ປະກາດການແຕ່ງຕັ້ງ ປະທານຄະນະກຳມະການ ປກຊ-ປກສ ແຂວງສາລະວັນ
ເວລາອອກຂ່າວ: 2023-05-16 15:49:22 | ຜູ້ຂຽນ : admin2 | ຈຳນວນຄົນເຂົ້າຊົມ: 2114 | ຄວາມນິຍົມ:
ພິທີ ປະກາດການແຕ່ງຕັ້ງ ປະທານຄະນະກຳມະການ ປກຊ-ປກສ ແຂວງສາລະວັນ, ໄດ້ຈັດຂຶ້ນໃນວັນທີ 16 ພຶດສະພາ 2023ນີ້, ຢູ່ທີ່ຫ້ອງວ່າການປົກຄອງແຂວງ, ໂດຍການເປັນປະທານຂອງສະຫາຍ ພົນເອກ ຈັນສະໝອນ ຈັນຍາລາດ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ,ລັດຖະມົນຕີກະຊວງປ້ອງກັນປະເທດ, ຮອງປະທານ ຜູ້ປະຈໍາການ ຄະນະກໍາມະການ ປກຊ-ປກສ ສູນກາງ, ມີການນໍາຂອງແຂວງ, ຫ້ອງການ ປກຊ-ປກສ ສູນກາງ, ພະນັກງານຫລັກແຫຼ່ງກອງບັນຊາການທະຫານແຂວງ, ປກສ ແຂວງ ແລະ ພະແນກການອ້ອມຂ້າງແຂວງເຂົ້າຮ່ວມ.
ສະຫາຍ ພົນຈັດຕະວາ ພູວັນ ພິມມະຈັນ ຫົວຫນ້າການເມືອງທະຫານແຂວງສາລະວັນ, ຮອງປະທານຄະນະກໍາມະການ ປກຊ-ປກສ ແຂວງ ໄດ້ລາຍງານໃຫ້ຊາບໂດຍຫຍໍ້ສະພາບການຈັດຕັ້ງປະຕິບັດວຽກງານວຽກງານປກຊ-ປກສໃນໄລຍະຜ່ານມາ.
ຈາກນັ້ນ, ສະຫາຍ ພົນຕີ ສະຫວ່າງໄຊ ສິນນະວົງ ຫົວໜ້າຫ້ອງການ ຄະນະກຳມະການ ປກຊ-ປກສ ສູນກາງ, ກໍໄດ້ຜ່ານມະຕິຕົກລົງຂອງຄະນະເລຂາທິການສູນກາງພັກ ວ່າດ້ວຍການແຕ່ງຕັ້ງສະຫາຍ ດາວວົງ ພອນແກ້ວ ກຳມະການສູນກາງພັກ, ເຈົ້າແຂວງ ເປັນປະທານຄະນະກໍາມະການ ປ້ອງກັນຊາດ-ປ້ອງກັນ ຄວາມສະຫງົບແຂວງສາລະວັນ
ສະຫາຍ.
ໂອກາດນີ້, ສະຫາຍລັດຖະມົນຕີກະຊວງປ້ອງກັນປະເທດໄດ້ມີຄໍາເຫັນໂອ້ລົມ ແລະ ໃຫ້ທິດຊີ້ນໍາຫລາຍບັນຫາສໍາຄັນ ເພື່ອເປັນແນວທາງແລະບ່ອນອີງໃຫ້ແກ່ຄະນະກຳມະການ ປກຊ-ປກສ ແຂວງສາລະວັນ ໃນການຈັດຕັ້ງປະຕິບັດຫນ້າທີ່ວຽກງານໃນຕໍ່ຫນ້າ,ເພື່ອສືບຕໍ່ປົກປັກຮັກສາເຮັດໃຫ້ສະພາບພາຍໃນທົ່ວແຂວງສາລະວັນ ມີຄວາມສະຫງົບໜັກແໜ້ນ, ການພັດທະນາເສດຖະກິດ-ສັງຄົມຂອງແຂວງມີການຂະຫຍາຍຕົວຕໍ່ເນື່ອງ, ຊີວິດການເປັນຢູ່ຂອງປະຊາຊົນໄດ້ຮັບການປັບປຸງນັບມື້ດີຂຶ້ນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ