ກອງທັບປະຊາຊົນລາວ
 
ວັນພະຫັດ, ວັນທີ 22 ກຸມພາ 2024

  

ກົມເສນາເຕັກນິກ ສຳເລັດການດຳເນີນກອງປະຊຸມໃຫຍ່ຂອງຄະນະໜ່ວຍພັກສະໄໝທີ II
ເວລາອອກຂ່າວ: 2024-02-09 10:58:14 | ຜູ້ຂຽນ : admin2 | ຈຳນວນຄົນເຂົ້າຊົມ: 344 | ຄວາມນິຍົມ:



ໃນວັນທີ 08 ກຸມພາ 2024 ນີ້, ໜ່ວຍພັກກົມເສນາເຕັກນິກສຳເລັດການດຳເນີນກອງປະຊຸມໃຫຍ່ຂອງຄະນະໜ່ວຍພັກສະໄໝທີ II ໂດຍການເປັນປະທານຂອງ ສະຫາຍ ພົນຈັດຕະວາ ຈອມເພັດ ໄຊຍະສຸກ ຄະນະປະຈໍາພັກ ອົງການກົມໃຫ່ຍ ຮອງຫົວໜ້າກົມໃຫຍ່ເຕັກນິກກອງທັບ. ມີສະຫາຍ ພັນເອກ ລຽນວິໄລ ພັນທອງຄໍາ ຄະນະພັກກົມໃຫ່ຍ ຫົວໜ້າຫ້ອງການເມືອງ ກົມໃຫຍ່ເຕັກນິກກອງທັບ. ມີສະຫາຍ ຈັນສະໜອນ ລັດສະໄໝ ເລຂາໜ່ວຍພັກ ຫົວໜ້າກົມເສນາເຕັກນິກ ພ້ອມດ້ວຍຄະນະ, ຕະຫຼອດຮອດ ສະມາຊິກພັກສົມບູນ ແລະ ສຳຮອງ ເຂົ້າຮ່ວມ. ສະຫາຍ ພັນເອກ ຈັນສະໝອນ ລັດສະໄໝ ເລຂາໜ່ວຍພັກ ຫົວໜ້າກົມເສນາເຕັກນິກ ໄດ້ຂຶ້ນຜ່ານບົົດລາຍງານການເມືອງທັງສອງພາກ, ໃນບົດລາຍງານ ໄດ້ຍົກໃຫ້ເຫັນດ້ານດີ, ດ້ານອ່ອນ, ຂໍ້ຄົງຄ້າງ ແລະ ບາງບົດຮຽນທີ່ຖອດຖອນໄດ້ ໄລຍະ 5 ປີຜ່ານມາທີ່ຄະນະໜ່ວຍພັກກົມເສນາເຕັກນິກຍາດມາໄດ້ ໂດຍສະເພາະແມ່ນ ຊີ້ນໍາການຈັດຕັ້ງເຄື່ອນໄຫວວຽກງານກໍ່ສ້າງພັກ-ພະນັກງານ ແລະ ອົງການຈັດຕັ້ງມະຫາຊົນ, ການສະກັດກັ້ນ ແລະ ການແກ້ໄຂປະກົດການຫຍໍ້ທໍ້ໃນກົມກອງ, ເວົ້າລວມແລ້ວ, ໜ່ວຍພັກພວກເຮົາ, ຄົ້ນຄວ້າປັບປຸງໂຄງຮ່າງອົບຮົມວິຊາສະເພາະ, ປະຕິບັດສຸມໃສ່ປັບປຸງແບບແຜນວິທີເຮັດວຽກທີ່ຖືກຕ້ອງມີວິທະຍາສາດ, ມີຫົວຄິດປະດິດສ້າງ, ເຮັດວຽກຕາມຫຼັກການລວມສູນ ປະຊາທິປະໄຕ ນຳພາເປັນໝູ່ຄະນະ, ມອບໝາຍໃຫ້ບຸກຄົນຮັບຜິດຊອບ, ແທດເຖິງກັບຕົວຈິງ, ຕິດພັນກັບຂະບວນການວຽກງານດ້ານຕ່າງໆ. ເພີ່ມທະວີຄວາມສາມັກຄີເປັນເອກະພາບພາຍໃນໃຫ້ໜັກແໜ້ນ,ຈໍາກັດແກ້ໄຂປ່ຽນແປງດ້ານອ່ອນ ແລະ ປະກົດການຫຍໍ້ທໍ້ຕ່າງໆໃຫ້ທັນເວລາ. ຈາກນັ້ນ ສະຫາຍ ພັນເອກ ລຽນວີໄລ ພັນທອງຄໍາ ຄະນະພັກກົມໃຫຍ່ ຫົວໜ້າຫ້ອງການເມືອງ ກົມໃຫ່ຍເຕັກນິກກອງທັບ ກໍ່ໄດ້ຂຶ້ນຜ່ານມາດຖານ-ເງື່ອນໄຂຂອງຜູ້ຮັບສະໜອງເລືອກຕັ້ງເຂົ້າໃນຄະນະພັກຊຸດໃໝ່ ແລະ ລາຍຊື່ຜູ້ສະໝັກ ຮັບເລືອກຕັ້ງເຂົ້າໃນຄະນະໜ່ວຍພັກຊຸດໃໝ່, ຜູ້ແທນສົມບູນ-ສໍາຮອງໄປຮ່ວມກອງປະຊຸມໃຫຍ່ຂອງຄະນະພັກຂັ້ນເທິງ ຈາກນັ້ນ, ບັນດາຜູ້ແທນກອງປະຊຸມກໍ່ໄດ້ພ້ອມ ປ່ອນບັດຄັດເລືອກເອົາຄະນະພັກຊຸດໃໝ່ໄດ້ຕາມລະດັບຄາດໝາຍ, ໂອກາດດັ່ງກ່າວນີ້, ສະຫາຍ ພົນຈັດຕະວາ ຈອມເພັດ ໄຊຍະສຸກ ໂອ້ລົມຕໍ່ກອງປະຊຸມ, ກ່ອນອື່ນສະຫາຍກໍ່ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ຜົນສໍາເລັດທີ່ກອງປະຊຸມໃຫຍ່ ຄັ້ງທີ II ຂອງຄະນະໜ່ວຍພັກກົມເສນາເຕັກນິກ ໃນຄັ້ງນີ້ທີ່ໄດ້ສໍາເລັດລົງດ້ວຍໝາກຜົນອັນຈົບງາມ, ພ້ອມທັງເນັ້ນໜັກໃຫ້ຄະນະພັກກົມເສນາເຕັກນິກ ຈົ່ງພ້ອມກັນສືບຕໍ່ຍົກສູງຄວາມຮັບຜິດຊອບໜ້າທີ່ການເມືອງຂອງຕົນ, ເອົາໃຈໃສ່ເປັນເຈົ້າການສຶກສາອົບຮົມການເມືອງ-ແນວຄິດໃຫ້ພະນັກງານສະມາຊິກພັກ-ນັກຮົບແຕ່ລະຄົນໃຫ້ໜັກແໜ້ນທາງດ້ານການເມືອງແນວຄິດ, ເຂັ້ມແຂງທາງດ້ານການຈັດຕັ້ງ, ມືອາຊີບທາງດ້ານວິຊາສະເພາະ ແລະ ມີຄຸນສົມບັດສິນທຳປະຕິວັດ, ເອົາໃຈໃສ່ປັບປຸງຂະຫຍາຍພັກໃຫ້ມີຄຸນນະພາບ ແລະຖືເອົາການດຳເນີນຊີວິດການເມືອງເປັນການປັບປຸງປົວແປງພັກໃນການຕຳນິກໍ່ສ້າງເຊິ່ງກັນ ແລະ ກັນ, ເຮັດໃຫ້ພະນັກງານ-ນັກຮົບມີຄວາມເຂັ້ມແຂງ, ສືບຕໍ່ປະຕິບັດໜ້າທີ່ວິຊາສະເພາະຂອງຕົນທີ່ໄດ້ຮັບການມອບໝາຍຈາກການຈັດຕັ້ງຂັ້ນເທິງ. ໂດຍ: ບົວທອນ ສຸທໍາມະວົງ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ