ມູຣິກ ສ້າງສະຖິຕິແລ່ນໄວທີ່ສຸດໃນພຣີເມຍລີກ
ເວລາອອກຂ່າວ: 2023-01-27 08:35:15 | ຜູ້ຂຽນ : admin3 | ຈຳນວນຄົນເຂົ້າຊົມ: 73 | ຄວາມນິຍົມ:
ມິໄຄໂລ ມູຣິກ ຂອງ ເຊວຊີ
ສ້າງຊື່ໃຫ້ສະໂມສອນອີກຄັ້ງ ເມື່ອສ້າງສະຖິຕິເປັນນັກເຕະທີ່ແລ່ນໄດ້ໄວສຸດໃນລາຍການພຣີເມຍລີກ ອັງກິດ ລະດູການນີ້ ໃນການລົງສະໜາມໃຫ້ ເຊວຊີ ໃນເກມບຸກໄປ
ສະເໝີ ລີເວີພູ 0-0 ປະຕູເມື່ອ ວັນທີ 21 ມັງກອນ ຜ່ານມານີ້.
ມູຣິກ ເຖິງວ່າຈະຖືກປ່ຽນຕົວລົງສະໜາມພຽງແຕ່ໃນໄລຍະເວລາ 20 ນາທີສຸດທ້າຍຂອງເກມ ທີ່ສະໜາມ ແອນຟິວ ແຕ່ມູຣິກ ກໍສະແດງຟອມຄວາມເກັ່ງໄດ້ຢ່າງໜ້າປະທັບໃຈ ແລະ ໄດ້ຮັບຄຳຊົມຈາກກອງເຊຍຈຳນວນຫຼາຍ ແຖມຍັງສ້າງຄວາມຮືຮາໃນສະໜາມດ້ວຍການສ້າງສະຖິຕິແລ່ນໄວສຸດໃນພຣິເມຍລີກ ລະດູການນີ້ ໂດຍແລ່ນໄດ້ໄວສູງສຸດເຖິງ 36.63 ກິໂລແມັດຕໍ່ຊົ່ວໂມງ.
ສ່ວນນັກເຕະແລ່ນໄວອັນດັບ 2 ເປັນແອນໂທນີ ກໍດອນ ຂອງອັບເວີຕັນ ທີ່ແລ່ນຄວາມໄວສູງສຸດໄດ້ 36.61 ກິໂລແມັດຕໍ່ຊົ່ວໂມງ, ອັນດັບ3 ດາວິນ ນູເນດ ກອງໜ້າ ລີເວີພູ 36.53 ກິໂລແມັດຕໍ່ຊົ່ວໂມງ, ອັນດັບ4 ເອີລິງ ຮາແລນ ດາວຍິງທີມຊາດນອກແວ ຂອງແມນເຊັສເຕີ ຊີຕີ 36.22 ກິໂລແມັດຕໍ່ຊົ່ວໂມງ ແລະ ອັນດັບ 5 ເດນິດ ຊາກາ ຂອງເຊວຊີ 36.09.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ