ກອງທັບປະຊາຊົນລາວ

ວັນເສົາ, ວັນທີ 10 ທັນວາ 2022



ຮອງ​ຫົວໜ້າ​ກົມ​ໃຫຍ່​ເສນາ​ທິ​ການ​ກອງທັບ​ ໂອ້​ລົມ​ພະນັກງານ​ຫຼັກ​ແຫຼ່ງ​ໂຮງຮຽນ​ກໍ່ສ້າງ​ນາຍ​ສິບ ​ເລກ 1
ເວລາອອກຂ່າວ: 2022-09-28 08:58:32 | ຜູ້ຂຽນ : admin3 | ຈຳນວນຄົນເຂົ້າຊົມ: 61 | ຄວາມນິຍົມ:



ຫວ່າງ​ບໍ່​ດົນ​ນີ້, ສະຫາຍພົນ​ຈັດ ຕະວາ ວັນ​ທອງ ບຸດ​ຕະ​ວົງ ກຳມະ ການ​ຄະນະ​ພັກ​ ກະຊວງ​ປ້ອງ​ກັນ​ປະເທດ, ຮອງ​ຫົວໜ້າ​ກົມ​ໃຫຍ່​ເສນາ​ທິ​ການ​ກອງທັບ​ໄດ້​ໂອ້​ລົມ​ພະນັກງານ​ຫຼັກ​ແຫຼ່ງ​ໂຮງຮຽນ​ກໍ່ສ້າງ​ນາຍ​ສິບ​ເລກ 1, ໃຫ້​ກຽດ​ເຂົ້າ​ຮ່ວມ​ມີ​ສະຫາຍ ພົນ​ຈັດຕະວາ ສີ​ລາ​ວົງ ບຸນ​ມີ​ໄຊ ຫົວໜ້າ​ການ ເມືອງ​ໂຮງຮຽນ​ກໍ່ສ້າງ​ນາຍ​ສິບ​ເລກ 1 , ມີ​ຄະນະ​ພັກ-ຄະນະ​ອຳ ນວຍ​ການ, ອົງການ 5 ຫ້ອງ,4 ກອງພັນ​ເຂົ້າ​ຮ່ວມ. ໂອກາດ​ນີ້, ສະຫາຍ ຮອງ ​ຫົວໜ້າ​ກົມ​ໃຫຍ່​ເສນາ​ທິ​ການ​ ກອງທັບ ກໍໄດ້​ຍົກ​ໃຫ້​ເຫັນ​ຫຼາຍ ​ບັນຫາ​ທີ​ສຳຄັນ​ໃນ​ການ​ປັບປຸງ​ ກໍ່ສ້າງ​ກອງທັບ​ເຮົາ​ໃຫ້​ນັບ​ມື້​ ເຕີບ​ໃຫຍ່​ເຂັ້ມແຂງ, ພ້ອມ​ທັງ ​ເນັ້ນ​ໃຫ້​ພະນັກງານ​ຫຼັກ​ແຫຼ່ງ ​ຕ້ອງ​ໄດ້​ເພີ່ມ​ທະວີ​ຄວາມ​ສາມັກ ຄີ​ພາຍ​ໃນ​ເປັນ​ປຶກ​ແຜ່ນ​ແໜ້ນ ໜາ, ຖື​ເອົາ​ວຽກ​ງານ​ສຶກ​ສາອົບ ຮົມ​ການເມືອງ-ນຳພາ​ແນວ​ຄິດ​ເປັນ​ກົກ​ໃຫ້​ພະນັກງານ-ນັກ ຮົບ ມີ​ຄຸນ​ທາດ​ການເມືອງ​ໜັກ ​ແໜ້ນ, ມີ​ຄຸນສົມບັດ​ສິນ​ທຳ​ປະ ຕິວັດ, ປັບປຸງ​ກໍ່ສ້າງ​ກົມ​ກອງ​ໃຫ້​ມີ​ຄວາມ​ເຂັ້ມແຂງ, ມີ​ລະບຽບ​ແບບແຜນ, ນຳພາ-ບັນຊາ​ດີເດັ່ນ​ໃນ​ການ​ເປັນ​ເບົ້າ​ລໍ່​ກໍ່ສ້າງ​ນາຍ​ທະຫານ​ສືບ​ທອດ​ປ່ຽນ​ແທນ​ໃນ​ແຕ່​ລະ​ຊຸດ​ຮຽນ​ໃຫ້​ມີ​ຄຸນ​ນະ​ພາບ​ສູງ. ພ້ອມ​ນັ້ນ​ກໍ​ຕ້ອງ​ໄດ້​ເອົາໃຈ ໃສ່​ປົກ​ປັກ​ຮັກສາບົວລະບັດ​ພັດ​ເຊັດ​ວັດຖຸ​ເຄື່ອງ​ຂອງ​ພາຫະນະ​ເຕັກນິກ, ອາວຸດ​ຍຸດ​ໂທ​ປະກອນ​ຕ່າງໆ​ຂອງ​ກົມ​ກອງ​ໃຫ້​ນຳ​ໃຊ້​ໄດ້​ຍາວ​ນານ​ ແລະ​ ຮັບປະກັນໃນ​ການ​ອົບຮົມ-ຫັດ​ແອບ,ໄປ​ຄຽງ​ຄູ່​ກັນ​ນັ້ນ​ຕ້ອງສຸມ​ໃສ່​ຫັນ​ລົງ​ກໍ່ສ້າງ​ຮາກ​ຖານ​ການເມືອງ​ປະສານ​ສົມ ທົບກັບ​ອຳນາດການ​ປົກຄອງ​ທ້ອງຖິ່ນ ເພື່ອ​ເກັບ​ກຳ​ສະພາບ​ເຮັດ​ໃຫ້​ຂອບ​ເຂດ​ກົມ​ກອງ​ຕັ້ງ​ ທັບ​ມີ​ຄວາມ​ສະຫງົບ​ໂດຍພື້ນ ຖານ, ພ້ອມ​ນັ້ນ​ກໍ​ຍົກ​ສູງ​ນ້ຳໃຈ ເພິ່ງ​ຕົນ​ເອງ ກຸ້ມ​ຕົນ​ເອງ ແລະ ສ້າງ​ຄວາມ​ເຂັ້ມແຂງ​ດ້ວຍ​ຕົນ​ເອງ ສ້າງ​ພະລາທິການ​ກັບ​ທີ​່ຕາມ​ເງື່ອນໄຂ​ທ່າແຮງ​ບົ່ມ​ຊ້ອນ​ຂອງ​ຕົນ​ເພື່ອ​ຮັບປະກັນ​ເຮັດ​ໃຫ້​ຊີວິດ​ການ​ເປັນ​ຢູ່​ຂອງ​ພະນັກງານ-ນັກຮົບ ແລະ​ ນັກຮຽນ​ໄດ້​ກິນ​ເຂົ້າ​ໃນ​ມື້​ໜຶ່ງ 3 ຄາບ​ອາຫານ 3-4 ເຍື່ອງ​ຕາມ​ທີ່​ຂັ້ນ​ເທິງ​ໄດ້​ກຳ ນົດ​ໄວ້. ໂດຍ: ນ້ອຍ​ຈັນ​ໄພ ແກ້ວ​ວັນ​ເຮືອງ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ