ໜ່ວຍສິລະປະສະໝັກຫຼິ້ນ ສະຖາບັນອະນາໄມກັນພະຍາດ ແລະ ສົ່ງເສີມສຸຂະພາບກອງທັບ ສະແດງຕ້ອນຮັບວັນສ້າງຕັ້ງກອງທັບ ຄົບຮອບ 74 ປີ
ເວລາອອກຂ່າວ: 2023-01-27 09:02:19 | ຜູ້ຂຽນ : admin1 | ຈຳນວນຄົນເຂົ້າຊົມ: 39 | ຄວາມນິຍົມ:
ວັນທີ 27 ມັງກອນ 2023 ນີ້, ໜ່ວຍສິລະປະສະໝັກຫຼິ້ນ ສະຖາບັນອະນາໄມກັນພະຍາດ ແລະ ສົ່ງເສີມສຸຂະພາບກອງທັບໄດ້ສະແດງລາຍການ ເພື່ອຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 74 ປີ, ໂດຍມີ ສະຫາຍ ພັນເອກ ສີສຸກ ສີຈັນທອນ ເລຂາຄະນະພັກຮາກຖານ, ຫົວໜ້າການເມືອງສະຖາບັນອະນາໄມກັນພະຍາດ ແລະ ສົ່ງເສີມສຸຂະພາບກອງທັບ, ມີຄະນະພັກ-ຄະນະບັນຊາ, ພະນັກງານ-ນັກຮົບພາຍໃນກົມກອງເຂົ້າຮ່ວມ.
ສະຫາຍ ພັນຕີ ອ້ອຍພັນ ແພງບຸນມີ ຫົວໜ້າຂະແໜງໂຄສະນາອົບຮົມ ສະຖາບັນອະນາໄມກັນພະຍາດ ແລະ ສົ່ງເສີມສຸຂະພາບກອງທັບ, ທັງເປັນຫົວໜ້າຄະນະນຳພາເຝິກຊ້ອມຕົວຈິງໄດ້ໃຫ້ຮູ້ວ່າ: ລາຍການສະແດງຮັບໃຊ້ວັນສ້າງຕັ້ງກອງທັບປະຊາຊົນລາວ ຢູ່ກົມກອງໃນຄັ້ງນີ້ປະກອບມີ 7 ລາຍການ. ໃນນັ້ນ, ມີປະເພດຮ້ອງເພງດ່ຽວຊາຍເພງ: ນໍ້າໃຈວັນທີ 20 ມັງກອນ ສະຫຼອງໄຊ, ເພງ: ແດນແຫ່ງອິດສະຫຼະ, ຮ້ອງເພງດ່ຽວຍິງເພງ: ຄິດຮອດອ້າຍຢູ່ຊາຍແດນ, ປະເພດເພງລວມໝູ່
ຊາຍເພງ: ລາຕີແນວໜ້າ, ປະເພດເພງລວມໝູ່ຍິງເພງ: ສຽງຈາກສະຖາບັນກັນພະຍາດ ແລະ ລາຍການຟ້ອນ ແລະ ເຕັ້ນບາສຫຼົບອີກ 2 ລາຍການ, ເຊິ່ງແຕ່
ລະລາຍການທີ່ໄດ້ນຳມາສະແດງໃຫ້ບັນດານາຍ ແລະ ພົນທະຫານໃນກົມກອງໄດ້ຮັບຟັງ ແລະ ຮັບຊົມໃນຄັ້ງນີ້ ກໍລ້ວນແລ້ວມີເນື້ອໃນທີ່ສ່ອງແສງເຖິງມູນເຊື້ອອັນດີງາມຂອງກອງທັບປະຊາຊົນລາວເຮົາ, ສະແດງເຖິງພາລະບົດບາດໜ້າທີ່ໃຈກາງຂອງກົມກອງ, ສະແດງເຖິງຄວາມຮັກຊາດ, ຮັກປະຊາຊົນລາວບັນດາເຜົ່າ, ຮັກບ້ານເກີດເມືອງນອນທີ່ແສນເຄົາລົບຮັກຂອງຕົນ.
ໂດຍ: ອ້ອຍພັນ ແພງບຸນມີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ