ພາຍຸເຟຣດດີ ພັດຖະຫຼົ່ມມາລາວີ ເຮັດໃຫ້ມີຜູ້ເສຍຊີວິດຫຼາຍຮ້ອຍຄົນ
ເວລາອອກຂ່າວ: 2023-03-23 08:27:55 | ຜູ້ຂຽນ : admin3 | ຈຳນວນຄົນເຂົ້າຊົມ: 29 | ຄວາມນິຍົມ:
ສຳນັກຂ່າວ ຣອຍເຕີ ລາຍງານໃນວັນທີ 20 ມີນາ ນີ້ວ່າ: ເກີດເຫດພາຍຸໄຊໂຄລນ ເຟຣດດີ ພັດຖະຫຼົ່ມມາລາວີ ເຮັດໃຫ້ຫຼາຍບ້ານ ຖືກກະແສແຮງນ້ຳພັດໄດ້ຮັບຄວາມເສຍຫາຍ, ຍອດຜູ້ເສຍຊີວິດລວມແລ້ວຫຼາຍກວ່າ 500 ຄົນ ໃນມາລາວີ, ໂມຊຳບິກ ແລະ ມາດາກັດສະກາ.
ພາຍຸເຟຣດດີ ເລີ່ມກໍ່ໂຕຂຶ້ນຕັ້ງແຕ່ວັນທີ 4 ກຸມພາ 2023 ຈົນຮອດວັນທີ 15 ມີນາ 2023, ພາຍຸນີ້ ກໍຍັງບໍ່ສະຫລາຍໂຕທັງທີ່ເຄື່ອນຂຶ້ນຝັ່ງທະວີບອາຟຣິກາໄປແລ້ວ, ຈົນໄດ້ຊື່ວ່າເປັນພາຍຸທີ່ມີອາຍຸດົນຫຼາຍທີ່ສຸດ ດົນຫຼາຍກວ່າພາຍຸ ເຮີລິເຄນ ຈອນ ໃນປີ 1994 ທີ່ໃຊ້ເວລາຕັ້ງແຕ່ເລີ່ມກໍ່ໂຕຈົນສະຫຼາຍໄປລວມ 31 ມື້.
ພາຍຸເຟຣດດີນີ້ເຮັດໃຫ້ເກີດໄພນ້ຳຖ້ວມຢ່າງຮ້າຍແຮງ ແລະ ດິນເຈື່ອນຢູ່ພາກໃຕ້ຂອງມາລາວີ ແລະ ພາກເໜືອຂອງໂມຊຳບິກ ແລະ ໄດ້ກັບຄືນໄປຫາທັງສອງປະເທດເປັນເທື່ອທີສອງພາຍໃນບໍ່ເຖິງເດືອນ ເຮັດໃຫ້ມີຜູ້ເສຍຊີວິດຫຼາຍກວ່າ 500 ຄົນ.
ທັງນີ້, ເພື່ອຊ່ວຍເຫຼືອໃນການຄົ້ນຫາຂອງໜ່ວຍກູ້ໄພ ໂດຍໃຊ້ເຮືອບິນ ແລະ ເຮືອຫຼາຍລຳ ສົມທົບກັບເຮືອຈາກຕ່າງປະເທດ ຖືກສົ່ງມາປະເທດມາລາວີ ໂດຍເຮືອກູ້ໄພຊຸດທຳອິດ ໄດ້ເດີນທາງຈາກປະເທດແຊມບີ ແລະ ສະວິດ ນອກຈາກນີ້, ສະຫະລັດ ແລະ ອາຟຣິກາໃຕ້ ກະກຽມເພື່ອສົ່ງເຮືອບິນ ແລະ ເຮືອມາຊ່ວຍສົມ ທົບຕື່ມອີກ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ