POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 06 ກຸມພາ 2023

ເຈົ້າແຂວງ ແຂວງໄຊຍະບູລີ ລົງຢ້ຽມຢາມ ນາຍ ແລະ ພົນທະຫານ ກອງພັນໃຫຍ່ 202
ເວລາອອກຂ່າວ: 2023-01-24 09:56:54 | ຜູ້ຂຽນ : admin3 | ຈຳນວນຄົນເຂົ້າຊົມ: 24 | ຄວາມນິຍົມ:

ເນື່ອງໃນໂອກາດຄົບຮອບ 74 ປີແຫ່ງການສ້າງຕັ້ງກອງ ທັບປະຊາຊົນລາວ, ໃນວັນທີ 21 ມັງກອນ 2023 ນີ້, ສະຫາຍ ພົງສະຫວັນ ສິດທະວົງ ກຳມະການສູນກາງພັກ, ເລຂາພັກແຂວງ, ເຈົ້າແຂວງ, ປະທານຄະນະກຳ ມະການປ້ອງກັນຊາດ-ປ້ອງຄວາມສະຫງົບແຂວງໄຊຍະບູລີ ພ້ອມດ້ວຍຄະນະ ໄດ້ລົງຢ້ຽມຢາມ ແລະ ພົບປະໂອ້ລົມ ນາຍ ແລະ ພົນທະຫານ ກອງພັນໃຫຍ່ 202 ທີ່ຂຶ້ນກັບກອງພົນ ທີ 2, ໃຫ້ການຕ້ອນຮັບໂດຍ ສະ ຫາຍ ພັນເອກ ຄຳດີ ໄຊຍະວົງ ຫົວໜ້າການທະຫານ ກອງພົນທີ2 ພ້ອມດ້ວຍຄະນະພັກ-ຄະນະບັນຊາ ແລະ ພະນັກງານຫຼັກແຫຼ່ງກອງພັນໃຫຍ່ 202 ເຂົ້າຮ່ວມ. ໂອກາດນີ້, ສະຫາຍ ພັນໂທ ສົມດີ ໄຊຍະລາດ ຫົວໜ້າການທະຫານ ກອງພັນໃຫຍ່ 202 ໄດ້ກ່າວຕ້ອນຮັບພ້ອມທັງລາຍງານສະພາບການເຄື່ອນໄຫວປະຕິບັດໜ້າທີ່ຂອງກົມກອງໃນໄລຍະຜ່ານມາ ເຊິ່ງໂດຍລວມແລ້ວແມ່ນຮັບປະກັນໃຫ້ທ້ອງຖິ່ນມີຄວາມສະຫງົບໂດຍພື້ນຖານ, ນອກນີ້ ຍັງໄດ້ນຳພາປັບປຸງກໍ່ສ້າງກົມ, ນຳພາສ້າງພະລາທິການກັບທີ່ ດ້ວຍການປູກ, ການລ້ຽງ. ປັດຈຸ ບັນທົ່ວກອງພັນ ມີສັດລ້ຽງປະ ເພດຄວາຍ 22 ໂຕ, ງົວ 237 ໂຕ, ແບ້ 108 ໂຕ, ໜອງປາ 35 ໜອງ, ມີສວນຜັກເຮືອນຮົ່ມ 25 ຫຼັງ, ເຊິ່ງສາມາດສະໜອງສະ ບຽງອາຫານເປັນຊີ້ນ, ປາ ແລະ ພືດຜັກຕ່າງຕ່າງໆທີ່ຜະລິດເອງໃຫ້ບັນດາກົມກອງໄດ້ 100% ແລະ ຂາຍໃຫ້ກັບແມ່ຄ້າທາງ ນອກເພື່ອສ້າງລາຍຮັບເຂົ້າກົມກອງຕື່ມອີກ. ໂອກາດດັ່ງກ່າວນີ້, ສະຫາຍ ພົງສະຫວັນ ສິດທະວົງ ໄດ້ໃຫ້ ກຽດໂອ້ລົມ, ເຊິ່ງສະຫາຍໄດ້ຍົກ ໃຫ້ເຫັນມູນເຊື້ອຂອງກອງທັບ ປະຊາຊົນລາວ ແລະ ສະແດງຄວາມຍ້ອງຍໍຊົມເຊີຍຕໍ່ຜົນສຳ ເລັດທີ່ກອງພັນໃຫຍ່ຍາດມາໄດ້ ພ້ອມທັງໄດ້ຮຽກຮ້ອງໃຫ້ຄະນະ ພັກ-ຄະນະບັນຊາແຕ່ລະຂັ້ນ ຈົ່ງເຊີດຊູສະຕິລະວັງຕົວ, ມີສະຕິໃນການປົກປັກຮັກສາແນວທາງນະໂຍບາຍຂອງພັກ-ລັດ, ປົກປັກ ຮັກສາໝາກຜົນຂອງການປະ ຕິວັດ, ປົກປັກຮັກສາອະທິປະໄຕກໍຄືລະບອບໃໝ່ ປະຊາທິປະໄຕປະຊາຊົນໄວ້ໃຫ້ໝັ້ນຄົງ; ສົມທົບແໜ້ນວຽກງານປ້ອງກັນຊາດ-ປ້ອງກັນຄວາມສະຫງົບກັບການສ້າງສາພັດທະນາເສດຖະກິດ-ສັງຄົມ, ຍົກສູງສະຕິເປັນເຈົ້າໃນການປົກປັກຮັກສາທ້ອງຖິ່ນ, ຕ້ານທຸກການເຄື່ອນໄຫວມ້າງເພທຳລາຍໃນຫຼາຍດ້ານ ຂອງບັນ ດາອິດທິກຳລັງປໍລະປັກ ແລະ ກຸ່ມຄົນບໍ່ດີຢ່າງທັນການ, ເພີ່ມທະວີການເຮັດວຽກງານກໍ່ສ້າງຮາກຖານການເມືອງ ຕິດພັນກັບການພັດທະນາຊົນນະບົດຮອບດ້ານ ແກ້ໄຂຄວາມທຸກຍາກຕາມທິດ 3 ສ້າງ; ປັບປຸງແບບແຜນວິທີເຮັດວຽກໃຫ້ມີລັກສະນະປະຕິວັດບຸກ, ມີວິທະຍາສາດ, ແທດຕົວຈິງ ແລະ ໂປ່ງໃສ, ມີການແບ່ງງານ, ມອບໝາຍຄວາມຮັບຜິດຊອບຢ່າງຈະແຈ້ງ, ສືບຕໍ່ປົກປັກຮັກສາ ແລະ ເສີມຂະຫຍາຍມູນເຊື້ອອັນດີງາມຂອງຕົນ, ຕ້ອງຕັ້ງໜ້າປັບ ປຸງກຳລັງໃນທຸກດ້ານໃຫ້ໜັກ ແໜ້ນ ເຂັ້ມແຂງ,ສຸມທຸກເງື່ອນໄຂ ຄວາມສາມາດ ເພື່ອກ້າວໄປເຖິງການກຸ້ມຕົນເອງຢ່າງຮອບດ້ານ, ໃຫ້ຖືເອົາວຽກງານຄຸ້ມຄອງ, ລ້ຽງທັບດ້ວຍການສ້າງພະລາ ທິການກັບທີ່ເປັນວຽກງານຕົ້ນ ຕໍ ແລະ ປະຕິບັດແນວທາງການ ຕ່າງປະເທດສັນຕິພາບ, ເອກະ ລາດ, ມິດຕະພາບ ແລະ ຮ່ວມມື ກັບປະເທດຕ່າງໆ. ໂອກາດທີ່ມາ ຢ້ຽມຢາມຄັ້ງນີ້ ສະຫາຍຍັງໄດ້ນຳເອົາເຄື່ອງອຸປະໂພກ-ບໍລິໂພກ, ເຄື່ອງໃຊ້ເຮືອນຄົວ ແລະ ອຸປະ ກອນກິລາມອບໃຫ້ກອງພັນ ໃຫຍ່ 202 ຕື່ມອີກ. ຂ່າວ: ອຸ່ນເຮືອນ ໂພທິລັກ

news to day and hot news