ກອງທັບປະຊາຊົນລາວ

ວັນຈັນ, ວັນທີ 06 ກຸມພາ 2023



ປະກາດ​ການ​ເລື່ອນ​ຊັ້ນ​ພັນ​ຕີ​ຂຶ້ນ​ຊັ້ນ​ພັນ​ໂທ​ຂອງ​ບັນດາ​ກົມ​ກອງ​​ເຂດ​ພາກ​ກາງ
ເວລາອອກຂ່າວ: 2023-01-24 09:57:37 | ຜູ້ຂຽນ : admin3 | ຈຳນວນຄົນເຂົ້າຊົມ: 26 | ຄວາມນິຍົມ:



​ວັນ​ທີ 13 ມັງກອນ 2023 ນີ້, ກອງພັນ​ໃຫຍ່​ປ້ອງ​ກັນອາດ 644 ໄດ້​ເປັນ​ເຈົ້າພາບ​ຈັດ​ພິທີ​ປະ ກາດ​ການ​ເລື່ອນ​ຊັ້ນ​ນາຍ​ທະຫານ​ຊັ້ນ​ພັນ​ຕີ​ ຂຶ້ນ ​ຊັ້ນ​ພັນ​ໂທ ຂອງ​ບັນດາ​ກົມ​ກອງ​ເຂດ​ພາກ​ກາງ. ໂດຍ​ການ​ເປັນ​ປະທານຂອງ ສະ ຫາຍ ພົນ​ຈັດຕະວາ ພູມີ ດາລາ​ເພັດ ກຳມະການ​ຄະນະ​ພັກກະ ຊວງ, ຮອງ​ຫົວໜ້າ​ກົມ​ໃຫຍ່ການ ເມືອງ​ກອງທັບ, ມີ​ຄະນະ​ພັກ-ຄະ ນະບັນຊາກອງ​ບັນຊາການທະ ຫານແຂວງສະຫວັນ​ນະ​ເຂດ, ແຂວງຄຳມ່ວນ, ກອງພົນທີ 4, ກອງພັນ​ໃຫຍ່ 644, ໂຮງໝໍບໍລິ ເວນ 109, ສາງ ອ 3, ກອງ 216, 219 ຕະຫຼອດຮອດບັນດາ​ສະ ທີ່​ໄດ້​ຮັບ​ການ​ເລື່ອນ​ຊັ້ນ​ໃໝ່​ເຂົ້າ​ຮ່ວມ. ສະຫາຍ ພັນ​ເອກ ໂສພາ​ວັນ ທຳ​ມະ​ເທວາ ຮອງ​ຫົວໜ້າ​ກົມ​ພະນັກງານ ກົມ​ໃຫຍ່​ການເມືອງ​ກອງທັບ ໄດ້​ຜ່ານ​ຂໍ້​ຕົກລົງ​ຂອງ​ກະຊວງ​ປ້ອງ​ກັນ​ປະເທດ ວ່າ​ດ້ວຍ​ການ​ເລື່ອນ​ຊັ້ນ​ນາຍ​ທະຫານ​ຊັ້ນ​ພັນ​ຕີຂຶ້ນ​ຊັ້ນ​ພັນ​ໂທ ຂອງ​ບັນດາ​ ( ອ່ານຕໍ່ໜ້າ 7 ) ກົມ​ກອງ​ເຂດ​ພາກ​ກາງ, ໂດຍ​ອີງ​ຕາມ​ກົດໝາຍ​ນາຍ​ທະຫານ​ກອງທັບ​ປະຊາຊົນ​ລາວ (ສະບັບ​ປັບປຸງ), ໃນ​ພາກ​ທີ II ໝວດ​ທີ 3 ມາດຕາ 22 ແລະ 23 ວ່າ​ດ້ວຍ​ການ​ເລື່ອນ​ຊັ້ນ​ໃຫ້​ນາຍ​ທະຫານ. ກະຊວງ​ປ້ອງ​ກັນ​ປະເທດ ຕົກລົງ​ເລື່ອນ​ຊັ້ນ, ເລື່ອນ​ທຽບ​ຊັ້ນ​ພັນຕີ​ ຂຶ້ນ​ຊັ້ນ ພັນ​ໂທ ຈຳນວນ 53 ສະ ຫາຍ. ໂອກາດ​ນີ້, ສະຫາຍ ພົນ​ຈັດຕະ ວາ ພູມີ ດາລາ​ເພັດ ໄດ້​ສະແດງ​ຄວາມ​ຍ້ອງຍໍ​ຊົມເຊີຍ​ຕໍ່​ຜົນງານ​ທີ່​ແຕ່​ລະ​ສະຫາຍ ຍາດ​ມາ​ໄດ້​ໃນ​ໄລຍະ​ຜ່ານ​ມາ, ພ້ອມ​ທັງ​ເນັ້ນ​ໜັກ​ໃຫ້​ນາຍ​ທະຫານ​ທີ່​ໄດ້​ຮັບ​ການ​ເລື່ອນ​ຊັ້ນ​ໃໝ່​ໃນ​ຄັ້ງ​ນີ້ ຈົ່ງ​ພ້ອມ​ກັນ​ເຊີດ​ຊູ ແລະ ຍົກ​ສູງ​ສະຕິ​ຄວາມ​ຮັບຜິດຊອບ​ໃນ​ການ​ປະຕິບັດ​ໜ້າ ທີ່​ວຽກ​ງານ, ມີ​ແບບແຜນ​ວິທີ​ເຮັດ​ວຽກ​ບົນ​ຫຼັກການ​ລວມສູນ​ ປະຊາທິປະໄຕ ນຳພາ​ເປັນ​ໝູ່​ຄະ ນະ​ບຸກຄົນ​ຮັບຜິດຊອບ, ເພີ່ມ​ທະວີ​ຄວາມ​ສາມັກຄີ​ໃຫ້​ເປັນ​ປຶກ​ແຜ່ນ​ແໜ້ນໜາ, ຕັ້ງໜ້າ​ເຝິກຝົນ​ຫຼໍ່​ຫຼອມ​ຕົນ​ເອງ​ໃຫ້​ມີ​ຄຸນ​ທາດ​ການເມືອງ​ໜັກ​ແໜ້ນ, ມີ​ຄຸນສົມບັດ​ສິນທຳ ​ປະຕິວັດ, ຕັ້ງໜ້າ​ຄົ້ນຄວ້າ​ຮໍ່າ ຮຽນ​ ເພື່ອ​ຍົກ​ລະດັບ​ຄວາມ​ຮູ້​ຄວາມ​ສາມາດ ເພື່ອ​ພ້ອມ​ກັນ​ປະ ກອບສ່ວນ​ເຂົ້າ​ໃນ​ວຽກ​ງານ​ການ​ຊີ້​ນຳ-ນຳພາ​ປັບປຸງພັດທະນາ​ກົມ​ກອງ​ໃຫ້​ມີ​ໃບ​ໜ້າ​ອັນ​ໃໝ່ ແລະ​ເຮັດ​ສຳເລັດ​ໜ້າທີ່​ການເມືອງ​ຂອງ​ຕົນ​ດ້ວຍ​ຄວາມ​ຮັບຜິດຊອບ​ສູງ. ໂດຍ: ສົມ​ສັກ​ ແກ້ວ​ດວງ​ດີ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ