POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 05 ທັນວາ 2024

ຮອງຫົວໜ້າກົມໃຫຍ່ເສນາທິການກອງທັບ ໂອ້ລົມ ພະນັກງານ - ຫຼັກແຫຼ່ງ ກອງບັນຊາການທະຫານແຂວງຫົວພັນ
ເວລາອອກຂ່າວ: 2024-02-29 15:32:44 | ຜູ້ຂຽນ : admin2 | ຈຳນວນຄົນເຂົ້າຊົມ: 1262 | ຄວາມນິຍົມ:

ຕອນບ່າຍວັນທີ 26 ກຸມພາ 2024 ນີ້, ສະຫາຍ ພົນຕີ ພັນແສງ ບຸນພັນ ກໍາມະການຄະນະພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ເສນາທິການກອງທັບ ໄດ້ໂອ້ລົມຄະນະພັກ-ຄະນະບັນຊາ, ພະນັກງານ-ຫຼັກແຫຼ່ງ ກອງບັນຊາການທະຫານແຂວງຫົວພັນ ຢູ່ທີ່ສະໂມສອນກອງບັນຊາການທະຫານແຂວງໂດຍມີ ສະຫາຍ ພົນຈັດຕະວາ ຄຳເມືອງ ໂຄດວົງຄູນ ກຳມະການພັກແຂວງ ຫົວໜ້າການທະຫານ, ສະຫາຍ ພັນເອກ ພັນສີ ຊ່ອນມີໄຊ ຫົວໜ້າການເມືອງກອງບັນຊາການທະຫານແຂວງຫົວພັນ, ມີຄະນະພັກ-ຄະນະບັນຊາກອງບັນຊາການ, ພະນັກງານ-ເຫຼັກແຫຼ່ງອົງການ 5 ຫ້ອງ ແລະ ກົມກອງອ້ອມຂ້າງເຂົ້າຮ່ວມນຳ. ໃນໂອກາດນີ້, ສະຫາຍ ພົ/ຕ ພັນແສງ ບຸນພັນ ໄດ້ສະແດງຄວາມຍ້ອງຍໍຊົມເຊີຍ ຜົນສຳເລັດ ໃນການປະຕິບັດໜ້າທີ່ຂອງຄະນະພັກ-ຄະນະບັນຊາ, ພະນັກງານ-ນັກຮົບ ທີ່ຍາດມາໄດ້ຜົນງານຫຼາຍດ້ານ ໃນໄລຍະຜ່ານມາ ທັງຍົກໃຫ້ເຫັນສະພາບການຂອງໂລກ ກໍ່ຄືພາກພື້ນທີ່ພວມຝັນແປໄປຢ່າງສັບສົນ ແລະ ໄດ້ຮຽກຮ້ອງໃຫ້ຄະພັກ-ຄະນະບັນຊາ ກົມກອງທຸກຂັ້ນເປັນເຈົ້າການສືບຕໍ່ຍູ້ແຮງວຽກງານສຶກສາອົບຮົມການເມືອງແນວຄິດ, ເຊີດຊູນ້ຳໃຈຄວາມຮັບຜິດຊອບໜ້າທີ່ການເມືອງໃຫ້ສູງ ໂດຍສະເພາະຕໍ່ຄະນະພັກ-ຄະນະບັນຊາ ເພີ່ມທະວີຄວາມສາມັກຄີໃຫ້ໜັກແໜ້ນພາຍໃນໝູ່ຄະນະ ສຸມໃສ່ປະຕິບັດຕາມ 4 ໜ້າທີ່ໃຫຍ່ 26 ແຜນງານທີ່ກະຊວງປ້ອງກັນປະເທດວາງອອກ, ເອົາໃຈໃສ່ກໍ່ສ້າງພັກ ກໍ່ສ້າງພະນັກງານ ຊີ້ນຳຊາວໜຸ່ມ-ແມ່ຍິງເຄື່ອນໄຫວສ້າງຂະບວນການ ທັງເປັນເຈົ້າການປະຕິບັດລະບຽບວິໃນ ຂອງກອງທັບ ໂດຍສະເພາະ 7 ລະບອບ 18 ວຽກໃນມື້ໜຶ່ງຂອງກອງທັບໃຫ້ເຂັ້ມງວດ ແລະ ມະຕິຄຳສັງຂອງຂັ້ນເທິງ ປັບປຸງກໍ່ສ້າງກຳລັງ, ກຽມພ້ອມສູ້ຮົບ ໂດຍຕິດພັນກັບການອົບຮົມ-ຫັດແອບປະຈຳປີ ຫັນເອົາພະນັກງານລົງກໍ່ສ້າງຮາກຖານການເມືອງ ພັດທະນາຊົນນະບົດຮອບດ້ານ ຕາມ 4 ເນື້ອໃນ 4 ຄາດໝາຍ ສືບຕໍ່ພົວພັນກັບປະເທດເພື່ອນບ້ານ ເສີມຂະຫຍາຍມູນເຊື້ອນຳໃຈດຸໜັ່ນດ້ວຍຮູບການ ເພີ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ເພື່ອເຮັດໃຫ້ຊີວິດການເປັນຢູ່ຂອງພະນັກງານ-ນັກຮົບ ນັບມື້ດີຂື້ນເປັນກ້າວໆ ( ບົດຂ່າວ ພົງສີ ພົມມະຈັກ ).

news to day and hot news