POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 01 ມິຖຸນາ 2023

ກອງພັນໃຫຍ່ 605 ສະຫຼຸບວຽກງານກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ
ເວລາອອກຂ່າວ: 2023-03-31 09:03:53 | ຜູ້ຂຽນ : admin1 | ຈຳນວນຄົນເຂົ້າຊົມ: 1800 | ຄວາມນິຍົມ:

ໃນບໍ່ດົນນີ້, ກອງພັນໃຫຍ່ 605 ໄດ້ສະຫຼຸບຖອດຖອນບົດຮຽນວຽກງານກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ປະຈຳປີ 2022 ແລະ ວາງທິດທາງແຜນການ ປະຈຳປີ 2023 ໂດຍການເປັນປະທານຂອງ ສະຫາຍ ພັນເອກ ບົວຄຳ ສາມາວົງ ເລຂາຄະນະພັກ ຫົວໜ້າການເມືອງກອງພັນໃຫຍ່ 605, ມີຄະນະພັກ ກອງພັນໃຫຍ່, ຄະນະນະພັກຮາກຖານ, ຄະນະໜ່ວຍພັກ ຕະຫຼອດຮອດບັນດາສະມາຊິກພັກ-ພະນັກງານຫຼັກແຫຼ່ງ ເຂົ້າຮ່ວມ. ສະຫາຍ ພັນໂທ ໄມສີ ມາວັນດີ ປະທານກວດກາພັກ ຮອງຫົວໜ້າການເມືອງ ກອງພັນໃຫຍ່ 605 ໄດ້ສະຫຼຸບຕີລາຄາຄືນການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2022 ໂດຍຍົກໃຫ້ເຫັນດ້ານດີ ດ້ານອ່ອນ ແລະ ຂໍ້ຄົງຄ້າງ ທີ່ຈະຕ້ອງໄດ້ປັບປຸງແກ້ໄຂໃນຕໍ່ໜ້າ ໂດຍປະຕິບັດ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກໃຫ້ໄດ້ຮັບຜົນສູງ ຄະນະພັກກອງພັນໃຫຍ່ໄດ້ເອົາໃຈໃສ່ຊີ້ນຳ-ນຳພາພະນັກງານ-ສະມາຊິກພັກແຕ່ລະສະຫາຍເຊື່ອມຊຶມບັນດາມະຕິ, ຄຳສັ່ງ, ຂໍ້ກຳນົດ, ບົດແນະນຳກ່ຽວກັບວິທີການກໍ່ສ້າງໜ່ວຍພັກໃຫ້ມີຄວາມປອດໃສ ເຂັ້ມແຂງ ໜັກແໜ້ນ ໂດຍຖືເອົາ 5 ມາດຖານມາເປັນບ່ອນອີງເພື່ອຈັດຕັ້ງປະຕິບັດ ແລະ ສອດຫ້ອຍເຂົ້າໃນທຸກຂົງເຂດວຽກງານຂອງກົມກອງ, ພ້ອມທັງຈັດຕັ້ງຜັນຂະຫຍາຍມະຕິ, ຄຳສັ່ງຂອງຂັ້ນເທິງ, ຫັນເປັນແຜນການປະຕິບັດຂໍ້ແຂ່ງຂັນການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ຮັບປະກັນທາງດ້ານຈຳນວນ ແລະ ຄຸນນະພາບສູງ, ທົ່ວຄະນະພັກກອງພັນໃຫຍ່ ມີ 8 ຄະນະພັກຮາກຖານ, ມີ 31 ໜ່ວຍພັກຂຶ້ນກັບຄະນະພັກຮາກຖານ, ມີສະມາ ຊິກພັກທັງໝົດ 562 ສະຫາຍ, ສາມາດຕີລາຄາຄຸນນະພາບສະມາຊິກພັກປະເພດແຂງໄດ້ 457 ສະຫາຍ, ກາງ 25 ສະຫາຍ, ບໍ່ໄດ້ຈັດປະເພດ 79 ສະຫາຍ, ໜ່ວຍພັກແຂງ 30 ໜ່ວຍ, ບໍ່ໄດ້ແບ່ງປະເພດ 1 ໜ່ວຍ, ສະເໜີເປັນໜ່ວຍພັກປອດໃສ ເຂັ້ມແຂງ ໜັກແໜ້ນ ມີ 30 ໜ່ວຍພັກ. ໃນນັ້ນ, ຮັບຮອງ 4 ຄັ້ງຕິດຕໍ່ກັນມີ 21 ໜ່ວຍພັກ, ຮັບຮອງ 3 ຄັ້ງຕິດຕໍ່ກັນມີ 5 ໜ່ວຍພັກ, ຮັບຮອງ 2 ຄັ້ງຕິດຕໍ່ກັນມີ 2 ໜ່ວຍພັກ ແລະ ໜ່ວຍພັກຮັບຮອງໃໝ່ມີ 2 ໜ່ວຍພັກ. ຈາກນັ້ນ ສະຫາຍ ພັນເອກ ບົວຄຳ ສາມາວົງ ກໍໄດ້ມອບໃບຢັ້ງຢືນໜ່ວຍພັກປອດໃສ ເຂັ້ມແຂງ ໜັກແໜ້ນ ໃຫ້ບັນດາໜ່ວຍພັກດັ່ງກ່າວຢ່າງສົມກຽດ. ໂດຍ: ນາງ ໜູແດງ ລາດສະແກ້ວ

news to day and hot news