ວັນເສົາ, ວັນທີ 14 ກັນຍາ 2024
ຄະນະສື່ມວນຊົນກອງທັບເຂົ້າອວຍພອນຫ້ອງການທີ່ປຶກສາທູດປ້ອງກັນຊາດ ສສ ຫວຽດນາມປະຈໍາລາວ
ເວລາອອກຂ່າວ: 2024-02-09 17:46:17 | ຜູ້ຂຽນ : admin2 | ຈຳນວນຄົນເຂົ້າຊົມ: 1136 | ຄວາມນິຍົມ: 
ໃນວັນທີ 9 ກຸມພາ 2024 ນີ້,ຄະນະສື່ມວນຊົນກອງທັບໂດຍມີ: ສະຫາຍ ພັນເອກ ຄໍາສາວ ແກ້ວວິເສດ ຫົວໜ້າບັນນາທິການໜັງສືພິມກອງທັບ,ສະຫາຍ ພັນເອກ ທິມສາວ ດວງຈໍາປາ ຫົວໜ້າບັນນາທິການກອງວາລະສານປ້ອງກັນຊາດ,ສະຫາຍ ພັນເອກ ວອນເພັດ ລໍເພຍແກ້ວ ຫົວໜ້າການເມືອງກອງວິທະຍຸກະຈາຍສຽງກອງທັບປະຊາຊົນລາວ ພ້ອມດ້ວຍຄະນະ ໄດ້ນຳເອົາກະຕ່າຂອງຂວັນເຂົ້າອວຍພອນຫ້ອງການທີ່ປຶກສາທູດປ້ອງກັນຊາດ ສສ ຫວຽດນາມ ປະຈໍາລາວ ເນື່ອງໃນໂອກາດປີໃໝ່ ຫວຽດນາມ.
ໃນໂອກາດນີ້, ສະຫາຍ ຫົວໜ້າ ບັນນາທິການໜັງສືພິມກອງທັບ ໄດ້ຕາງໜ້າຄະນະສື່ມວນຊົນກອງທັບກ່າວຄຳອວຍພອນໄຊອັນປະເສີດມາຍັງຫ້ອງການທີ່ປຶກສາທູດປ້ອງກັນຊາດ ສສ ຫວຽດນາມ ປະຈໍາລາວ ຈົ່ງມີມີສຸຂະພາບແຂງແຮງ,ປະສົບຜົນສໍາເລັດໃນໜ້າທີ່ວຽກງານອັນມີກຽດສະຫງ່າງາມຂອງສະຫາຍ
ແລະ ອວຍພອນໃຫ້ສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງຊາດ-ສອງກອງທັບລາວ-ຫວຽດນາມທີ່ມີມູນເຊື້ອມາແຕ່ດົນນານແລ້ວນັ້ນຈົ່ງນັບມື້ແໜ້ນແຟ້ນ, ໂດຍສະເພາະແມ່ນການຮ່ວມມືທາງດ້ານສື່ມວນຊົນຂອງສອງກອງທັບລາວ-ຫວຽດນາມແມ່ນນັບມື້ເລີນງອກງາມຍິ່ງໆຂຶ້ນ.
ໂອກາດນີ້,ສະຫາຍ ພັນເອກ
ຫງວຽນ ແມັງ ເກືອງ ຮອງຫົວໜ້າທີ່ປຶກສາທູດປ້ອງກັນຊາດ ສສ ຫວຽດນາມປະຈໍາລາວກໍໄດ້ກ່າວສະແດງຄວາມຂອບໃຈຕໍ່ຄະນະສື່ມວນຊົນກອງທັບ ພ້ອມດ້ວຍຄະນະ ທີ່ໄດ້ເຂົ້າອວຍພອນໃນວັນປີໃໝ່ຫວຽດນາມ ພ້ອມທັງກ່າວຕື່ມວ່າ:ສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງສອງຊາດ, ສອງກອງທັບຫວຽດນາມ-ລາວແມ່ນນັບມື້ເລິກເຊິ່ງ ແລະ ແຕກດອກອອກຜົນ ໂດຍສະເພາະແມ່ນການພົວພັນດ້ານສື່ມວນຊົນຂອງສອງກອງທັບທີ່ໄດ້ມີສ່ວນຮ່ວມໃນການໂຄສະນາແນວທາງນະໂຍບາຍຂອງພັກ-ລັດກໍຄືໃນກາລະໂອກາດທີ່ຄະນະຜູ້ນໍາແຕ່ລະຂັ້ນຂອງຫວຽດນາມທີ່ໄດ້ມາເຄື່ອນໄຫວເຮັດວຽກ ແລະຢ້ຽມຢາມລາວ ບັນດາສື່ມວນຊົນກອງທັບລາວລ້ວນແຕ່ມີບົດບາດສໍາຄັນໃນການເສີມສ້າງສາຍພົວພັນທີ່ດີໃນການໂຄສະນາຂ່າວສານຢ່າງສະໜິດແໜ້ນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
