ກອງທັບປະຊາຊົນລາວ
 
ວັນພຸດ, ວັນທີ 24 ເມສາ 2024

  

ກອງພັນ​ກໍ່ສ້າງ​ຂົວ-ທາງ 587 ເປີດ​ບັ້ນ​ອົບຮົມ​-ຫັດ​ແອບ ​ປະຈຳ​ປີ 2024
ເວລາອອກຂ່າວ: 2024-03-01 09:12:27 | ຜູ້ຂຽນ : admin1 | ຈຳນວນຄົນເຂົ້າຊົມ: 248 | ຄວາມນິຍົມ:



ວັນ​ທີ 27 ກຸມພາ 2024 ນີ້, ກອງພັນ​ກໍ່ສ້າງ​ຂົວ-ທາງ 587 ໄດ້​ເປີດ​ບັ້ນ​ອົບຮົມ-ຫັດ​ແອບ​ການເມືອງ, ການ​ທະຫານ, ພະລາທິການ-ເຕັກນິກ ປະຈຳ​ປີ 2024, ໂດຍ​ເປັນ​ປະທານ​ ຂອງສະຫາຍ ພັນ​ເອກ ມອນ​ໄທ ສະ​ລິດ​ໄຊ ຮອງ​ຫົວໜ້າ​ກົມ​ຊ່າງ​ແສງ ກົມ​ໃຫຍ່​ເສນາ​ທິ​ການ​ກອງທັບ, ມີຜູ້​ຕາງໜ້າພະແນກການ​ຈາກ​ກົມ​ຊ່າງ​ແສງ, ຄະນະ​ພັກ-ຄະນະ​ບັນຊາ ກອງພັນ, ກອງຮ້ອຍ, ພະນັກ ງານ-ນັກຮົບ ເຂົ້າ​ຮ່ວມ. ສະຫາຍ ພັນ​ໂທ ບົວ​ຄຳ ອິນ​ທະ​ວົງ ຫົວໜ້າ​ການ​ທະຫານ​ກອງພັນ ໄດ້​ຜ່ານ​ບົດ​ສະຫຼຸບ​ວຽກ​ງານ​ອົບຮົມ-ຫັດ​ແອບ ການ​ທະຫານ, ການເມືອງ, ພະລາທິການ- ເຕັກນິກ ປະຈຳ​ປີ 2023 ແລະ ຜ່ານ​ແຜນການ​ອົບຮົມ-ຫັດ​ແອບ ປະຈຳ​ປີ 2024 ໂດຍ​ປະຕິບັດ​ຕາມ​ຄຳ​ສັ່ງ​ແນະນຳ​ ຂອງ​ກົມ​ອົບຮົມ ກົມ​ໃຫຍ່​ເສນາ​ທິ​ການ​ກອງທັບ ວ່າ​ດ້ວຍ​ການ​ອົບຮົມ-ຫັດ​ແອບ, ປັບປຸງ​ລະບຽບ​ແບບແຜນ, ເຝິກຝົນ​ກຳລັງ​ແຮງ​ກາຍ ​ກໍ​ຄືແຜນການ​ອົບຮົມ-​ຫັດ​ແອບ​ການເມືອງ, ການ​ທະຫານ, ພະລາທິ ການ-ເຕັກນິກ ປະຈຳ​ປີ 2024 ຂອງ​ກອງພັນກໍ່ສ້າງ​ຂົວ-ທາງ 587, ຈຸດປະສົງ​ເພື່ອ​ຍົກ​ລະດັບ​ຄວາມ​ຮູ້ ຄວາມສາມາດ​ທາງ​ດ້ານ​ການເມືອງ, ການ​ທະຫານ, ພະລາທິການ-ເຕັກນິກ, ສິລະ​ປະຍຸດ-ຍຸດທະວິທີ​ທະຫານ​ຮາບ ແລະ ວິຊາ​ສະເພາະ​ຂອງ​ເຫຼົ່າຮົບ ກໍ​ຄື​ວິຊາສະເພາະຂອງ​ກົມ​ກອງ, ສ້າງ​ໃຫ້​ມີ​ຄວາມຊຳນິ​ຊຳນານ, ກຳ​ແໜ້ນ​ໄດ້​ບັນດາ​ບົດຮຽນ ຫຼັກການ​ໃນ​ການນຳ​ໃຊ້​ອາວຸດ, ຍຸດ​ໂທ​ປະກອນ, ພາຫະນະ​ເຕັກນິກ ແລະ ການເຄື່ອນໄຫວ​ສູ້​ຮົບ, ເຊິ່ງ​ເນື້ອ​ໃນ​ການ​ອົບຮົມ​ປະກອບ​ມີ 2 ພາກ​ຄື: ພາກ​ຄວາມ​ຮູ້​ທົ່ວ​ໄປ ແລະ ພາກ​ວິຊາ​ສະເພາະ​ເຫຼົ່າ​ຮົບ​ຊ່າງ​ ແສງ​ໃຊ້​ເວລາ 180 ວັນ. ໂດຍ: ວິໄລ​ພອນ ແປງເມືອງ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ