ຊຽງຂວາງ ເຈົ້າພາບ ປະສົບຜົນສຳເລັດເກີນຄາດ ໃນຊຽງຂວາງເກມ
ເວລາອອກຂ່າວ: 2022-12-30 09:36:32 | ຜູ້ຂຽນ : admin1 | ຈຳນວນຄົນເຂົ້າຊົມ: 69 | ຄວາມນິຍົມ:
ຈາກການຫ້າງຫາກະກຽມ ເກັບຕົວນັກກິລາເຝິກຊ້ອມ ມາແຕ່ຕົ້ນເດືອນ ຕຸລາ ເພື່ອກະກຽມແຂ່ງຂັນໃນງານມະຫະກຳກິລາແຫ່ງຊາດ ຄັ້ງທີ XI ຫຼື ຊຽງຂວາງເກມ 2022 ທີ່ແຂວງຊຽງຂວາງເປັນເຈົ້າພາບ ຄະນະຮັບຜິດຊອບແຕ່ລະສະຫະພັນກໍຄືຄູເຝິກ ແລະ ນັກກິລາ ແຕ່ລະປະເພດກໍ່ໄດ້ສຸມໃສ່ການເຝິກຊ້ອມຢ່າງຕັ້ງໜ້າ ຜ່ານການກະກຽມທິມ ແລະ ຫຼາຍປະເພດກິລາໄດ້ວາງເປົ້າໝາຍໃນການລົງແຂ່ງຂັນເພື່ອຊີງຫຼຽນລາງວັນ ມາເຖິງ ວັນທີ 24 ພະຈິກ ເປັນຕົ້ນມາການປະເດີມສະໜາມແຂ່ງຂັນໄດ້ເລີ່ມຕົ້ນ ແລະ ສາມາດສ້າງຂັວນກຳລັງໃຈໃຫ້ນັກກິລາຊຽງຂວາງເຈົ້າພາບ ທີ່ສາມາດຍາດໄດ້ຫຼຽນຄຳ ເຖິງ 8 ຫຼຽນຈາກກິລາລອຍນ້ຳ ແລະ ມາເຖິງວັນທີ່ 13 ທັນວາ 2022 ກໍ່ໄດ້ເປີດພິທີ ຢ່າງເປັນທາງການ ແລະ ມີພິທີປິດສາກ ການແຂ່ງຂັນລົງຢ່າງເປັນທາງການ ໃນວັນທີ 22 ທັນວາ 2022 ໂດຍໄດ້ຮັບຄວາມສົນໃຈ ຈາກພໍ່-ແມ່ປະຊາຊົນຊາວ ແຂວງຊຽງຂວາງ ແລະ ນັກທ່ອງ ທ່ຽວ ທັງພາຍໃນ ແລະ ຕ່າງ ປະເທດເຂົ້າຊົມເຂົ້າເຊຍຢ່າງຫຼວງຫຼາຍເຮັດໃຫ້ແຕ່ລະສະໜາມອັດແໜ້ນເຕັມສະໜາມຕະຫຼອດໄລຍະການແຂ່ງຂັນ. ສຳລັບການແຂ່ງຂັນກິລາແຫ່ງຊາດຄັ້ງນີ້ ໄດ້ມີ 4 ກະຊວງ, 1ນະຄອນຫຼວງ ແລະ 17 ແຂວງ ເຂົ້າຮ່ວມ ມີການແຂ່ງຂັນກິລາທັງໝົດ 25 ປະເພດ ມີການຊີງຫຼຽນທັງໝົດ 1.263 ຫຼຽນ, ມີຫຼຽນຄຳ 361 ຫຼຽນ, ຫຼຽນເງິນ 361 ຫຼຽນ ແລະ ຫຼຽນທອງ 541 ຫຼຽນ. ເຊິງມີຄູເຝິກ ແລະ ນັກກິລາເຂົ້າຮ່ວມທັງໝົດ 3093 ຄົນ ໂດຍກ່ອນການແຂ່ງຂັນ ແຂວງຊຽງຂວາງໄດ້ຕັ້ງເປົ້າໄວ້ ທີ່ອັນດັບ 4 ຫຼື ອັນດັບ 5 ຂອງຕາຕະລາງ ແຕ່ພໍແຂ່ງຂັນຕົວຈິງເປັນເວລາ 28 ວັນ, ແຕ່ວັນທີ 24 ພະຈິກຫາວັນທີ 21 ທັນວາ 2022 ທັບ ນັກ
ກິລາຊຽງແຂວງເຈົ້າພາບສ້າງຜົນງານໄດ້ຢ່າງໂດດເດັ່ນບໍ່ເຮັດໃຫ້ກອງເຊຍຜິດຫວັງ ມີຫຼາຍປະເພດກິລາ ທີ່ແຂວງຊຽງຂວາງເຮົາສ້າງຜົນງານດີເກີນຄາດ ຈົນເຮັດໃຫ້ສາມາດເປັນເຈົ້າຫຼຽນຄຳ ໃນງານມະຫະກຳກິລາແຫ່ງຊາດຄັ້ງນີ້ໄດ້ ດ້ວຍການຍາດຫຼຽນ ໄດ້ເຖິງ 217 ຫຼຽນ ໃນນັ້ນ, ມີ 62 ຫຼຽນຄຳ, 60 ຫຼຽນເງິນ ແລະ 95 ຫຼຽນທອງ ແລະ ໄດ້ຫຼຽນ ຫຼາຍສຸດແມ່ນຈາກກິລາລອຍນ້ຳ ແຂ່ງຂັນທີ່ ຫຼັກ 16 ນະຄອນ ຫຼວງ ວຽງຈັນ ເຖິງ 8 ຫຼຽນຄຳ,1 ຫຼຽນເງິນ ແລະ 6 ຫຼຽນທອງ, ໄດ້ຈາກກິລາກະຕໍ້ 6 ຫຼຽນຄຳ, 7 ຫຼຽນເງິນ ແລະ 1 ຫຼຽນທອງ, ເທຄວັນໂດ ໄດ້ 5 ຫຼຽນຄຳ, 4 ຫຼຽນເງິນ ແລະ 8 ຫຼຽນທອງ, ກິ ລາຢູໂດ ໄດ້ 4 ຫຼຽນຄຳ 6 ຫຼຽນ ເງິນ ແລະ 7 ຫຼຽນທອງ, ກິລາ ແລ່ນ-ລານ ໄດ້ 4 ຫຼຽນທອງ, 2 ຫຼຽນເງິນ ແລະ 12 ຫຼຽນທອງ, ກິລາປັນຈັກສິລັດ ໄດ້ 4 ຫຼຽນຄຳ, 2 ຫຼຽນເງິນ ແລະ 9 ຫຼຽນທອງ, ກິລາປິງປອງ ໄດ້ 4 ຫຼຽນຄຳ, 2 ຫຼຽນເງິນ ແລະ 4 ຫຼຽນທອງ, ກິລາຄາຣາເຕໂດ ໄດ້ 3 ຫຼຽນຄຳ, 4 ຫຼຽນ ເງິນ ແລະ 3 ຫຼຽນທອງ, ມວຍ ປ້ຳ ໄດ້ 3 ຫຼຽນຄຳ, 2 ຫຼຽນເງິນ ແລະ 5 ຫຼຽນທອງ, ກິລາລົດຖີບ ໄດ້ 3 ຫຼຽນຄຳ, 2 ຫຼຽນເງິນ ແລະ 2 ຫຼຽນທອງ, ກິລາໜ້າເກັກ ໄດ້ 3 ຫຼຽນຄຳ, 1 ຫຼຽນເງິນ
ແລະ 4 ຫຼຽນທອງ, ກິລາວູຊູ ໄດ້ 2 ຫຼຽນຄຳ, 4 ຫຼຽນເງິນ ແລະ 7 ຫຼຽນທອງ,ກິລາຍິງທະນູ ໄດ້ 2ຫຼຽນຄຳ ແລະ 4 ຫຼຽນເງິນ, ກິລາມວຍລາວ ໄດ້ 2 ຫຼຽນຄຳ 3ຫຼຽນເງິນ 4 ຫຼຽນທອງ, ກິລາ ຍິງປືນໄດ້ 2 ຫຼຽນຄຳ, 1 ຫຼຽນເງິນ ແລະ 7 ຫຼຽນທອງ, ໝາກຂ່າງ ໄດ້ 1 ຫຼຽນຄຳ, 6 ຫຼຽນເງິນ ແລະ 1 ຫຼຽນທອງ, ກິ ລາໝາກແລ້ ໄດ້ 1 ຫຼຽນຄຳ, 3 ຫຼຽນເງິນ ແລະ 1 ຫຼຽນທອງ, ກິລາໝາກເສິກໄດ້ 1 ຫຼຽນຄຳ, 2ຫຼຽນເງິນ ແລະ 1 ຫຼຽນທອງ, ກິລາມວຍສາກົນ ໄດ້ 1 ຫຼຽນຄຳ,
1 ຫຼຽນເງິນ ແລະ 5 ຫຼຽນທອງ, ກິລາກ໊ອຟ 1 ຫຼຽນຄຳ ແລະ 1 ຫຼຽນເງິນ, ກິລາບານສົ່ງ ໄດ້ 1 ຫຼຽນຄຳ ແລະ 1 ຫຼຽນທອງ, ກິລາບານບ້ວງ ໄດ້ 1 ຫຼຽນຄຳ, ກິລາ ເທັນນິສ ໄດ້ 1 ຫຼຽນເງິນ ແລະ 3 ຫຼຽນທອງ, ກິລາບານເຕະ ໄດ້ 1 ຫຼຽນເງິນ, ກິລາເປຕັງ ໄດ້ 2 ຫຼຽນທອງ ແລະ ດອກປີກໄກ່ ໄດ້ 1 ຫຼຽນທອງ. ການຍາດໄດ້ຫຼຽນຈາກການແຂ່ງຂັນກິລາຕ່າງໆ ທັງ 25 ປະເພດ ເຮັດໃຫ້ແຂວງຊຽງຂວາງ ກາຍເປັນເຈົ້າຫຼຽນຄຳ ແລະ ເປັນອັນດັບ 1 ໃນຕາຕະລາງການແຂ່ງຂັນກິລາແຫ່ງຊາດ ຄັ້ງທີ XI ຫຼື ຊຽງຂວາງເກມ 2022 ເຊິ່ງໄດ້ກາຍເປັນປະຫວັດສາດໜ້າໃໝ່ໃນວົງການກິລາລາວ ເຮັດໃຫ້ຊາວຊຽງຂວາງມີຄວາມພາກພູມໃຈເປັນຢ່າງຫຍິງຕໍ່ຜົນງານຂອງຄະນະນຳ, ຄູເຝິກ ແລະ ນັກກິລາທີ່ສາມາດບັນລຸເກີນເປົ້າໝາຍທີ່ຕັ້ງໄວ້. ຜົນງານດັ່ງກ່າວໄດ້ກ້າວກະໂດດຢ່າງບໍ່ໜ້າເຊື່ອເມື່ອທຽບກັບງານມະຫະ
ກຳກິລາແຫ່ງຊາດ ຄັ້ງທີ X ທີ່ ແຂວງອຸດົມໄຊເປັນເຈົ້າພາບ ໃນຄັ້ງຜ່ານມາ ເຊິ່ງແຂວງຊຽງ ຂວາງສາມາດຍາດ ໄດ້ພຽງ 48 ຫຼຽນຄື: 9 ຫຼຽນຄຳ, 17 ຫຼຽນເງິນ ແລະ 22 ຫຼຽນທອງ ເປັນອັນດັບທີ 10 ຂອງຕາຕະລາງ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ