ໜ່ວຍສະຫະພັນແມ່ຍິງ ຫ້ອງການເມືອງ ກົມໃຫຍ່ການເມືອງກອງທັບ ດຳເນີນກອງປະຊຸມໃຫຍ່ ຄັ້ງທີ VI
ເວລາອອກຂ່າວ: 2023-06-05 09:06:03 | ຜູ້ຂຽນ : admin1 | ຈຳນວນຄົນເຂົ້າຊົມ: 357 | ຄວາມນິຍົມ:
ໃນວັນທີ 2 ມິຖຸນາ 2023 ນີ້, ໜ່ວຍສະຫະພັນແມ່ຍິງ ຫ້ອງການເມືອງ ກົມໃຫຍ່ການເມືອງກອງທັບ ດຳເນີນກອງປະຊຸມໃຫຍ່ ຄັ້ງທີ VI, ໂດຍການເປັນປະທານຂອງ ສະຫາຍ ພັນເອກ ວັນທອງ ພົງສະຫວັນ ຮອງຫົວ ໜ້າຫ້ອງການເມືອງ ກົມໃຫຍ່ການເມືອງກອງທັບ, ມີຄະນະໜ່ວຍສະຫະພັນແມ່ຍິງ ຫ້ອງການ
ເມືອງ, ແຂກຖືກເຊີນ ພ້ອມດ້ວຍສະມາຊິກໜ່ວຍສະຫະພັນແມ່ຍິງເຂົ້າຮ່ວມ.
ສະຫາຍ ພັນໂທ ນາງ ບົວແສງ ດາລາເພັດ ຫົວໜ້າໜ່ວຍສະຫະພັນແມ່ຍິງ ຫ້ອງການເມືອງ ກົມໃຫຍ່ການເມືອງກອງທັບ ໄດ້ສະຫຼຸບຕີລາຄາຄືນການເຄື່ອນໄຫວວຽກງານຮອບດ້ານໃນໄລຍະ 5 ປີຜ່ານມາ, ເຊິ່ງຄະນະນຳສະຫະ ພັນແມ່ຍິງ ຫ້ອງການເມືອງ ໄດ້ສົມທົບກັບຄະນະພັກ-ຄະນະບັນຊາຖືເອົາວຽກງານສຶກສາອົບຮົມ ການເມືອງ-ນຳພາແນວຄິດ ດ້ວຍຫຼາຍຮູບການ ກຳແໜ້ນ, ເຊື່ອມຊຶມຕໍ່ແນວທາງນະໂຍບາຍຂອງພັກ-ລັດ, ປະຕິບັດມະຕິ, ຄຳສັ່ງ, ຂໍ້ກຳນົດ, ກົດລະບຽບຂອງກອງ
ທັບວາງຢ່າງອອກເຂັ້ມງວດ, ສະກັດກັ້ນບໍ່ໃຫ້ມີປະກົດການຫຍໍ້ທໍ້ເກີດຂື້ນກັບບຸກຄົນ ແລະ ຄອບຄົວ, ສ້າງທຸກເງື່ອນໄຂເພື່ອໃຫ້ສະມາຊິກແມ່ຍິງມີສ່ວນຮ່ວມໃນການຄົ້ນຄວ້າ ແລະ ປຶກສາຫາລືວຽກງານທີ່ພົວພັນເຖິງສິດຜົນປະໂຫຍດຂອງແມ່ຍິງ ແລະ ເດັກນ້ອຍ. ນອກນີ້, ຍັງໄດ້ຈັດຕັ້ງສະມາຊິກສະຫະພັນແມ່ຍິງເຂົ້າຮ່ວມຮັບຟັງປາຖະກະຖາເນື່ອງໃນວັນປະຫວັດສາດສຳຄັນຕ່າງໆຂອງພັກ-ລັດ, ໄດ້ໄປອວຍພອນວັນບຸນສຳຄັນຕ່າງໆນຳຄະນະພັກ-ຄະນະບັນຊາແຕ່ລະຂັ້ນ ພ້ອມນັ້ນ, ກໍໄດ້ເຄື່ອນໄຫວກິດຈະກຳອື່ນໆຢ່າງຕໍ່ເນື່ອງລຽນຕິດ ແລະ ເປັນປົກກະຕິເຮັດໃຫ້ສະມາຊິກສະຫະພັນແມ່ຍິງມີແນວຄິດອຸ່ນອຽນທຸ່ນທ່ຽງ, ມີຄຸນສົມບັດສິນທຳປະຕິວັດ, ຮັກສາໄດ້ລັກສະນະທີ່ເປັນມູນເຊື້ອຂອງແມ່ຍິງລາວວາງອອກ.
ກອງປະຊຸມຍັງໄດ້ໃຊ້ສິດປະຊາທິປະໄຕປ່ອນບັດຄັດເລືອກເອົາຄະນະໜ່ວຍສະຫະພັນແມ່ຍິງຊຸດໃໝ່ ປະກອບດ້ວຍ ສະຫາຍ ພັນໂທ ນາງ ສຸພາບ ມະນີວົງ ເປັນເລຂາ, ສະຫາຍ ພັນໂທ ນາງ ທອງແພງ ວົງສາ ເປັນຮອງເລຂາ ແລະ ສະຫາຍ ພັນຕີ ນາງ ຈັນວອນ ສີຄຳພອນ ເປັນກຳມະການ.
ໂດຍ: ສົມຄິດ ພູມມີຈິດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ