POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 05 ທັນວາ 2024

ປິດເຝິກອົບຮົມໄລຍະສັ້ນວຽກງານ ໂຄສົກອ່ານຂ່າວ ແລະ ຕັດຕໍ່ພາບປະກອບສຽງ
ເວລາອອກຂ່າວ: 2024-04-11 09:16:35 | ຜູ້ຂຽນ : admin1 | ຈຳນວນຄົນເຂົ້າຊົມ: 1224 | ຄວາມນິຍົມ:

ວັນທີ 9 ເມສາ 2024 ນີ້, ກອງວິທະຍຸກອງທັບ ໄດ້ປິດຊຸດເຝິກອົບຮົມໄລຍະສັ້ນ ວຽກງານໂຄສົກອ່ານຂ່າວ ແລະ ຕັດຕໍ່ພາບປະກອບສຽງ ໃຫ້ນັກຂ່າວໜັງສືພິມກອງທັບ, ວິທະຍຸກອງທັບ ແລະ ໂຮງຮຽນວັດທະນະທຳຊົນເຜົ່າກອງທັບ, ໂດຍການເປັນປະທານ ຂອງສະຫາຍ ພັນໂທ ໝູມາດ ອຸ່ນໃຈດີ ຫົວໜ້າການທະຫານ ກອງວິທະຍຸກອງທັບ, ມີຄະພັກ-ຄະນະບັນຊາຈາກ 3 ກົມກອງ ແລະ ນັກເຝິກອົບຮົມເຂົ້າຮ່ວມ. ສະຫາຍ ພັນຕີ ນາງ ພູວຽງ ບຸດທະຈັນໂທ ຮອງຫົວໜ້າພະແນກຕານ່າງຂ່າວເພື່ອນຮ່ວມງານ ໄດ້ຜ່ານບົດສະຫຼຸບຕີລາຄາຄືນຜ່ານການອົບຮົມໄລຍະສັ້ນ ໃນໄລຍະ 1 ເດືອນຜ່ານມາ ນັກເຝິກອົບຮົມແຕ່ລະສະຫາຍ ໄດ້ເອົາໃຈໃສ່ຄົ້ນຄວ້າຮໍ່າຮຽນຢ່າງຕັ້ງໜ້າ, ເຂົ້າໃຈຢ່າງເລິກເຊິ່ງຕໍ່ພື້ນຖານທິດສະດີ, ຫຼັກການວິຊາສະເພາະ, ເອົາໃຈໃສ່ປະຕິບັດບັນດາຂໍ້ກຳນົດ, ກົດລະບຽບ ແລະ ປະຕິບັດໂມງເວລາການເຂົ້າຮ່ວມເຝິກອົບຮົມທີ່ກົມກອງວາງອອກຢ່າງເຂັ້ມງວດ ເຮັດໃຫ້ບັ້ນອົບຮົມສຳເລັດຕາມຄາດໝາຍ. ສຳລັບຊຸດເຝິກອົບຮົມຄັ້ງນີ້ມີນັກເຝິກອົບຮົມທັງໝົດ 26 ສະຫາຍເຂົ້າຮ່ວມ, ຜ່ານການອົບຮົມຕົວຈິງສາມາດຕີລາຄາຜົນໄດ້ຮັບຄວາມຮັບຮູ້ເຂົ້າໃຈພາກທິດສະດີ ເທົ່າກັບ 75%, ຄວາມຮັບຮູ້ເຂົ້າໃຈພາກປະຕິບັດຕົວຈິງ ເທົ່າກັບ 80%, ໂຄສົກອ່ານຂ່າວຂັ້ນເກັ່ງ 8 ສະຫາຍ, ກາງ 10 ສະຫາຍ, ເຕັກນິກຕັດຕໍ່ຂ່າວຂັ້ນເກັ່ງ 10 ສະຫາຍ, ກາງ 16 ສະຫາຍ. ຈາກນັ້ນ, ສະຫາຍ ພັນໂທ ໜູມາດ ອຸ່ນໃຈດີ ໄດ້ມອບໃບຢັ້ງຢືນ ໃຫ້ແກ່ນັກເຝິກອົບຮົມໃນຄັ້ງນີ້, ພ້ອມທັງສະແດງຄວາມຍ້ອງຍໍຊົມເຊີຍຕໍ່ຜົນສຳເລັດທີ່ຄ-ູອາຈານ ແລະ ນັກເຝິກອົບຮົມສ້າງໄດ້ ແລະ ເນັ້ນໜັກໃຫ້ນັກເຝິກອົບຮົມ ຈົ່ງນຳເອົາບົດຮຽນທີ່ໄດ້ຮຽນມາໄປໝູນໃຊ້ເຂົ້າໃນໜ້າທີ່ວຽກງານວິຊາສະເພາະຂອງກົມກອງໃຫ້ແທດເໝາະ ແລະ ມີປະສິດທິຜົນສູງ.

news to day and hot news