ທະຫານແຂວງເຊກອງ ສຳເລັດການເຝິກອົບຮົມ-ຫັດແອບ ຍິງເປົ້າໝາຍດ້ວຍລູກປືນແທ້
ເວລາອອກຂ່າວ: 2023-01-27 09:00:33 | ຜູ້ຂຽນ : admin1 | ຈຳນວນຄົນເຂົ້າຊົມ: 161 | ຄວາມນິຍົມ:
ໃນວັນທີ 13 ມັງກອນ 2023 ນີ້, ກອງພັນ 103 ທະຫານແຂວງເຊກອງ ໄດ້ສຳເລັດການອົບຮົມ-ຫັດແອບຍິງເປົ້າໝາຍດ້ວຍລູກປືນແທ້ ປະຈຳປີ 2022 , ໂດຍການເປັນປະທານຂອງ ສະຫາຍ ພັນໂທ ແສງເພັດ ພິວັນນ້ອຍ ຮອງຫ້ອງເສນາທິການ ທະຫານແຂວງເຊກອງ, ມີບັນດາຄະນະພັກ-ຄະນະບັນຊາ, ພະແນກການທີ່ກ່ຽວຂ້ອງພ້ອມດ້ວຍພະນັກງານ-ນັກ ຮົບໃນກົມກອງເຂົ້າຮ່ວມ.
ການອົບຮົມ-ຫັດແອບຍິງລູກປືນແທ້ຄັ້ງນີ້ ໂດຍປະຕິບັດຕາມແຜນການອົບຮົມ-ຫັດແອບ ປະຈຳປີ 2022 ຂອງກອງພັນ 103 ເພື່ອກວດກາຕີລາຄາຄືນຄວາມຮັບຮູ້, ຄວາມສາມາດໃນການບັນຊາຂອງພະນັກງານ-ນັກຮົບແຕ່ລະຂັ້ນ ແລະ ກວດກາການນຳໃຊ້ອາວຸດ-ຍຸດໂທປະກອນເຕັກນິກການທະຫານ ຂອງທະຫານຮາບ ແລະ ເຫຼົ່າຮົບວິຊາສະເພາະຂອງຕົນໃຫ້ມີຄວາມຊຳນິຊຳນານຄ່ອງແຄ້ວ ຮູ້ໝູນໃຊ້ຕາມທິດສະດີຫຼັກການທີ່ໄດ້ຮຽນມາເຂົ້າສູ່ພາກປະຕິບັດຕົວຈິງ. ທັງເປັນການປັບປຸງກໍ່ສ້າງກຳລັງໃນຖັນແຖວກຳລັງປະກອບອາວຸດໃຫ້ມີຄວາມໜັກແໜ້ນ ເຂັ້ມແຂງ, ມີແບບແຜນສູ້ຮົບທີ່ທັນສະໄໝຮອບດ້ານ, ມີຄວາມຄ່ອງແຄ້ວໃນການບັນຊາສູ້ຮົບ ແລະ ການນຳໃຊ້ອາວຸດ-ຍຸດໂທປະກອນຕ່າງໆ, ເພື່ອເຮັດໜ້າທີ່ເຄື່ອນໄຫວ
ກຽມພ້ອມສູ້ຮົບ ແລະ ສູ້ຮົບມີໄຊຕົວຈິງໄດ້ໃນທຸກຮູບແບບ ໃຫ້ມີຄວາມຮັບປະກັນເຮັດໃນທຸກຂົງເຂດ ແລະ ກົມກອງທີ່ຮັບຜິດຊອບໃຫ້ມີຄວາມສະຫງົບປອດໄພໂດຍພື້ນຖານ, ຜ່ານການອົບຮົມ-ຫັດແອບຍິງລູກປືນແທ້ເຫັນໄດ້ວ່າມີຜົນສຳເລັດບັນລຸໄດ້ຕາມແຜນການ ແລະ ຄາດໝາຍທີ່ວາງໄວ້ ຮັບປະກັນຄວາມປອດໄພໃຫ້ແກ່ກຳລັງ ແລະ ພາຫະນະອາວຸດໄດ້100%.
ໂດຍ: ກອງຄຳ ຈິ່ງດ້າຍອດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ