POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 30 ພຶດສະພາ 2023

ຫ້ອງເສນາທິການ ທະຫານແຂວງໄຊຍະບູລີ ສະຫຼຸບວຽກງານຮອບດ້ານ ປະຈຳປີ 2022
ເວລາອອກຂ່າວ: 2023-03-30 09:54:47 | ຜູ້ຂຽນ : admin1 | ຈຳນວນຄົນເຂົ້າຊົມ: 54 | ຄວາມນິຍົມ:

ໃນວັນທີ 21 ມິນາ 2023 ນີ້, ຫ້ອງເສນາທິການ ກອງບັນຊາການທະຫານແຂວງໄຊຍະບູລີໄດ້ເປີດກອງປະຊຸມສະຫຼຸບວຽກງານຮອບດ້ານ ປະຈຳປີ 2022 ແລະ ທິດທາງແຜນການ 2023, ໂດຍການເປັນປະທານຂອງ ສະຫາຍ ພັນເອກ ໄວຍາກອນ ເພັດສະລາດ ຫົວໜ້າຫ້ອງເສນາທິການ ກອງບັນຊາການທະຫານແຂວງໄຊຍະບູລີ ມີຄະນະຫ້ອງ, ຫົວໜ້າພະແນກການທີ່ຂຶ້ນກັບ ຕະຫຼອດຮອດ ພະນັກງານ-ນັກຮົບເຂົ້າຮ່ວມ. ສະຫາຍ ພັນໂທ ບຸນໄທ ລິນທອງ ຮອງຫົວໜ້າຫ້ອງເສນາທິການ ກອງບັນຊາການທະຫານແຂວງໄຊຍະບູລີ ໄດ້ຜ່ານບົດສະຫຼຸບວຽກງານຮອບດ້ານໃນໄລ ຍະ 1 ເຊິ່ງໄດ້ຍົກໃຫ້ເຫັນຜົນງານທີ່ພົ້ນເດັນຫຼາຍດ້ານໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ ເປັນຕົ້ນແມ່ນວຽກງານເຮັດໃຫ້ສະພາບມີຄວາມສະຫງົບ, ໄດ້ລົງກໍ່ສ້າງຮາກຖານການເມືອງຕາມແນວທາງຂອງພັກ, ຄະນະພັກ-ຄະນະບັນຊາໄດ້ເອົາໃຈໃສ່ນຳພາ-ຊີ້ນຳກຳລັງຈັດ ຕັ້ງຜັນຂະຫຍາຍແນວທາງຂອງຂັ້ນເທິງຫັນເປັນແຜນວຽກ, ເປັນໂຄງການອັນລະອຽດຊີ້ນຳແຕ່ລະວຽກ, ແຕ່ລະບັນຫາຢ່າງມີຈຸດສຸມ ແລະ ແທດເໝາະຕົວຈິງ ໂດຍສະເພາະສຸມໃສ່ນຳພາ-ຊີ້ນຳຢ່າງໃກ້ຊິດການ ຈັດຕັ້ງເຄື່ອນໄຫວປະຕິບັດໜ້າທີ່ການເມືອງກົມກອງ. ໃນ 1 ປີຜ່ານມາ ກົມກອງໄດ້ເຮັດສຳເລັດໜ້າທີ່ວິຊາສະເພາະຫຼາຍດ້ານໃນການປະສານສົມທົບກັບບັນດາກົມກອງຈັດຕັ້ງເຄື່ອນໄຫວສະກັດກັ້ນແຜນການກໍລະນີຕ່າງໆທີ່ຈະເກີດຂຶ້ນໃຫ້ທັນກັບເວລາ, ເພີ່ມທະວີ ແລະ ຍົກສູງສະ ຕິລະວັງຕົວກຽມພ້ອມສູ້ຮົບ, ປະຕິບັດລະບອບປະຈຳການຕະຫຼອດ 24 ຊົ່ວໂມງ. ພ້ອມນີ້, ຍັງໄດ້ເອົາໃຈໃສ່ສຶກສາອົບຮົມການເມືອງ-ແນວຄິດ ໂດຍໄດ້ນຳເອົາ ແນວທາງນະໂຍບາຍຂອງພັກ, ມະຕິ ຄຳສັ່ງ, ຂໍ້ກຳນົດ, ກົດລະບຽບຂອງກອງທັບ, ກົດໝາຍຂອງລັດມາຈັດຕັ້ງເຜີຍແຜ່ເຊື່ອມຊຶມເຮັດໃຫ້ພະນັກງານ-ນັກຮົບເຂົ້າໃຈຢ່າງເລິກເຊິ່ງ, ໄດ້ເປີດອົບຮົມໄລຍະສັ້ນໃຫ້ຫົວໜ້າການທະຫານ, ຮອງຫົວໜ້າການທະ ຫານ ແລະ ຜູ້ຊ່ວຍວຽກຕົວຈິງໃຫ້ກົມກອງທົ່ວທະຫານແຂວງ, ອົບຮົມ-ຫັດແອບໃຫ້ກອງຫຼອນໄດ້ 11 ກອງຮ້ອຍ, ບ້ານປ້ອມໝັ້ນໄດ້ 10 ບ້ານ, ອົບຮົມ-ຫັດແອບ ວຽກງານສຶກສາປ້ອງກັນຊາດໃຫ້ໂຮງຮຽນວິຊາຊີບພາກລັດ ແລະ ເອກະຊົນ ແລະ ໂຮງຮຽນມັດທະຍົມຕອນປາຍປາຍ. ພ້ອມນີ້, ຍັງໄດ້ຊຸກຍູ້ຂະບວນການເພີ່ມ ພູນຜະລິດຜົນປູກຝັງ-ລ້ຽງສັດຕາມຄຳຂວັນ 4 ປູກ 4 ລ້ຽງ ທີ່ກົມໃຫຍ່ພະລາທິການວາງອອກ. ຈາກນັ້ນ ຍັງມອບໃບຢັ້ງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2022 ຕື່ມອີກ.

news to day and hot news