ວິທະຍາຄານການແພດກອງທັບ ເຝິກຊ້ອມໃຫຍ່ ວິຊາບັນຊາເສນາຮັກພາກສົງຄາມໃຫ້ນັກສຶກສາ
ເວລາອອກຂ່າວ: 2023-01-30 09:38:01 | ຜູ້ຂຽນ : admin3 | ຈຳນວນຄົນເຂົ້າຊົມ: 184 | ຄວາມນິຍົມ:
ວັນທີ 25 ມັງກອນ 2023 ນີ້, ວິທະຍາຄານການແພດກອງ
ທັບ ໄດ້ຈັດເຝິກຊ້ອມໃຫຍ່ ວິຊາ ບັນຊາເສນາຮັກພາກສົງຄາມ
ໃຫ້ແກ່ນັກສຶກສາ ແພດປະລິນ
ຍາຕີ ຊຸດທີ 4 ຢູ່ທີ່ສະໜາມເຝິກ
ຊ້ອມ ບ້ານທ່າດິນແດງ ເມືອງໄຊທານີ ນະຄອນຫຼວງວຽງຈັນ
ໂດຍການເຂົ້າຮ່ວມຂອງ ສະຫາຍ
ພົນຈັດຕະວາ ບົວສິງ ອິນທະວົງ ຮອງ
ຫົວໜ້າກົມໃຫຍ່ພະລາທິການກອງທັບ, ມີບັນດາສະຫາຍຄະ
ນະພັກ-ຄະນະອຳນວຍການ ວິ
ທະຍາຄານການແພດກອງທັບ, ແຂກທີ່ຖືກເຊີນ, ພະນັກງານຄູ-ອາຈານ ແລະ ນັກສຶກສາເຂົ້າຮ່ວມ.
ສະຫາຍ ພັນເອກ ປອ ຈັນສະ
ໝອນ ມະຫາວົງ ຫົວໜ້າການທະຫານ ວິທະຍາຄານການແພດກອງທັບໄດ້ກ່າວວ່າ: ການຈັດຕັ້ງເຝິກຊ້ອມໃນຄັ້ງນີ້, ຈັດຂຶ້ນໂດຍປະຕິບັດຕາມຫຼັກສູດອົບຮົມການ
ແພດທະຫານຂັ້ນປະລິນຍາຕີ
ແລະ ຫຼັກສູດບຳລຸງບັນຊາເສນາຮັກ ຂັ້ນກອງພັນໃຫຍ່ ຂອງວິທະ
ຍາຄານການແພດກອງທັບ ແນ
ໃສ່ສ້າງແບບແຜນຈັດຕັ້ງ ແລະ ບັນຊາກຳລັງເສນາຮັກ ໃຫ້ມີ
ຄວາມເປັນເອກະພາບ ບົນພື້ນ
ຖານວິທະຍາສາດການທະຫານ ແລະ ວິທະຍາສາດການແພດ, ຈັດຕັ້ງການຮ່ຳຮຽນທິດສະດີ ແລະ ການຫັດແອບທັງພາກສະ
ໜາມຕົວຈິງ, ເນື້ອໃນຂອງການຫັດແອບແມ່ນການຜັນຂະຫຍາຍຮູບແຖວ, ການກອບກູ້ປິ່ນປົວຕາມ
ບັນໃດກອບກູ້ປິ່ນປົວຂັ້ນຍຸດທະສາດ-ຍຸດທະວິທີ ເຊິ່ງລວມມີ 3 ຂັ້ນສະໜາມເສນາຮັກຄື: ຂັ້ນກອງຮ້ອຍ, ຂັ້ນກອງພັນນ້ອຍ ແລະ ຂັ້ນກອງພັນໃຫຍ່, ແນໃສ່ເຮັດໃຫ້ນັກສຶກສາມີຄວາມເຂັ້ມ
ແຂງທາງດ້ານການແພດ ແລະ ກຽມພ້ອມປະຕິບັດໜ້າທີ່ໃນທຸກ
ກໍລະນີທີ່ຈະເກີດຂຶ້ນ, ພ້ອມທັງ
ເປັນການຍົກລະດັບຄວາມຮູ້
ຄວາມສາມາດ ໃຫ້ມີຄວາມຫ້າວ
ຫັນວ່ອງໄວ ແລະ ມີໄຫວພິບຄ່ອງແຄ້ວ ສາມາດນຳໄປໝູນໃຊ້ເຂົ້າໃນວຽກງານຕົວຈິງໃນສະເພາະໜ້າ ແລະ ຍາວນານ.
ໂອກາດນີ້, ສະຫາຍ ພົນຈັດ
ຕະວາ ບົວສິງ ອິນທະວົງ ກໍໄດ້ໂອ້ລົມ ພ້ອມທັງສະແດງຄວາມຍ້ອງຍໍຊົມເຊີຍ ຕໍ່ຄະນະພັກ-ຄະ
ນະອຳນວຍການ, ພະນັກງານຄູ-
ອາຈານ ແລະ ນັກສຶກສາ ທີ່ໄດ້ເອົາໃຈໃສ່ປະຕິບັດໜ້າທີ່ຂອງຕົນຢ່າງມີຄວາມຮັບຜິດຊອບສູງ,
ພ້ອມທັງຮຽກຮ້ອງໃຫ້ນັກສຶກສາແຕ່ລະສະຫາຍ ຈົ່ງພ້ອມກັນສືບຕໍ່ຜັນຂະຫຍາຍບົດຮຽນທີ່ຄູ-ອາຈານຖ່າຍທອດໃຫ້ ນຳໄປຈັດຕັ້ງປະຕິບັດເຂົ້າໃນວຽກງານຕົວຈິງຂອງກົມກອງຂອງຕົນໃຫ້ເກີດດອກອອກຜົນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ