ສະກາໂລນີ ຄູເຝິກທີມຊາດອາກຊັງຕິນ ຕົກລົງຕໍ່ສັນຍາຄຸມທີມເຖິງ ປີ 2026
ເວລາອອກຂ່າວ: 2022-09-30 09:52:22 | ຜູ້ຂຽນ : admin3 | ຈຳນວນຄົນເຂົ້າຊົມ: 190 | ຄວາມນິຍົມ:
ລີໂອເນວ ສະກາໂລນີ ຄູເຝິກໜຸ່ມໄຟແຮງ ອາຍຸ 44 ປີ ຕົກລົງຕໍ່ສັນຍາຄຸມະໄໄທີມຊາດ ອາກຊັງຕິນ ຈົນໄປເຖິງ ປີ 2026 ຈາກການຢືນຢັນຂອງ ເຄົາດີໂອ ຕາເປຍ ປະທານສະມາຄົມບານເຕະອາກຊັງຕິນ, ສະກາໂລນີ ກຳລັງພາທີມຟ້າຂາວອາກຊັງຕິນຟອມດີຕໍ່ເນື່ອງ ສ້າງສະຖິຕິບໍ່ເສຍ 35 ນັດຕິດຕໍ່ກັນ ທຽບເທົ່າກັບສະຖິຕິຂອງທີມຊາດແອັດສະປາຍ ແລະ ທີມຊາດເບຣຊິນ ແຕ່ຍັງເປັນຮອງສະຖິຕິສູງສຸດຂອງ ທີມຊາດອີຕາລີ ທີ່ສ້າງໄວ້ 37 ນັດ.
ສະກາໂລນີ ອະດີດປີກທີມຊາດອາກຊັງຕິນ ເຂົ້າມາຄຸມທີມຟ້າຂາວ ໃນປີ 2018 ແທນ ຈໍຣເກ ຊາມເປົາລີ ພາທີມຄອງແຊັມ ໂຄປ້າ ອາເມຣິກາ ຄັ້ງທຳອິດໃນຮອບ 34 ປີ ແລະ ໄດ້ແຊັມ Finalissima 2022 ລວມແລ້ວຄຸມທີມທັງໝົດ 49 ນັດ ຊະນະ 33 ສະເໝີ 12 ເສຍ 4 ນັດ, ຍິງ 96 ປະຕູ ເສຍ 26 ປະຕູ ສະເລ່ຍໂອກາດຊະນະຕໍ່ນັດ 67.35%. ອາກຊັງຕິນ ຖືກຍົກເປັນໜຶ່ງໃນທີມເຕັງແຊັມ ບານໂລກ 2022 ທີ່ກາຕ້າ ໂດຍຢູ່ກຸ່ມ C ຮ່ວມກັບ ທີມຊາດເມັກຊິກ, ໂປໂລຍ ແລະ ອາຣາບີ ຊາອຸດິ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ