ກອງທັບປະຊາຊົນລາວ

ວັນເສົາ, ວັນທີ 10 ທັນວາ 2022



ປະກາດ​ການ​ເລື່ອນ​ຊັ້ນ​ນາຍ​ທະຫານ​ຂັ້ນ​ສູງ ແລະ ແຕ່ງຕັ້ງນາຍທະຫານຮັບໜ້າທີ່ໃໝ່ ຢູ່ກະຊວງປ້ອງກັນປະເທດ
ເວລາອອກຂ່າວ: 2022-09-28 09:00:25 | ຜູ້ຂຽນ : admin3 | ຈຳນວນຄົນເຂົ້າຊົມ: 23 | ຄວາມນິຍົມ:



ວັນ​ທີ 27 ກັນຍາ 2022 ນີ້, ກະຊວງ​ປ້ອງ​ກັນ​ປະເທດ​ໄດ້​ຈັດ​ພິທີ​ປະກາດ​ການ​ເລື່ອນ​ຊັ້ນ​ນາຍ​ທະຫານ​ຂັ້ນ​ສູງ, ການ​ສ້າງຕັ້ງ​ໂຮງຮຽນ​ວັດທະນະທຳ​ຊົນເຜົ່າ​ກອງທັບ ແລະ ແຕ່ງຕັ້ງ​ນາຍ​ທະຫານ​ຮັບ​ໜ້າທີ່​ໃໝ່​ຢູ່​ກະຊວງ​ປ້ອງ​ກັນ​ປະເທດ, ໂດຍ​ການ​ເປັນ​ປະທານ​ຂອງ​ສະຫາຍ ພົນ​ເອກ ຈັນ​ສະໝອນ ຈັນ​ຍາ​ລາດ ກຳມະ ການ​ກົມ​ການເມືອງ​ສູນ​ກາງ​ພັກ, ຮອງ​ນາຍົກລັດຖະມົນຕີ, ລັດຖະ ມົນຕີ​ກະຊວງ​ປ້ອງ​ກັນ​ປະເທດ, ມີ​ບັນດາ​ສະຫາຍ​ຄະນະ​ນຳ​ກະ ຊວງ, ຄະນະ​ນຳ​ບັນດາ​ກົມ​ໃຫຍ່, ຫ້ອງ​ວ່າການ​ກະຊວງ, ຄະນະ​ພັກ-ຄະນະ​ບັນຊາ​ອົງການ, ກົມ-ກອງ​ອ້ອມ​ຂ້າງ​ກະຊວງ, ບັນດາ​ນາຍ​ທະຫານ​ຂັ້ນ​ສູງ​ຜູ້​ທີ່​ໄດ້​ຮັບ​ການ​ເລື່ອນ​ຊັ້ນ​ໃໝ່ ແລະ ຖືກ​ແຕ່ງຕັ້ງ​ໜ້າທີ່​ໃໝ່​ເຂົ້າ​ຮ່ວມ. ສະຫາຍ ພົນ​ຕີ ວໍລະ​ສານ ວິລັດ​ດາ​ວົງ ກຳມະການ​ຄະນະ​ ປະຈຳ​ພັກ​ກະຊວງ​ປ້ອງ​ກັນ​ປະ ເທດ ຮອງ​ຫົວໜ້າ​ກົມ​ໃຫຍ່​ການ ເມືອງ​ກອງທັບ ໄດ້​ຂຶ້ນ​ຜ່ານລັດ ຖະ​ດຳລັດ​ຂອງ​ປະທານ​ປະເທດ ວ່າ​ດ້ວຍ​ການ​ເລື່ອນ​ຊັ້ນ​ພົນ​ຕີ​ ຂຶ້ນ ​ຊັ້ນ​ພົນ​ໂທ, ເລື່ອນ​ຊັ້ນ​ພົນ​ຈັດຕະ ວາ​ຂຶ້ນ​ຊັ້ນ​ພົນ​ຕີ, ດຳລັດ​ຂອງ​ນາ ຍົກລັດຖະມົນຕີ ວ່າ​ດ້ວຍ ​ການ​ເລື່ອນ​ຊັ້ນ​ພັນ​ໂທ​ຂຶ້ນ​ຊັ້ນ​ພັນ​ເອກ, ດຳລັດ​ວ່າ​ດ້ວຍ​ການ​ແຕ່ງຕັ້ງ​ຮອງ​ຫົວໜ້າ​ກົມ​ໃຫຍ່​ພະລາທິການ​ກອງທັບ ແລະ ມະຕິ​ຕົກລົງ​ຂອງ ຄະນະ​ພັກ​ກະຊວງ​ປ້ອງ​ກັນ​ປະ ເທດ ວ່າ​ດ້ວຍ​ການ​ບົ່ງ​ຕົວ​ແຕ່ງຕັ້ງ​ຮອງ​ປະທານ​ກວດກາ​ພັກ​ກະຊວງ​ ປ້ອງ​ກັນ​ປະເທດ. ໃນ​ນີ້, ໄດ້​ຕົກ ລົງ​ເລື່ອນ​ຊັ້ນ ສະຫາຍ ພົນ​ຕີ ຄຳ ລຽງ ອຸ​ທະ​ໄກສອນ ຮອງ​ລັດຖະ ມົນຕີ​ກະຊວງ​ປ້ອງ​ກັນ​ປະເທດ, ຫົວໜ້າ​ກົມ​ໃຫຍ່​ເສນາ​ທິ​ການ​ກອງທັບ ຂຶ້ນ​ ຊັ້ນ​ພົນ​ໂທ, ເລື່ອນ​ຊັ້ນ ສະຫາຍ ພົນ​ຈັດຕະວາ ສາຍ ໃຈ ກົມ​ມະ​ສິດ ຫົວໜ້າ​ຫ້ອງ​ວ່າ ການ​ກະຊວງ​ປ້ອງ​ກັນ​ປະເທດ ແລະ ສະຫາຍ ພົນ​ຈັດຕະວາ ພັນ ແສງ ບຸນ​ພັນ ຮອງ​ຫົວໜ້າ​ກົມ​ໃຫຍ່​ເສນາ​ທິ​ການ​ກອງທັບ​ຂຶ້ນ​ຊັ້ນ​ພົນ​ຕີ, ເລື່ອນ​ຊັ້ນ ສະຫາຍ ພັນ​ໂທ ວິພາ​ໄຊ ຈັນທະ​ມາດ ທີ່​ປຶກ​ສາ​ທູດ​ປ້ອງ​ກັນຊາ​ດລາວ ປະຈຳ ​ສສ ມຽນ​ມາ, ສະຫາຍ ພັນ​ໂທ ໄຊ​ມະນີ ອິນ​ທະ​ວົງ ທີ່​ປຶກ​ສາ​ທູດ​ປ້ອງ​ກັນຊາ​ດລາວ ປະຈຳ ​ສປ ຈີນ ແລະ ສະຫາຍ ພັນ​ໂທ ສຸ​ລິ​ວັນ ອິນ​ທະ​ວອນ ທີ່​ປຶກ​ສາ​ທູດ​ປ້ອງ​ກັນຊາ​ດລາວ ປະຈຳ ສ ເກົ່າ​ຫຼີ ຂຶ້ນ​ ຊັ້ນ​ພັນ​ເອກ, ແຕ່ງຕັ້ງ ສະ ຫາຍ ພົນ​ຈັດຕະວາ ວົງ​ສັກ ສີ​ພັນ​ດອນ ເປັນ​ຮອງ​ຫົວໜ້າ​ກົມ​ໃຫຍ່​ພະລາທິການ​ກອງທັບ, ບົ່ງ​ຕົວ​ແຕ່ງຕັ້ງ ສະຫາຍ ພົນ​ຈັດຕະວາ ສຸລິນ​ພອນ ຄຳ​ພະຈັນ ຫົວໜ້າ​ກົມ​ກວດກາ​ກະຊວງ​ປ້ອງ​ກັນ​ປະເທດ ເປັນ​ຮອງ​ປະທານ​ກວດກາ​ພັກ​ກະຊວງ​ປ້ອງ​ກັນ​ປະເທດ ( ປ່ຽນ​ແທນ ສະຫາຍ ພັນ​ເອກ ບຸດ​ສະ​ດີ ອິນ​ທະລັງ​ສີ ຍົກຍ້າຍ​ໄປ​ຮັບ​ໜ້າ ທີ່​ໃໝ່ ). ພ້ອມ​ນັ້ນ, ຍັງ​ໄດ້​ຜ່ານ​ຂໍ້​ຕົກລົງ​ຂອງ​ກະຊວງ​ປ້ອງ​ກັນ​ປະເທດ ວ່າ​ດ້ວຍ​ ການ​ສ້າງຕັ້ງ​ໂຮງຮຽນ​ວັດທະນະທຳ​ຊົນເຜົ່າ​ກອງທັບ ( ທຽບ​ເທົ່າ​ກອງ​ພົນ ) ແລະ ຂໍ້​ຕົກລົງ ວ່າ​ດ້ວຍ​ ການ​ແຕ່ງຕັ້ງ​ຄະນະ​ອຳນວຍ​ການ ແລະ ຄະນະ​ຫ້ອງ​ຂອງ​ໂຮງຮຽນ​ວັດ ທະນະທຳ​ຊົນເຜົ່າ​ກອງທັບ. ໃນ​ນີ້, ກະຊວງ​ປ້ອງ​ກັນ​ປະເທດ ຕົກລົງ​ແຕ່ງຕັ້ງ ສະຫາຍ ພັນ​ເອກ ເພັດ​ສະໝອນ ວິລະ​ວອນ ເປັນ​ຫົວໜ້າ​ການ​ທະຫານ, ສະຫາຍ ​ພັນ​ເອກ ​ປອ ສະແຫວງ ແດນ​ນາ​ມົນ ເປັນ​ຫົວໜ້າ​ການເມືອງ, ສະຫາຍ​ພັນ​ເອກ ນາງ ຄຳ​ມີ ບົດ​ນາລີ ເປັນ ​ຮອງ​ຫົວໜ້າ​ການເມືອງ ທັງ​ເປັນ ​ຫົວໜ້າ​ຫ້ອງ​ການເມືອງ, ສະຫາຍ​ພັນ​ໂທ ສັງ​ທອງ ສຸກ​ສີ​ສະຫວາດ ເປັນ​ຮອງ​ຫົວໜ້າ​ການ​ທະຫານ ທັງ​ເປັນ​ຫົວໜ້າ​ຫ້ອງການ​ສຶກ​ສາ, ສະຫາຍ​ ພັນ​ເອກ ວັນ​ໄຊ ວົງ​ປັນຍາ ເປັນ​ຮອງ​ອຳນວຍ​ການ ຮັບຜິດຊອບ​ວຽກ​ງານ​ພະລາທິ ການ-ເຕັກນິກ ທັງ​ເປັນ​ຫົວໜ້າ​ຫ້ອງ​ພະລາທິການ-ເຕັກນິກ. ນອກ​ນັ້ນ, ຍັງ​ແຕ່ງຕັ້ງ​ຫົວໜ້າ​ຫ້ອງການ-ບໍລິຫານ ແລະ ບັນດາ​ຮອງ​ຫ້ອງ​ອີກ​ຈຳນວນ​ໜຶ່ງ. ໂອກາດ​ນີ້, ສະຫາຍ ພົນ​ເອກ ຈັນ​ສະໝອນ ຈັນ​ຍາ​ລາດ ກໍ​ໄດ້​ມີ​ຄຳ​ເຫັນ​ໂອ້​ລົມ​ຫຼາຍ​ບັນຫາ​ທີ່​ສຳຄັນ ພ້ອມ​ທັງ​ເນັ້ນ​ໃຫ້​ບັນດາ​ສະຫາຍ​ທີ່​ໄດ້​ຮັບ​ການ​ເລື່ອນ​ຊັ້ນ ແລະ ຮັບ​ໜ້າທີ່​ໃໝ່ ຈົ່ງ​ພ້ອມ​ກັນ​ຕັ້ງໜ້າ​ຄົ້ນ​ຄວ້​​າ​ທິດ​ສະ​ດີ​ມາກ-ເລ​ນິນ, ແນວທາງ​ນະໂຍບາຍ​ຂອງ​ພັກ ເປັນຕົ້ນ​ເນື້ອ​ໃນ​ຈິດໃຈ​ມະຕິ​ກອງ​ປະຊຸມ​ໃຫຍ່ ຄັ້ງ​ທີ XI ຂອງ​ພັກ ກໍຄື​ ມະຕິ​ກອງ​ປະຊຸມ​ໃຫຍ່ ຄັ້ງ​ທີ V ຂອງ​ອົງຄະ​ນະ​ພັກ​ກະຊວງ​ປ້ອງ​ກັນ​ປະເທດ ໂດຍ​ປິ່ນ​ອ້ອມ 4 ໜ້າທີ່​ໃຫຍ່ 26 ແຜນ​ງານ ທີ່​ຄະນະ​ພັກ​ກະຊວງ​ປ້ອງ​ກັນ​ປະເທດ​ວາງ​ອອກ ໃຫ້​ເປັນ​ແຜນ​ວຽກ​ອັນ​ລະອຽດ ໃນ​ຂອບ​ເຂດ​ຄວາມ​ຮັບຜິດຊອບ​ຂອງ​ຕົນ ແລະ ນຳພາ​ຈັດ​ຕັ້ງ​ປະຕິບັດ​ໃຫ້​ເກີດ​ໝາກຜົນ​ຕົວ​ຈິງ,ຮັກສາ​ຄວາມ​ສາມັກຄີ​ພາຍ​ໃນ​ເປັນ​ປຶກ​ແຜ່ນ, ປະຕິບັດ​ແບບແຜນ​ວິທີ​ເຮັດ​ວຽກ​ຕາມ​ຫຼັກ ການ​ລວມ​ສູນ​ປະຊາທິປະໄຕ, ນຳພາ​ເປັນ​ໝູ່​ຄະນະ, ມອບ​ໃຫ້​ບຸກຄົນ​ຮັບ ຜິດຊອບ​ຢ່າງ​ຈະແຈ້ງ, ຈິງ​ໃຈ​ຊ່ວຍເຫຼືອ ແລະ ຖອດ​ຖອນ​ບົດ ຮຽນ​ເຊິ່ງ​ກັນ ແລະ ກັນ, ຕ້ານ​ທັດສະນະ​ແນວ​ຄິດ​ໃນ​ຕົວ ຫຼື ໂຍນ​ຄວາມ​ຮັບຜິດຊອບ​ໃຫ້​ກັນ, ຕັ້ງໜ້າ​ເຝິກ​ຝົນ​ຫຼໍ່​ຫຼອມ​ຕົນ​ເອງທາງ​ດ້ານ​ຄຸນສົມບັດ​ສິນ​ທຳ​ປະ ຕິວັດ, ອຸທິດ​ຄວາມ​ຮູ້, ສະຕິປັນຍາ ແລະ ຄວາມ​ຮູ້​ຄວາມ​ສາມາດ​ຂອງ​ຕົນ ຮັບ​ໃຊ້​ປະເທດ​ຊາດ, ຍົກ​ສູງ​ຄວາມ​ຮັບຜິດຊອບ​ການເມືອງ ຕໍ່ໜ້າ​ທີ່​ວຽກ​ງານ​ທີ່​ໄດ້​ຮັບມອບ ​ໝາຍ, ເຮັດ​ໃຫ້​ວຽກ​ງານ​ທີ່​ຕົນ​ ຮັບຜິດຊອບ​ມີ​ຄວາມ​ເດັ່ນ​ຊັດ​ຂຶ້ນ ​ຢ່າງ​ຈະແຈ້ງ, ເສີມ​ຂະຫຍາຍ​ມູນເຊື້ອ​ອັນ​ດີງາມ​ຂອງ​ກົມ​ກອງ​ ໃຫ້​ດີ ໄປ​ຄວບ​ຄູ່​ກັບ​ການ​ເອົາໃຈ ໃສ່​ດຳເນີນ​ຊີວິດ​ການເມືອງ​ແຕ່​ ລະ​ໄລຍະ​ເປັນ​ປົກກະຕິ, ຖື​ເອົາ​ການ​ຕຳ​ນິຕິ​ຊົມ​ກໍ່ສ້າງ​ເຊິ່ງ​ກັນ ແລະ ກັນ ດ້ວຍ​ຄວາມ​ຈິງ​ໃຈ, ຕຳ​ນິ​ກັນ​ເພື່ອ​ຄວາມ​ເປັນ​ເອກະ​ພາບ​ທາງ​ດ້ານ​ແນວ​ຄິດ ແລະ ການ​ກະທຳ, ສ້າງ​ແບບແຜນ​ດຳລົງ​ຊີ ວິດ​ທີ່​ປອດ​ໃສ​ຂາວ​ສະອາດ, ເຄື່ອນ​ໄຫວ​ໃກ້​ຊິດ​ຕິດ​ແທດ​ກັບ​ມະຫາຊົນ​ ແລະ ການຈັດຕັ້ງ​ກົມກອງ​ຂອງ​ຕົນ​ຢູ່​ສະເໝີ, ເອົາໃຈໃສ່​ກໍ່ສ້າງ​ພັກ, ກໍ່ສ້າງ​ພະນັກງານ​ໃຫ້​ຖືກ​ກັບ​ທິດ​ນຳ ແລະ ຫຼັກການ​ຂອງ​ພັກ, ກໍ່ສ້າງ​ກອງ​ປອດ​ໃສ, ປອດ​ໄພ, ປອດ​ຄະດີຕິດ​ພັນກັບ ການ​ສ້າງ​ໜ່ວຍ​ພັກ ​ປອດ​ໃສ ເຂັ້ມແຂງ ໜັກ​ແໜ້ນ ​ໃຫ້​ບັນລຸ​ຄາດໝາຍ​ທີ່​ຄະນະ​ພັກ​ກະຊວງ​ວາງ​ອອກ ພ້ອມ​ກັນ​ນຳພາ​ກອງ ທັບ​ໃຫ້​ນັບ​ມື້​ເຕີບ​ໃຫຍ່​ເຂັ້ມແຂງ ​ມີ​ແບບແຜນ​ແລະ​ທັນ​ສະໄໝ. ໂດຍ: ເພັດ​ ສົມ​ນໍ​ວັນ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ