ນິວຄັດເຊິນ ຊະນະ ເຊົາແທມຕັນ ເຂົ້າຊີງ ລີກຄັບ ໃນຮອບ 49 ປີ
ເວລາອອກຂ່າວ: 2023-02-02 08:49:43 | ຜູ້ຂຽນ : admin3 | ຈຳນວນຄົນເຂົ້າຊົມ: 77 | ຄວາມນິຍົມ:
ການແຂ່ງຂັນເຕະບານ ຄາຣາບາວຄັບ ຫລື ລີກຄັບ ອັງກິດ ຮອບ 4 ທີມສຸດທ້າຍ ນັດທີ 2 ຄູ່ທີໜຶ່ງ, ຄືນວັນທີ 31 ມັງກອນຜ່ານມາ, ສະໂມສອນ ນິວຄັດເຊິນ ຢູໄນເຕັດ ຍັງຟອມດີຕໍ່ເນື່ອງເປີດສະໜາມ ເອົາຊະນະ ເຊົາແທມຕັນ ດ້ວຍຄະແນນ ປະຕູ 2-1 ໂດຍນິວຄັດເຊິນ ໄດ້ສອງປະຕູນຳກ່ອນຈາກ: ຊອນ ລ໋ອງສະຕາ ນາທີ 5' ແລະ 21' ສຳລັບ ເຊົາແທມຕັນ ຍິງໄດ້ພຽງໜຶ່ງປະຕູຈາກ ເຊອາດຳ ນາທີ 29' ທ້າຍເກມເຈົ້າບ້ານເຫລືອຜູ້ຫລິ້ນ 10 ຄົນ ເມື່ອ ບຣູໂນ ກຸຍມາຣັດ ໄດ້ບັດແດງ ນາທີ 82' ແຕ່ບໍ່ມີປະຕູເພີ່ມ ຈົບເກມ ນິວຄັດເຊິນ ຊະນະ ເຊົາແທມຕັນ 2-1 ປະຕູ ລວມຜົນສອງນັດ ນິວຄັດເຊິນ ຊະນະ 3-1 ປະຕູ ເຂົ້າຊີງຊະນະເລີດລາຍການນີ້ ເປັນຄັ້ງທີສອງ ໃນຮອບ 49 ປີ ຕໍ່ຈາກລະດູການ 1975-76.
ຮອບຊີງຊະນະເລີດ ນິວຄັດ
ເຊິນ ລໍຖ້າພົບກັບຜູ້ຊະນະລະ
ຫວ່າງ ແມນເຊັດເຕີ ຢູໄນເຕັດ
ຫລື ນັອດຕິ້ງແຮມ ຟໍເຣດ ທີ່ຈະ
ແຂ່ງຂັນນັດທີສອງ ໃນຄືນວັນພຸດທີ 2 ກຸມພານີ້ ເວລາ 3:00.ເຊິ່ງ
ນັດທຳອິດ ແມນຢູ ເອົາຊະນະມາໄດ້ 3-0 ປະຕູ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ