ວັນເສົາ, ວັນທີ 14 ກັນຍາ 2024
ຄະນະນໍາ ວປກ ເຂົ້າອວຍພອນທີ່ປຶກສາທູດຝ່າຍປ້ອງກັນຊາດ ສສ ຫວຽດນາມ ປະຈໍາ ສປປ ລາວ
ເວລາອອກຂ່າວ: 2024-02-12 14:51:25 | ຜູ້ຂຽນ : admin2 | ຈຳນວນຄົນເຂົ້າຊົມ: 977 | ຄວາມນິຍົມ: 
ໃນວັນທີ 8 ກຸມພາ 2024 ນີ້, ສະຫາຍ ພົນຈັດຕະວາ ຮສ ປອ ສົມພອນ ສີສຸວັນນະ ຄະນະປະຈຳພັກ ຮອງຫົວໜ້າການເມືອງ ຫົວໜ້າກົມການເມືອງວິທະຍາຄານປ້ອງກັນຊາດ ໄກສອນ ພົມວິຫານ, ພ້ອມດ້ວຍຄະນະ, ໄດ້ນຳເອົາກະຕ່າດອກໄມ້ ແລະ ກະຕ່າຂອງຂວັນ ເຂົ້າອວຍພອນ ທີ່ປຶກສາທູດຝ່າຍປ້ອງກັນຊາດ ສສ ຫວຽດນາມ ປະຈຳ ສປປ ລາວ ເນື່ອງໃນໂອກາດວັນປີໃໝ່ຫວຽດນາມ. ເຊິ່ງໃຫ້ກຽດຕ້ອນຮັບໂດຍ ສະຫາຍ ພັນເອກ ຫງວຽນແມ້ງເກືອງ ຮອງຫົວໜ້າທີ່ປຶກສາທູດຝ່າຍປ້ອງກັນຊາດ ສສ ຫວຽດນາມ ປະຈຳ ສປປ ລາວ, ພ້ອມຄະນະ.
ໂອກາດນີ້, ສະຫາຍ ພົນຈັດຕະວາ ຮສ ປອ ສົມພອນ ສີສຸວັນນະ ໄດ້ກ່າວສະແດງຄວາມຍິນດີຊົມເຊີຍ ພ້ອມກ່າວຄໍາອວຍພອນໄຊອັນປະເສີດມາຍັງທູດຝ່າຍປ້ອງກັນຊາດ ສສ ຫວຽດນາມ ປະຈໍາ ສປປ ລາວ, ກໍ່ຄືກະຊວງປ້ອງກັນປະເທດ ສສ ຫວຽດນາມ, ນາຍ-ພົນທະຫານ ທົ່ວ ກອງທັບ ສສ ຫວຽດນາມ ແລະ ປະຊາຊາຫວຽດນາມ, ເນື່ອງໃນໂອກາດປີໃໝ່ນີ້ ແລະ ອວຍພອນສາຍພົວພັນການຮ່ວມມືແບບພິເສດລະຫວ່າງສອງຊາດ, ສອງກອງທັບ ລາວ-ຫວຽດນາມ, ຫວຽດນາມ-ລາວ ທີ່ມີມູນເຊື້ອມາແຕ່ດົນນານໃຫ້ໝັ້ນຄົງທະນົງແກ່ນຕະຫຼອດໄປ.
ສະຫາຍ ພັນເອກ ຫງວຽນແມ້ງເກືອງ ກໍ່ໄດ້ກ່າວສະແດງຄວາມຂອບໃຈມະຍັງ ຄະນະນໍາ ວປກ, ທີ່ໄດ້ເຫັນຄວາມໝາຍຄວາມສໍາຄັນຂອງວັນດັ່ງກ່າວ, ເຊິ່ງເປັນການປະກອບສ່ວນເພີ່ມພູນຄູນສ້າງສ້າງພົວພັນມິດຕະພາບທີ່ເປັນມູນເຊື້ອອັນດີງາມ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງສອງຊາດ, ສອງກອງທັບ ຫວຽດນາມ-ລາວ ກໍ່ຄືປະຊາຊົນສອງຊາດ ທີ່ມີມາແຕ່ດົນນານ ໃຫ້ນັບມື້ນັບແໜ້ນແຟ້ນຍິ່ງໆຂຶ້ນ.
ໂດຍ: ເຂັງພອນ ແກ້ວຄຳລຽງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
