ປະທານປະເທດຫວຽດນາມ ຢືນຢັນ ເພີ່ມທະວີການຮ່ວມມືກັບອົດສະຕຼາລີ
ເວລາອອກຂ່າວ: 2023-03-22 08:29:14 | ຜູ້ຂຽນ : admin3 | ຈຳນວນຄົນເຂົ້າຊົມ: 25 | ຄວາມນິຍົມ:
ຕາມຂ່າວສານຊິນຮວາລາຍງານວັນທີ 19 ມີນາ ນີ້, ໂດຍອີງຕາມທ່ານ ແອນດຣິວ ໂກເລດຊີໂນສກີ ເອກອັກຄະລັດຖະທູດ ອົດສະຕຼາລີ ປະຈຳຫວຽດນາມ ໄດ້ເຂົ້າພົບປະຢ້ຽມຢາມ ທ່ານ ຫວໍວັນເຖືອງ ປະທານປະເທດຫວຽດນາມ ທີ່ທຳນຽບປະທານປະເທດ ໂດຍຊີ້ໃຫ້ເຫັນວ່າ: ການຮ່ວມມືໃນຂົງເຂດຮັກສາສັນຕິພາບ, ການປ້ອງກັນຊາດ, ປ້ອງກັນຄວາມສະຫງົບບັນລຸໄດ້ບາດກ້າວທີ່ຕັ້ງໜ້າຫຼາຍດ້ານ, ດັ່ງນັ້ນ, ທ່ານສະເໜີໃຫ້ສອງຝ່າຍສືບຕໍ່ຍູ້ແຮງການຮ່ວມມືໃຫ້ມີປະສິດທິຜົນກວ່າເກົ່າໃນໄລຍະຈະມາເຖິງ.
ທ່ານປະທານປະເທດຫວຽດ ນາມ ຢັ້ງຢືນວ່າ: ຫວຽດນາມຍາມໃດກໍຖືສຳຄັນການຊຸກຍູ້ການພົວ ພັນມິດຕະພາບ ແລະ ຄູ່ຮ່ວມມືຍຸດທະສາດກັບອົດສະຕຣາລີ ເຊິ່ງເປັນຄູ່ຮ່ວມມືທີ່ມີມາແຕ່ດົນນານ ແລະ ແມ່ນໜຶ່ງໃນບັນດາປະເທດທີ່ມີການພົວພັນຄູ່ຮ່ວມມືຍຸດ ທະສາດຮອບດ້ານ ກັບ ອາຊຽນ. ພ້ອມນັ້ນ, ຍັງໄດ້ສະເໜີໃຫ້ສອງຝ່າຍສືບຕໍ່ເພີ່ມທະວີການຮ່ວມ ມືໃນບັນດາຂົງເຂດອື່ນໆຕື່ມ ອີກ.
ທ່ານປະທານປະເທດ ຢືນຢັນຕື່ມວ່າ: ຫວຽດນາມຈະສືບຕໍ່ປ່ຽນແປງໃໝ່ວຽກງານກໍ່ສ້າງລະບອບລະບຽບການດ້ານກົດ ໝາຍ, ມານະພະຍາຍາມປັບປຸງສະພາບແວດລ້ອມແຫ່ງການລົງທຶນທີ່ປອດໂປ່ງ, ອຳນວຍຄວາມສະດວກ ໃຫ້ແກ່ບັນດານັກລົງທຶນຕ່າງປະເທດ, ໃນນັ້ນມີ ອົດສະຕຼາລີ ໃຫ້ມີຄວາມອຸ່ນອຽນໃຈ, ເຊື່ອໝັ້ນຕໍ່ນະໂຍບາຍການລົງທຶນທີ່ມີຄວາມສະດວກຢູ່ ຫວຽດນາມ.
ດ້ານທ່ານທູດ ຢືນຢັນວ່າ: ການຮ່ວມມືໃນຂົງເຂດຮັກສາສັນຕິພາບ, ການປ້ອງກັນຊາດ, ປ້ອງກັນຄວາມສະຫງົບບັນລຸໄດ້ບາດກ້າວທີ່ຕັ້ງໜ້າຫຼາຍດ້ານ, ດັ່ງນັ້ນ, ທ່ານສະເໜີໃຫ້ສອງຝ່າຍ
ສືບຕໍ່ຍູ້ແຮງການຮ່ວມມືໃຫ້ມີປະ ສິດທິຜົນຫຼາຍກວ່າເກົ່າໃນອະ ນາຄົດ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ