ກອງທັບປະຊາຊົນລາວ
 
ວັນພະຫັດ, ວັນທີ 22 ກຸມພາ 2024

  

ທີມ​ແພດ​ພາກ​ສະໜາມ ຮັບປະກັນໃຫ້ການ​ເຝິກຊ້ອມ​ຮ່ວມ ​ສອງ​ກອງທັບ​ລາວ-ຈີນ “ໂລ່​ກຳ​ບັງ​ມິດຕະພາບ-2023”
ເວລາອອກຂ່າວ: 2023-05-17 08:37:29 | ຜູ້ຂຽນ : admin1 | ຈຳນວນຄົນເຂົ້າຊົມ: 399299768 | ຄວາມນິຍົມ:



ເພື່ອ​ຮັບປະກັນ​ໃຫ້ການ​ເຝິກຊ້ອມ​ຮ່ວມ​ສອງ​ກອງທັບ ລາວ-ຈີນ ພາຍ​ໃຕ້​ຫົວຂໍ້“ໂລ່​ກຳ​ບັງ​ມິດຕະພາບ-2023” ໃຫ້​ມີ​ຜົນສຳເລັດ​ຕາມ​ແຜນການ​ແລະ ​ຮັບປະກັນ​ຄວາມ​ປອດ​ໄພ. ວຽກ​ງານ​ເສນາ​ຮັກ​ ແມ່ນ​ວຽກ​ງານ​ໜຶ່ງ ເພື່ອ​ຮັບປະກັນ​ທາງ​ດ້ານ​ການ​ແພດ, ວຽກ​ງານ​ປ້ອງ​ກັນ​ພະຍາດ, ຮັກສາ​ສຸຂະພາບ​ຂອງ​ພະນັກງານ-ນັກຮົບ ​ຢູ່​ພາກ ​ສະໜາມ ໃຫ້​ມີ​ສຸຂະພາບ​ແຂງ ແຮງກຽມພ້ອມ ເຮັດ​ສຳເລັດ​ໜ້າ ທີ່​ວຽກ​ງານ​ຕາມ​ການ​ມອບ​ໝາຍ. ສະຫາຍ​ ພັນ​ໂທ ​ດຣ ເວດ​ສຸວັນ ໂພ​ໄຊ​ສີ ຫົວໜ້າ​ທິມ​ແພດພາກ​ ສະໜາມ​ເຝິກຊ້ອມ​ຮ່ວມ​ ລາວ-ຈີນ ພາຍ​ໃຕ້​ຫົວຂໍ້“ໂລ່​ກຳ​ບັງ​ມິດຕະພາບ-2023” ໃຫ້​ຮູ້​ວ່າ: ພາຍຫຼັງ​ໄດ້​ຮັບ​ຄຳ​ສັ່ງ​ຈາກ​ກະຊວງ​ປ້ອງ​​ກັນ​ປະເທດ ກໍຄືກົມ​ໃຫຍ່​ພະລາທິການ​ກອງທັບ ແລະ ກົມ​ເສນາ​ຮັກ ກ່ຽວ​ກັບ​ວຽກ​ງານ​ຮັບປະກັນ​ຮັບ​ໃຊ້​ເຂົ້າ​ຮ່ວມ​ໃນ​ການ​ຊ້ອມ​ຮົບ​ຮ່ວມ​ສອງ​ກອງທັບ​ລາວ-ຈີນ. ດັ່ງນັ້ນ, ​ເຫຼົ່າ​ຮົບເສນາ​ຮັກ ​ໄດ້​ມີ​ການ​ກະກຽມ​ທາງ​ດ້ານ​ກຳລັງ, ອຸປະກອນ​ການ​ແພດ ແລະ ພາຫະນະ​ເຕັກນິກ​ຮັບປະກັນຮັບ​ ໃຊ້​ດ້ານ​ຕ່າງໆ, ມາ​ຮອດ​ວັນທີ 7 ພຶດ​ສະພາ 2023 ຄະນະ​ທີມ​ ແພດ​ພາກ​ສະໜາມ​ໄດ້​ນຳພາກຳ ລັງ​ເຂົ້າ​ສູ່​ສະໜາມຫັດແອບ ຢູ່​ວິ ທະຍາຄານ​ນາຍ​ທະຫານບົກກົມ​ ມະ​ດຳ ພາຍຫຼັງ​ມາ​ຮອດ​ສະໜາມ​ໄດ້​ແບ່ງ​ກຳລັງ​ເປັນ 2 ຈຸ, ລວມ ​ທັງ​ໝົດ​ມີ 15 ສະຫາຍ, ປະກອບ ​ມີ​​ທີມ​ແພດ​ສຸກ​ເສີນ 10 ສະຫາຍ ແລະ ທີມ​ແພດ​ກັນ​ພະຍາດ 5 ສະ ຫາຍ, ໃນການເຄື່ອນໄຫວ​ຂອງ ​ທີມ​ແພດ​ໄດ້​ແບ່ງ​ເປັນແຕ່ລະວຽກ​ ຢ່າງ​ລະອຽດ ເພື່ອ​ຮັບປະກັນ​ໃຫ້​ການເຄື່ອນໄຫວ​ປິ່ນປົວ​ສຸຂະພາບ ໃຫ້​ພະນັກງານ-ນັກຮົບ ​ທີ່​ເຂົ້າ​ຮ່ວມ​ການ​ຫັດ​ແອບ​ເຝິກຊ້ອມ​ຮ່ວມ​ສອງ​ກອງທັບ​ ລາວ-ຈີນ ຢູ່​ພາກ​ສະໜາມ ແລະ ເຮັດ​ວຽກ​ງານ​ປ້ອງ​ພະຍາດ​ຕິດແປດ​ຕາມ​ຈຸດ​ຕ່າງໆ. ໃນ​ນັ້ນ, ​ວຽກ​ງານປິ່ນ​ ປົວ​ໄດ້​ແບ່ງ​ເປັນ 2 ໜ່ວຍ​ແພດ, ໜ່ວຍ​ແພດ​ສຸກ​ເສີນ ແລະ ໜ່ວຍ​ແພດ​ຂົນສົ່ງ​ຄົນ​ເຈັບ​ຢູ່​ພາກ​ສະ ໜາມ​ໃຫ້​ສາມາດ​ຮັບປະກັນ​ໄດ້ ທາງ​ດ້ານ​ສະຖານທີ່, ບ່ອນ​ພັກ​ເຊົ່າ, ຕຽງ​ນອນ​ຄົນ​ເຈັບ, ຢາ​ປິ່ນ ​ປົວ ແລະ ອຸປະກອນຮັບໃຊ້ການ ​ແພດ​ຕ່າງໆ. ນອກ​ນັ້ນ, ​ຍັງ​ໄດ້​ຈັດ​ຕັ້ງ​ທີມ​ງານ​ແພດ​ເຄື່ອນທີ່ ຕິດຕາມ​ກວດກາ​ວັດຖຸ​ດິບ​ທີ່​ນຳ ​ມາ​ປຸງ​ແຕ່ງອາຫານແຕ່ລະວັນ, ເພື່ອ​ຮັບປະກັນ​ດ້ານ​ຊີ້ນ, ປາ, ອາ ຫານ, ນ້ຳ​ດື່ມ, ນ້ຳ​ໃຊ້ປະສະ​ຈາກ ​ພະຍາດ​ຕ່າງໆ ທີ່ຈະເກີດຂຶ້ນ. ພ້ອມ​ນັ້ນ, ​ຍັງ​ໄດ້​ແນ​ນຳ​ພະນັກ ງານ-ນັກຮົບ​ຢູ່​ພາກ​ສະໜາມ​ເອົາ ໃຈໃສ່​ໃນ​ການ​ກິນ​ດື່ມຖືກຕ້ອງ ​ຫຼັກການ​ສຸ​ຂະ​ອານາ​ໄມ 3 ສະ ອາດ ກິນ​ສະອາດ, ດື່ມ​ສະອາດ​ແລະ ​ຢູ່​ສະອາດ ໄປ​ຄຽງ​​ຄ່​ກັນ​ນັ້ນ,​ຍັງ​ໄດ້​ແນ​ນຳ​ໂຮງໝໍ​ວິທະຍາຄານ​ນາຍ​ທະຫານ​ບົກ​ກົມ​ມະ​ດຳ ເປັນ​ໂຮງໝໍ​ແນວ​ຫຼັງ​ໃນ​ການ​ຮັບ​ໃຊ້​ຕື່ມ​ອີກ ເມື່ອ​ກໍລະນີ​ເກີດອຸບັດຕິ​ ເຫດ​ສຸກ​ເສີນ​​ຍັງ​ກະກຽມນຳ​ສົ່ງ​ໂຮງໝໍ​ສູນ​ກາງ 103 ກອງທັບ​ເພື່ອ​ຮອງ​ຮັບ​ຄົນ​ເຈັບ​ໃນ​ກໍລະນີ​ເຈັບ​ໜັກ, ເພື່ອ​ຮັບປະກັນ​ໃຫ້ການ​ເຝິກຊ້ອມ​ຮ່ວມ​ສອງ​ກອງທັບ​ລາວ-ຈີນ ​ຄັ້ງ​ນີ້​ ມີ​ຜົນສຳເລັດ​ຕາມ​ແຜນການ. ໂດຍ: ອາ​ຫວຸ້ນ + ອາ​ນຸ​ສອນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ