ກອງທັບປະຊາຊົນລາວ
 
ວັນພຸດ, ວັນທີ 24 ເມສາ 2024

  

ກົງສູນໃຫຍ່ ແຫ່ງ ສ.ສ.ຫວຽດນາມປະຈໍາແຂວງສະຫວັນະເຂດ ເຂົ້າອວຍພອນຄະນະພັກ-ຄະນະບັນຊາກອງບັນຊາການທະຫານແຂວງ ເນື່ອງໃນໂອກາດວັນບຸນປີໃໝ່ລາວ ພສ 2567 ທີ່ຈະມາເຖິງນີ້
ເວລາອອກຂ່າວ: 2024-04-02 14:31:46 | ຜູ້ຂຽນ : admin2 | ຈຳນວນຄົນເຂົ້າຊົມ: 162 | ຄວາມນິຍົມ:



ເນື່ອງໃນໂອກາດວັນບຸນປີໃໝ່ລາວ ພ.ສ 2567 ທີ່ຈະມາເຖິງໃນຕໍ່ໜ້ານີ້ ທີ່ຫ້ອງຮັບແຂກກອງບັນຊາການທະຫານແຂວງ ສະຫວັນນະເຂດ ໃນຕອນບ່າຍຂອງວັນທີ1ເມສາ 2024ນີ້ ສະຫາຍ ພົນຈັດຕະວາ ສີ ທະວີໄຊ ກໍາມະການປະຈໍາພັກແຂວງ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງພ້ອມຄະນະ ໄດ້ຕ້ອນຮັບການເຂົ້າອວຍພອນຂອງ ສະຫາຍ ນາງ ດັງ ທິ ຫ໋າຍ ເຕີມ ຫົວໜ້າກົງສູນໃຫຍ່ແຫ່ງ ສ.ສ.ຫວຽດນາມປະຈໍາແຂວງພ້ອມຄະນະ. ເຊິ່ງການຕ້ອນຮັບທາງຄະນະພັກ-ຄະນະບັນຊາກອງບັນຊາການທະຫານແຂວງກໍ່ໄດ້ມີພວງມາໄລມອບໃຫ້ຄະນະຜູ້ແທນທີ່ເຂົ້າອວຍພອນ ເພື່ອສະແດງຄວາມສາມັກຄີຮັກແພງ ແລະ ສະແດງເຖິງເອກະລັກຂອງວັນບຸນປີໃໝ່ລາວ ແລະ ໃນການເຂົ້າອວຍພອນ ສະຫາຍ ນາງ ດັງ ທິ ຫ໋າຍ ເຕີມ ກົງສູນໃຫຍ່ແຫ່ງ ສ.ສ.ຫວຽດນາມປະຈໍາແຂວງ ກໍໄດ້ນໍາເອົາກະຕ່າຂອງຂວັນ, ຄວາມຢ້ຽມຢາມຖາມຂ່າວ ແລະ ກ່າວອວຍພອນໄຊອັນປະເສີດເນື່ອງໃນໂອກາດວັນບຸນປີໃໝ່ລາວໃຫ້ຄະນະພັກ-ຄະນະບັນຊາ, ນາຍ ແລະ ພົນທະຫານ, ໃນທົ່ວກອງບັນຊາການທະຫານແຂວງຈົ່ງມີສຸຂະພາບ, ພະລານາໄມແຂງແຮງ, ຊີ້ນໍາ-ນໍາພາ ແລະ ພັດທະນາກອງບັນຊາການທະຫານແຂວງ ໃຫ້ເຕີບໃຫຍ່ເຂັ້ມແຂງຂຶ້ນໄປເລື້ອຍໆ,ອວຍພອນນໍາໃຈສາມັກຄີແບບພິເສດຫວຽດນາມ-ລາວ, ລາວ-ຫວຽດນາມໃຫ້ໝັ້ນຄົງທະນົງແກ່ນ ແລະ ແໜ້ນແຟ້ນຂຶ້ນໄປເລື່ອຍໆ. ຈາກນັ້ນ, ສະຫາຍ ພົນຈັດຕະວາ ສີ ທະວີໄຊ ກໍາມະການປະຈໍາພັກແຂວງ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງໄດ້ສະແດງຄວາມຍິນດີຕ້ອນຮັບຢ່າງອົບອຸ່ນໄປດ້ວຍໄມຕີຈິດມິດຕະພາບ ພ້ອມທັງສະແດງຄວາມຂອບໃຈຕໍ່ການມາຢ້ຽມຢາມ ກໍ່ຄືການມາອວຍພອນຂອງຄະນະກົງສູນໃຫຍ່ແຫ່ງ ສ.ສ ຫວຽດນາມ ປະຈໍາແຂວງ ທີ່ສະແດງເຖິງຄວາມຮັກແພງ, ຄວາມສາມັກຄີ, ມິດຕະພາບແບບພິເສດຂອງສອງຊາດລາວ-ຫວຽດນາມ, ຫວຽດນາມ-ລາວ, ໃນການພົວພັນຮ່ວມມື ແລະ ການຊ່ວຍເຫຼືອເຊິ່ງກັນ ແລະ ກັນນັບແຕ່ອະດີດຈົນຮອດປັດຈຸບັນດ້ວຍດີຕະຫຼອດມາ ຈາກນັ້ນທາງຄະນະພັກ-ຄະນະບັນຊາກອງບັນຊາການທະຫານແຂວງກໍ່ໄດ້ມີການຫົດສົງບັນດາຄະນະຜູ້ແທນກົງສູນໃຫຍ່ແຫ່ງ ສ.ສ ຫວຽດນາມ ເພື່ອເປັນສິລິມົງຄຸນ ແລະ ຕາມຮີດຄອງປະເພນີຂອງວັນບຸນປີໃໝ່ລາວທີ່ເຄີຍມີມາແຕ່ດົນນານແລ້ວນັ້ນ. ພາບ-ຂ່າວ:ວິລະພົງ ເທບໂພ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ