ສຕລ ເປີດຊຸດເຝິກອົບຮົມຄູເຝິກ ກິລາບານເຕະລະດັບ "B"
ເວລາອອກຂ່າວ: 2023-03-23 08:30:27 | ຜູ້ຂຽນ : admin3 | ຈຳນວນຄົນເຂົ້າຊົມ: 29 | ຄວາມນິຍົມ:
ສະຫະພັນບານເຕະແຫ່ງຊາດລາວ (ສຕລ) ໄດ້ຈັດຊຸດເຝິກອົບ ຮົມຄູເຝິກກິລາບານເຕະ ລະດັບ B (AFC "B" DIPLOMA COACHING COURSE 2023) ຂື້ນໃນຕອນເຊົ້າວັນທີ 20 ມີນາ 2023 ທີ່ ຫ້ອງປະຊຸມ ສຕລ,
ໂດຍໃຫ້ກຽດເປັນປະທານກ່າວເປີດຂອງ ທ່ານ ດຣ ໄຊຊະນະ
ທອງຄຳຈັນ ຄະນະບໍລິຫານງານ ສຕລ, ທ່ານ Sundram Moorthy
ຫົວໜ້າພະແນກເຕັກນິກ-ວິທະ
ຍາ ສຕລ, ທ່ານ Mohammad
Herman B Zailani ຫົວໜ້າວຽກງານພັດທະນາຄູເຝິກ ພ້ອມດ້ວຍພະນັກງານວິຊາການກ່ຽວ
ຂ້ອງ ແລະ ນັກສຳມະກອນ ຈຳ
ນວນ 20 ທ່ານ ທີ່ມາຈາກຫຼາຍພາກສ່ວນເຂົ້າຮ່ວມເຊັ່ນ ສະໂມ ສອນໃນລີກ1, ລີກ2, ສຕລ, ສູນ
ເຝິກກິລາບານເຕະຈາກຕ່າງແຂວງ ແລະ ມາຈາກປະເທດໄທ.
ທ່ານ ດຣ ໄຊຊະນະ ທອງຄຳຈັນ ໄດ້ກ່າວວ່າ: ການເຝິກອົບຮົມຄັ້ງນີ້ແມ່ນສຳຄັນຫຼາຍ, ໃຫ້ທຸກຄົນຕັ້ງໃຈຟັງ, ພ້ອມທັງຕ້ອງຢູ່ພາຍໃຕ້ລະບຽບການທີ່ວາງໄວ້, ໃຫ້ທຸກຄົນມີຄວາມສາມັກຄີກັນບໍ່ວ່າຈະມາຈາກພາກສ່ວນໃດ ແລະ ອວຍພອນໃຫ້ທຸກທ່ານປະສົບຜົນ
ສຳເລັດໃນການເຝິກອົບຮົມໃນຄັ້ງນີ້ ເພື່ອອະນາຄົດຂອງຕົນເອງ ແລະ ປະເທດຊາດ. ສ່ວນການເຝິກອົບຮົມຄັ້ງນີ້ແມ່ນຈະນຳໃຊ້ລະບຽບໃໝ່ຂອງ AFC ຊຶ່ງຈະແບ່ງອອກເປັນ 2 ໄລຍະ ຄື: ໄລຍະທີ1 ເລີ່ມວັນທີ 20 ຫາ 29 ມີນາ ແລະ ໄລຍະທີ2 ເລີ່ມ
ວັນທີ 22 ຫາ 31 ພຶດສະພາ 2023.
ສຳລັບການເຝິກອົບຮົມຄັ້ງນີ້ແມ່ນຈະມີການສອບເສັງປະຕິບັດຕົວຈິງ 3 ຄັ້ງ ແລະ ພາກທິດສະ
ດີ 2 ຄັ້ງ ຊຶ່ງຄັ້ງນີ້ຈະມີການວິເຄາະ
ເກມພ້ອມ. ພິເສດການເຝິກອົບ ຮົມໃນຄັ້ງນີ້ ນັກສຳມະນາກອນຕ້ອງເຂົ້າຮ່ວມມາຮຽນບໍ່ໃຫ້ຂາດໝາຍວ່າຕ້ອງມາຮຽນໃຫ້ໄດ້ຮ້ອຍເປີເຊັນຖ້າຂາດພຽງຄັ້ງດຽວຈະຖືກສະລະສິດ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ