ຍົກສູງສິລະປະຍຸດ-ຍຸດທະວິທີ ໃຫ້ນັກຮຽນກໍ່ສ້າງນາຍສິບທະຫານຊາຍແດນ
ເວລາອອກຂ່າວ: 2023-06-07 08:58:13 | ຜູ້ຂຽນ : admin1 | ຈຳນວນຄົນເຂົ້າຊົມ: 379586458 | ຄວາມນິຍົມ:
ປະຕິບັດຕາມແຜນການອົບຮົມ-ຫັດແອບປະຈຳປີ ຂອງໂຮງຮຽນທະຫານຊາຍແດນ 712 ໃນນີ້, ໄດ້ສຳເລັດການເຄື່ອນທັບດ້ວຍການຍ່າງສູ່ສະໜາມ ຂອງນັກຮຽນກໍ່ສ້າງນາຍສິບ ຊຸດທີ 5, ໂດຍການຊີ້ນຳຂອງ ສະຫາຍ ພັນໂທ ປອ ຈັນພອນ ທອງສອນ ຮອງຫົວໜ້າການທະຫານ, ຫົວໜ້າພະແນກອົບຮົມ ໂຮງຮຽນທະຫານຊາຍແດນ 712 ໃຫ້ຮູ້ວ່າ: ເມື່ອໄດ້ຮັບຄຳສັ່ງແນນຳຂອງກົມທະຫານຊາຍແດນ ກົມໃຫຍ່ເສນາທິການກອງທັບ ກ່ຽວກັບການອົບຮົມ-ຫັດແອບປັບປຸງກຳລັງແຮງກາຍໃຫ້ນັກຮຽນກໍ່ສ້າງນາຍສິບ ຊຸດທີ 5 ເພື່ອຍົກລະດັບຄວາມຮູ້ ຄວາມສາມາດ ໃນການນຳໃຊ້ອາວຸດຍຸດໂທປະກອນທີ່ປະກອບ ໃຫ້ມີຄວາມຊຳນິຊຳນານດ້ານ ສິລະປະຍຸດ-ຍຸດທະວິທີຂັ້ນພື້ນຖານຂອງທະຫານຮາບ ແລະ ເຫຼົ່າ
ຮົບວິຊາສະເພາະ ໄດ້ຢ່າງຄ່ອງແຄ້ວ ຮູ້ຈັກໝູນໃຊ້ພູມມີປະເທດຕົວຈິງເຂົ້າໃນການແກ້ໄຂກໍລະນີຕ່າງໆໃນການເຄື່ອນທັບຫຼົບຫຼີກການໂຈມຕີຂອງສັດຕູ, ດັບສູນເປົາໝາຍໃນການຈັ້ງທ່າບຸກຕີ, ເຕັກນິກວິຊາສະເພາະເຫຼົ່າຮົບທະຫານຊາຍແດນ.
ສະຫາຍ ຫົວໜ້າພະແນກອົບຮົມ ຍັງໃຫ້ຮູ້ຕື່ມອີກວ່າ: ເຊິ່ງການເຄື່ອນທັບຄັ້ງນີ້, ມີໄລຍະທາງປະມານ 25 ກິໂລແມັດ, ໃຊ້ເວລາເຄື່ອນທັບ 3 ວັນ 2 ຄືນ ແລະ
ໃນເວລາເຄື່ອນແມ່ນໄດ້ເຄື່ອນຜ່ານສິ່ງກີດຂວາງ ເປັນຕົ້ນແມ່ນຜ່ານຫ້ວຍຮ່ອງຄອງບຶງ, ຜ່ານທົ່ງນາ ແລະ ປ່າຕຶບ, ເວລາເຄື່ອນທັບແມີຄວາມຫຍຸ້ງຍາກສົມຄວນ ສ່ວນພະນັກງານຄູ-ອາຈານ, ຜູ້ບັນຊາ ໄດ້ສ້າງກໍລະນີຕ່າງໆໃຫ້ນັກຮຽນແກ້ໄຂຕາມການເຄື່ອນທັບ ແລະ ເຂົ້າຍຶດສະໜາມຫັດແອບ ພ້ອມທັງເຝິກຊ້ອມຫັດແອບປະສານສຽງແຕກ ຍິງລູກປືນແທ້ຢູ່ພາກສະໝາມຕື່ມອີກ. ຜ່ານການປະຕິບັດຕົວຈິງເຫັນວ່ານັກ
ຮຽນແຕ່ລະສະຫາຍມີຄວາມເຂົ້າໃຈ ແລະ ກຳແໜ້ນທາງພາກທິດສະດີບົດຮຽນທີ່ຮຽນມາ, ພຶດຕິກຳຕົວຈິງ, ມີຄວາມອົດທົນຜ່ານຜ່າອຸປະສັກນາປະການ, ເຫັນໄດ້ເຖິງນໍ້າໃຈຄວາມສາມັກຄີເສຍສະຫຼະ ຊ່ວຍເຫຼືອເຊິ່ງກັນ ແລະ ກັນ, ມີຄວາມຮັບຜິດຊອບສູງ ແລະ ເອົາໃຈໃສ່ຕໍ່ການປະຕິບັດຂໍ້ກຳນົດ, ກົດລະບຽບພາກສະ
ໜາມໄດ້ດີ, ຟັງຄຳສັ່ງຂອງຜູ້ບັນຊາຢ່າງເຂັ້ມງວດ ສາມາດເຮັດສຳເລັດໜ້າທີ່ການເມືອງຂອງຕົນໃນການເຄື່ອນທັບ ແລະ ຮັບປະກັນຄວາມປອດໄພໄດ້ 100%.
ໂດຍ: ກັນຫາ ແສນສຸວັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ