POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 02 ເມສາ 2023

ກອງປະຊຸມສ່ອງແສງວຽກງານຮອບດ້ານ ປະຈຳໄຕມາດ IV
ເວລາອອກຂ່າວ: 2023-02-09 09:04:22 | ຜູ້ຂຽນ : admin1 | ຈຳນວນຄົນເຂົ້າຊົມ: 41 | ຄວາມນິຍົມ:

ທ້າຍເດືອນມັງກອນຜ່ານມານີ້, ກອງບັນຊາການທະຫານເມືອງລອງ ແຂວງຫຼວງນ້ຳທາ ໄດ້ເປັນເຈົ້າພາບຈັດກອງປະຊຸມສ່ອງແສງວຽກງານຮອບດ້ານ ປະຈຳໄຕມາດ IV ປີ 2022, ໂດຍການເປັນປະທານຂອງ ສະຫາຍພັນເອກ ບຸນມີ ໄຊປະເສີດ ຫົວໜ້າຫ້ອງເສນາທິການ ທະຫານແຂວງຫຼວງນ້ຳທາ, ມີ ສະຫາຍ ບຸນຈັນ ສຸດທິປັນຍາ ກຳມະການຄະນະພັກແຂວງ ເຈົ້າເມືອງ ເມືອງລອງ, ປະທານປ້ອງກັນຊາດ-ປ້ອງກັນຄວາມສະຫງົບເມືອງ, ມີພະແນກການທີ່ກ່ຽວຂ້ອງຈາກ 5 ຫ້ອງ ກອງບັນຊາການທະຫານແຂວງ, 5 ກອງບັນຊາການທະຫານເມືອງ, 2 ກອງພັນ ແລະ ກອງບັນຊາການ ປກສ ເມືອງລອງ ເຂົ້າຮ່ວມ. ໃນກອງປະຊຸມ, ຄະນະພັກ-ຄະນະບັນຊາ ແຕ່ລະກົມກອງ ໄດ້ຜັດປ່ຽນກັນລາຍງານສະພາບຮອບດ້ານທີ່ພົ້ນເດັ່ນ ຕະຫຼອດໄລຍະ 3 ເດືອນທ້າຍປີ 2022 ຜ່ານມາ, ສັງລວມແລ້ວເຫັນວ່າຄະນະພັກ-ຄະນະບັນຊາ ແຕ່ລະກົມກອງ ໄດ້ເອົາໃຈໃສ່ເຮັດວຽກງານສຶກສາອົບຮົມການເມືອງ-ນຳພາແນວຄິດ ໃຫ້ພະນັກງານ-ນັກຮົບຢ່າງເປັນປົກກະຕິ, ຈັດຕັ້ງພະນັກງານ-ວິຊາການລົງກໍ່ສ້າງຮາກຖານການເມືອງຕາມຂອບເຂດກົມກອງຮັບຜິດຊອບ, ຊີ້ນຳພະນັກງານ-ນັກຮົບຈັດຕັ້ງປະຕິບັດຂົງເຂດວຽກງານຕາມພາລະບົດບາດຂອງຕົນ ກໍຄື ຕາມທິດຊີ້ນຳຂອງກະຊວງປ້ອງກັນປະເທດ, ຂອງແຂວງ ແລະ ຂອງກອງບັນຊາການທະຫານແຂວງ, ອັນພົ້ນເດັ່ນແມ່ນວຽກງານຕ້ານ ແລະ ສະກັດກັ້ນປະກົດການຫຍໍ້ທໍ້ຕ່າງໆພາຍໃນກົມກອງ ເປັນຕົ້ນ ແມ່ນ ບັນຫາຢາເສບຕິດ, ສາສະໜາ, ການລ່າສັດ ແລະ ຄົນເຂົ້າອອກເມືອງຜິດກົດໝາຍ. ພ້ອມດຽວກັນນີ້, ຂົງເຂດວຽກງານອື່ນໆທີ່ປິ່ນອ້ອມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ ກໍໄດ້ຮັບການຈັດຕັ້ງປະຕິບັດຢ່າງມີຈຸດສຸມ ແລະ ປະສົບຜົນສຳເລັດເປັນຢ່າງດີ. ຈາກນັ້ນ, ສະຫາຍ ພັນເອກບຸນມີ ໄຊປະເສີດ ແລະ ສະຫາຍ ບຸນຈັນ ສຸດທິປັນຍາ ໄດ້ຜັດປ່ຽນກັນໂອ້ລົມ ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ແຕ່ລະກົມ ກອງ ພ້ອມກັນສ້າງມາໄດ້ໃນໄລຍະຜ່ານມາ ເຊິ່ງໄດ້ເຮັດໃຫ້ທ້ອງຖິ່ນຂອງຕົນມີຄວາມສະຫງົບໂດຍພື້ນຖານ, ພ້ອມທັງໄດ້ເນັ້ນໜັກໃຫ້ແຕ່ລະກົມກອງເພີ່ມທະວີ ຄວາມສາມັກຄີພາຍໃນໃຫ້ແໜ້ນແຟ້ນ, ເອົາໃຈໃສ່ສຶກສາອົບຮົມການເມືອງ-ນຳພາແນວຄິດໃຫ້ຕໍ່ເນື່ອງ, ຖືເອົາການປະຕິບັດໜ້າທີ່ວິຊາສະເພາະເປັນສຳຄັນ ຕິດ ພັນກັບການຊຸກຍູ້ສົ່ງເສີມຄວາມກ້າວໜ້າຂອງພະນັກງານ-ນັັກຮົບ, ເປັນເຈົ້າການເຄື່ອນໄຫວວຽກງານປ້ອງກັນຊາດ-ປ້ອງກັນຄວາມສະຫງົບ,ຕ້ານ ແລະ ສະກັດ ກັ້ນປະກົດການຫຍໍ້ທໍ້ຕ່າງໆທີ່ຈະເກີດຂຶ້ນໃນທ້ອງຖິ່ນ ກໍຄື ກົມກອງ, ກວດກາຄົນເຂົ້າ-ອອກເມືອງຢ່າງເຂັ້ມງວດ, ສືບຕໍ່ພົວພັນຮ່ວມມືແລກປ່ຽນຂໍ້ມູນຂ່າວສານເຊິ່ງກັນ ແລະ ກັນ ເພື່ອແກ້ໄຂບັນຫາໃຫ້ທັນກັບເວລາ ແລະ ສະພາບການ ແລະ ສືບຕໍ່ຫັນລົງກໍ່ສ້າງຮາກຖານການເມືອງຕາມຂອບເຂດກົມກອງຮັບຜິດຊອບໃຫ້ມີຄວາມສະຫງົບປອດໄພ 100%. ໂດຍ: ແສງທອນ

news to day and hot news