ສຳເລັດການແຂ່ງຂັນເປຕັງທົ່ວ ສວສ ສະຫຼອງວັນແມ່ຍິງສາກົນ ຄົບຮອບ 113 ປີ
ເວລາອອກຂ່າວ: 2023-03-13 09:04:25 | ຜູ້ຂຽນ : admin3 | ຈຳນວນຄົນເຂົ້າຊົມ: 63 | ຄວາມນິຍົມ:
ພິທີປິດການແຂ່ງຂັນກິລາເປຕັງໃນຄັ້ງນີ້ ໄດ້ມີຂຶ້ນໃນຕອນແລງວັນທີ 7 ມີນາ ຜ່ານມານີ້,
ທີ່ສະໜາມກິລາເປຕັງ ສວສ ເພື່ອສ້າງຂະບວນການຂໍ່ານັບຮັບຕ້ອນ ແລະ ສະເຫຼີມສະຫຼອງວັນແມ່ຍິງສາກົນ ຄົບຮອບ 113 ປີ (8 ມີນາ 1910-8 ມີນາ 2023), ໃຫ້ກຽດເຂົ້າຮ່ວມ ແລະ ມອບລາງວັນຂອງ ທ່ານ ອຸທິດ ທິບມະນີ ຮອງຜູ້ອຳນວຍການສະຖາບັນຄົ້ນຄວ້າວິທະຍາສາດການສຶກສາ ແລະ ທ່ານ ຄຳຈັນ ລັດຖະຍອດ ຮອງຜູ້ອຳນວຍການສະຖາບັນຄົ້ນຄວ້າວິທະຍາສາດການສຶກສາ, ມີບັນດາເລຂາ-ຮອງເລຂາໜ່ວຍພັກ, 3 ອົງການຈັດຕັ້ງມະຫາຊົນ ກໍຄື ຊາວໜຸ່ມ, ແມ່ຍິງ ແລະ ກຳມະບານຕະ
ຫຼອດຮອດພະນັກງານທີ່ກ່ຽວ
ຂ້ອງເຂົ້າຮ່ວມຢ່າງເປັນຂະບວນການຟົດຟື້ນ.
ການແຂ່ງຂັນລາຍການດັ່ງ
ກ່າວຈັດຂຶ້ນ ນອກຈາກສ້າງຂະບວນການສະເຫຼີມສະຫຼອງວັນແມ່ຍິງສາກົນ ຄົບຮອບ 113 ປີແລ້ວ ກໍຍັງເປັນການສ້າງໂອກາດໃຫ້ອ້າຍເອື້ອຍນ້ອງພະນັກງານພາຍໃນສະຖາບັນຄົ້ນຄວ້າວິທະ ຍາສາດການສຶກສາ ຫຼື ສວສ ໄດ້
ຮັດແໜ້ນຄວາມສາມັກຄີເຊິ່ງກັນ
ແລະ ກັນ ໃຫ້ນັບມື້ເຕີບໃຫຍ່ຂະ
ຫຍາຍຕົວຂຶ້ນເລື້ອຍໆ. ເຊິ່ງລາຍ
ການດັ່ງກ່າວຈັດຂຶ້ນລະຫວ່າງວັນທີ 27 ກຸມພາ ຫາ 7 ມີນາ 2023 ຈຶ່ງສຳເລັດ ໂດຍມີ 8 ພາກ
ສ່ວນເຂົ້າຮ່ວມແຂ່ງຂັນປະກອບ
ມີສູນພັດທະນາຫຼັກສູດ 3 ທີມ, ສູນພັດທະນາສື່ການຮຽນການສອນ 3 ທີມ, ສູນໂຄສະນາຂ່າວ
ສານການສຶກສາ ແລະ ກິລາ 3 ທີມ,
ສູນຄົ້ນຄວ້າປະເມີນການສຶກສາ
2 ທີມ, ສູນສົ່ງເສີມພາສາຕ່າງ
ປະເທດ 1 ທີມ, ພະແນກບໍລິຫານ 2 ທີມ, ສູນຄົ້ນຄວ້າພາສາລາວ ແລະ ຫ້ອງສະໝຸດ 1 ທີມ ແລະ ຄະນະຮັບຜິດຊອບຈັດແຂ່ງຂັນ 1 ທີມ ລວມທັງໝົດ 16 ທີມ ເຊິ່ງມີການຈັບສະຫຼາກປະກົບຄູ່ແຂ່ງຂັນຄັດເລືອກທີມຊະນະ ຜ່ານເຂົ້າຮອບ 8 ທີມສຸດທ້າຍ ການແຂ່ງຂັນນຳໃຊ້ລະບົບ 3 ໃນ 2 ແຂ່ງຂັນ 7 ແຕ້ມ ທີມໃດເສຍຕົກຮອບທັນທີ.
ຜ່ານການແຂ່ງຂັນຄູ່ຊີງຊະນະເລີດຜົນປະກົດວ່າ: ທີມ ສຄຂ ທີມ
ເອ ສາມາດເອົາຊະນະທີມຄະນະຮັບຜິດຊອບຈັດການແຂ່ງຂັນ ໄປ
ແບບສະບາຍ 2-0 ເກມ ດ້ວຍຄະ
ແນນ 7-1 ແລະ 7-2 ຄະແນນ
ຄອງແຊັມການແຂ່ງຂັນລາຍ
ການດັ່ງກ່າວໄປຄອງເປັນສະໄໝ
ທີ 2 ຕິດຕໍ່ກັນ ສ່ວນທີມຄະນະຮັບຜິດຊອບຈັດການແຂ່ງຂັນ ໄດ້ພຽງທີ 2 ແລະ ທີ 3 ເປັນຂອງທີມສູນຄົ້ນຄວ້າປະເມີນການສຶກສາ ທີມ ເອ ແລະ ທີ 4 ແມ່ນທີມ ສຄຂ ທີມ ບີ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ