ທະຫານແຂວງບໍລິຄຳໄຊ ປະກາດການເລື່ອນຊັ້ນນາຍສິບ
ເວລາອອກຂ່າວ: 2023-02-08 08:55:54 | ຜູ້ຂຽນ : admin1 | ຈຳນວນຄົນເຂົ້າຊົມ: 38 | ຄວາມນິຍົມ:
ໃນວັນທີ 2 ກຸມພາ 2023 ນີ້, ກອງບັນຊາການທະຫານແຂວງບໍລິຄຳໄຊ ໄດ້ປະກາດການເລື່ອນຊັ້ນນາຍສິບໃຫ້ບັນດາພະນັກງານ-ນັກຮົບ ທົ່ວທະຫານແຂວງ, ໂດຍການເປັນປະທານຂອງ ສະຫາຍ ພັນເອກ ພິດາວັນ ພິມເຮືອງສີ ຫົວໜ້າຫ້ອງເສນາທິການ ທະຫານແຂວງບໍລິຄຳໄຊ, ມີຄະນະພັກ-ຄະນະບັນຊາ, ພະ
ນັກງານ-ນັກຮົບ ພ້ອມດ້ວຍພົນທະຫານທີ່ໄດ້ຮັບການເລື່ອນຊັ້ນໃໝ່ ເຂົ້າຮ່ວມ.
ສະຫາຍ ພັນໂທ ສົມຄິດ ຫຼວງລາດ ຫົວໜ້າພະແນກກຳລັງພົນທະຫານແຂວງບໍລິຄຳໄຊ ໄດ້ຜ່ານຂໍ້ຕົກລົງຂອງກົມໃຫຍ່ເສນາທິການກອງທັບ ວ່າດ້ວຍການອະນຸມັດເລື່ອນຊັ້ນນາຍສິບ ຢູ່ກອງບັນຊາການທະຫານແຂວງບໍລິຄຳໄຊ ແລະ ອີງຕາມຂໍ້ກຳນົດ ວ່າດ້ວຍລະບຽບການຂອງນາຍສິບ ແລະ ພົນທະຫານໃນກອງ
ທັບປະຊາ ຊົນລາວ (ສະບັບປັບປຸງ) ກົມໃຫຍ່ເສນາທິການກອງທັບໄດ້ຕົກລົງເລື່ອນຊັ້ນສິບເອກ ຂຶ້ນ ວາທີ ຈຳນວນ 50 ສະຫາຍ, ພ້ອມນີ້, ຍັງໄດ້ຜ່ານແຈ້ງການ
ຂອງກົມກຳລັງພົນ ກ່ຽວກັບເລື່ອງທະຫານພັນທະ ປະຈຳປີ 2020 ທີ່ສືບຕໍ່ເຂົ້າເປັນທະຫານອາຊີບ. ໃນນີ້, ຜູ້ທີ່ຄົບມາດຖານເງື່ອນໄຂສືບຕໍ່ເຂົ້າເປັນທະຫານອາຊີບ ໂດຍໄດ້ຮັບການອະນຸມັດຂອງກົມໃຫຍ່ເສນາທິການກອງທັບ ຈຳນວນ 147 ສະ ຫາຍ.
ໂອກາດດັ່ງກ່າວ, ສະຫາຍ ພັນເອກ ພິດາວັນ ພີມເຮືອງສີ ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ນາຍທະຫານທີ່ໄດ້ຮັບການເລື່ອນຊັ້ນໃໝ່ໃນຄັ້ງນີ້, ພ້ອມທັງເນັ້ນໜັກໃຫ້ນາຍທະຫານແຕ່ລະສະຫາຍ ຈົ່ງສືບຕໍ່ເພີ່ມທະວີຄວາມສາມັກຄີໃຫ້ເປັນປຶກແຜ່ນແໜ້ນໜາ, ປັບປຸງແບບແຜນວິທີເຮັດວຽກແບບວິທະຍາສາດໃຫ້ສອດຄ່ອງກັບໜ້າທີ່ການເມືອງຂອງຕົນ, ຕັ້ງໜ້າເຝິກຝົນຫຼໍ່ຫຼອມຕົນເອງໃຫ້ມີຄຸນທາດການເມືອງຄຸນສົມບັດສິນທຳປະຕິວັດ, ເອົາໃຈໃສ່ຄົ້ນຄວ້າຊອກຮູ້ຮ່ຳຮຽນເພື່ອຍົກລະດັບຄວາມຮູ້ ຄວາມສາມາດຂອງຕົນໃຫ້ສູງຂຶ້ນ ເພື່ອພ້ອມກັນເຮັດສຳເລັດໜ້າທີ່ ທີ່ພັກ ແລະ ລັດມອບໝາຍໃຫ້ດ້ວຍໝາກຜົນສູງ.
ໂດຍ: ນາງນ້ອຍ ບານທະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ