື້ອຮີດຄອງປະເພນີອັນດີງາມຂອງຊາດລາວເຮົາ ພິທີບາສີສູ່ຂວັນຮັບພອນປີໃໝ່ຜູກຂໍ້ຕໍ່ແຂນ ຫົດສົງນໍ້າຮ່ວມອວຍພອນເຊິ່ງກັນ ແລະ ກັນ ທີ່ເຕີມໄປບັນຍາກາດຟົດຟື້ນເບີກບານມ່ວນຊື່ນຕາມຮີດຄອງປະເພນີລາວ. ໂອກາດດັ່ງກ່າວ, ສະຫາຍ ພົນໂທ ຄໍາລຽງ ອຸທະໄກສອນ ໄດ້ຕາງໜ້າກ່າວຄໍາອວຍພອນໄຊອັນປະເສີດແດ່ພະນັກງານ-ນັກຮົບ ທົ່ວກົມໃຫຍ່ເສນາທິການກອງທັບ ແລະ ທຸກພາກສ່ວນ ຈົ່ງມີສຸຂະພາບແຂງແຮງ, ມີພາລະນາໄມສົມບູນ ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ ສືບຕໍ່ຊີ້ນໍາ-ນໍາພາ ກະຊວງປ້ອງກັນປະເທດ ກໍຄືກົມໃຫຍ່ເສນາທິການກອງທັບ ໃຫ້ນັບມື້ນັບເຕີບໃຫຍ່ຂະຫຍາຍຕົວ ເຮັດສໍາເລັດໜ້າທີ່ອັນມີກຽດສະຫ່າງາມທີ່ຂັ້ນເທິງ ແລະ ການຈັດຕັ້ງມອບໝາຍໃຫ້ເປັນຢ່າງດີ. ພ້ອມກັນສະເຫຼີມສະຫຼອງບຸນປີໃໝ່ລາວ ດ້ວຍຄວາມມ່ວນຊື່ນ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ