ໂຮງຮຽນກໍ່ສ້າງນາຍສິບ ເລກ 2 ວຽງໄຊ ມອບວັດຖຸປັດໄຈໃຫ້ຄອບຄົວທີ່ຖືກອັກຄີໄພ
ເວລາອອກຂ່າວ: 2023-01-31 13:41:34 | ຜູ້ຂຽນ : admin1 | ຈຳນວນຄົນເຂົ້າຊົມ: 36 | ຄວາມນິຍົມ:
ວັນທີ 26 ມັງກອນ 2023 ນີ້, ສະຫາຍ ພັນເອກ ແສງເດືອນ ອິນທິສອນ ຮອງຫົວໜ້າການເມືອງໂຮງຮຽນກໍ່ສ້າງນາຍສິບ ເລກ 2 ວຽງໄຊ ພ້ອມຄະນະ ໄດ້ນຳເອົາວັດຖຸປັດໄຈພ້ອມດ້ວຍເຄື່ອງອຸປະໂພກ-ບໍລິໂພກ ຈຳນວນໜຶ່ງ ໄປມອບໃຫ້ຄອບຄົວທີ່ຖືກອັກຄີໄພ ຢູ່ບ້ານໂພນໄຊ ຈຳນວນ 1 ຄອບຄົວ, ໂດຍການຕ້ອນຮັບຂອງ ສະ ຫາຍ ລືມ ດຽງສາລີ ນາຍບ້ານບ້ານໂພນໄຊ ພ້ອມຄະນະ.
ສະຫາຍ ພັນຕີ ບົວລະພາແສງສະຫວັດ ຮອງຫົວໜ້າພະແນກກໍ່ສ້າງຮາກຖານໂຮງຮຽນໄດ້ກ່າວຈຸດ ປະສົງໃນການມາມອບວັດຖຸປັດໄຈ ແລະ ເຄື່ອງອຸປະໂພກ-ບໍລິໂພກຈຳນວນໜຶ່ງ ລວມມູນຄ່າ 5 ລ້ານກວ່າກີບ ມາມອບໃຫ້ຄອບຄົວທີ່ຖືກອັກຄີໄພ ທີ່ບ້ານໂພນໄຊ ໃນຕົ້ນເດືອນພະຈິກ 2022 ທີ່ຜ່ານມານັ້ນ ເປັນການແບ່ງເບົາບັນເທົາທຸກຊ່ວຍເຫຼືອເຊິ່ງ ແລະ ກັນ ໃຫ້ຄອບຄົວປະຊາຊົນທີ່ຖືກອັກຄີໄພ. ຈາກນັ້ນ, ສະຫາຍ ພັນເອກ ແສງເດືອນ ອິນທິສອນ ກໍໄດ້ມອບວັດຖຸປັດໄຈ ແລະ ເຄື່ອງອຸປະໂພກ-ບໍລິໂພກ ໃຫ້ກັບຄອບຄົວທີ່ຖືກອັກຄີໄພ ພ້ອມທັງຮຽກຮ້ອງໃຫ້ຄອບຄົວດັ່ງກ່າວ ຈົ່ງນຳເອົາເຄື່ອງທີ່ມາມອບໃຫ້ໃນຄັ້ງນີ້ນຳໄປໝູນໃຊ້ເຂົ້າໃນຊີວິດປະຈຳວັນໃຫ້ເກີດປະໂຫຍດສູງສຸດ.
ໂດຍ: ສົມພົງ ແກ້ວປະເສີດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ