ວັນພະຫັດ, ວັນທີ 05 ທັນວາ 2024
ລາຍງານຄວາມພ້ອມ ການດຳເນີນກອງປະຊຸມ ລັດຖະມົນຕີປ້ອງກັນປະເທດອາຊຽນວົງແຄບ
ເວລາອອກຂ່າວ: 2024-03-01 09:13:34 | ຜູ້ຂຽນ : admin1 | ຈຳນວນຄົນເຂົ້າຊົມ: 572 | ຄວາມນິຍົມ: 
ໃນວັນທີ 29 ກຸມພາ 2024 ນີ້, ກອງເລຂາອາຊຽນ ກະຊວງປ້ອງກັນປະເທດ ໄດ້ຈັດກອງປະຊຸມລາຍງານຄວາມພ້ອມການດຳເນີນກອງປະຊຸມລັດຖະມົນຕີປ້ອງກັນປະເທດອາຊຽນວົງແຄບ ທີ່ຈະຈັດຂຶ້ນທີ່ແຂວງຫຼວງພະບາງ ໃນຕົ້ນເດືອນມີນານີ້, ໂດຍການເປັນປະທານຂອງສະຫາຍ ພັນເອກ ເຟືອງໄຊ
ມີລາກົງ ຮອງຫົວໜ້າກົມພົວພັນຕ່າງປະເທດ ກະຊວງປ້ອງກັນປະເທດ, ຫົວໜ້າໜ່ວຍງານວິຊາ ເຈົ້າໜ້າທີ່ອາວຸໂສປ້ອງກັນປະເທດອາຊຽນ ທັງເປັນຫົວໜ້າກອງເລຂາອາຊຽນ ກະຊວງປ້ອງກັນປະເທດ ແຫ່ງ ສປປ ລາວ, ມີຄະນະຮັບຜິດ ຊອບ, ອະນຸກຳມະການຈາກພາກສ່ວນຕ່າງໆ ແລະ ພະນັກງານວິຊາການເຂົ້າຮ່ວມ.
ສະຫາຍ ພັນໂທ ທວນຄຳ ສຸກຈະເລີນ ຫົວໜ້າພະແນກຄວາມໝັ້ນຄົງອາຊຽນ ກົມພົວພັນຕ່າງປະເທດ ທັງເປັນຮອງຫົວໜ້າກອງເລຂາອາຊຽນ ກະຊວງປ້ອງກັນປະເທດ ໄດ້ລາຍງານຄວາມພ້ອມດ້ານຕ່າງໆ ເປັນຕົ້ນແມ່ນ ເນື້ອໃນ, ພິທີການ, ງົບປະມານ, ແຜນການເຄື່ອນໄຫວດຳເນີນກອງປະຊຸມ, ວຽກງານຮັບປະກັນສື່ສານ, ປ້ອງກັນ, ໂຄສະນາ, ສິລະປະ, ເສນາຮັກ, ການບິນ, ພາ
ຫະນະເຕັກນິກ, ລວມເຖິງສະຖານທີ່ຈັດກອງປະຊຸມ, ທີ່ພັກເຊົາສຳລັບພະນັກງານ ແລະ ວຽກງານຮັບປະກັນອື່ນໆ ມາຮອດປັດຈຸບັນເຫັນວ່າ ມີຄວາມພ້ອມຮອບດ້ານ ເພື່ອກະກຽມດຳເນີນກອງປະຊຸມດັ່ງກ່າວ ໃຫ້ມີຄວາມຮັບປະກັນ ແລະ ສຳເລັດຕາມຈຸດປະສົງລະດັບຄາດໝາຍທີ່ວາງໄວ້.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
