ກອງທັບປະຊາຊົນລາວ

ວັນເສົາ, ວັນທີ 10 ທັນວາ 2022



ທະຫານ​ນະຄອນຫຼວງ​ວຽງ​ຈັນ ປຶກສາ​ຫາລື​ການ​ກະກຽມ​ວຽກ​ງານ ​ຂຸດ​ຄົ້ນ​ອັດຖິ​ຂອງ​ທະຫານ​ອາສາ​ສະໝັກ ​ແລະ ​ຊ່ຽວຊານຫວຽດນາມ
ເວລາອອກຂ່າວ: 2022-09-28 08:56:47 | ຜູ້ຂຽນ : admin3 | ຈຳນວນຄົນເຂົ້າຊົມ: 104 | ຄວາມນິຍົມ:



ວັນ​ທີ 23 ກັນຍາ 2022 ນີ້,ກອງ​ບັນຊາ​ການ​ ທະຫານນະຄອນຫຼວງ​ວຽງ​ຈັນ ໄດ້​ເປີດ​ກອງ​ປະຊຸມ​ປຶກສາ​ຫາລືໃນ​ການ​ກະກຽມວຽກ​ງານ​ຂຸດ​ຄົ້ນ​ອັດຖິຂອງທະຫານ​ອາສາ​ສະໝັກ ແລະ ຊ່ຽວຊານ​ຫວຽດນາມ ທີ່​ເສຍສະຫຼະ​ຊີວິດແຕ່​ປາງ​ສົງຄາມ​ ຢູ່​ນະຄອນ ຫຼວງ​ວຽງ​ຈັນ, ໂດຍ​ການ​ເປັນ​ປະທານ​ຂອງ​ ສະຫາຍ ພົນ​ຈັດຕະວາ ໄພ​ວັນ ຈັນທະ​ພົມມາ ຫົວໜ້າ​ການເມືອງ​ ທະຫານ​ນະຄອນ​ວຽງ ​ຈັນ, ຮອງ​ຫົວໜ້າ​ຄະນະ​ປະຕິບັດ​ງານ​ພິເສດ​ນະຄອນຫຼວງ​ວຽງ​ຈັນ, ມີ​ຄະນະ​ພັກ-ຄະນະ​ບັນຊາ,ພະແນກການ, ພະນັກງານວິຊາ​ການ​ທີ່​ກ່ຽວຂ້ອງ​ເຂົ້າ​ຮ່ວມ. ສະຫາຍ ພັນ​ຕີ ສຸລິຍົງ ເສັງ​ສີ​ຍາ ຮອງ​ຫົວໜ້າ​ພະ​ແນກ​ນະ ໂຍບາຍຫ້ອງ​ການເມືອງ ​ທະຫານ​ນະຄອນຫຼວງ​ວຽງ​ຈັນ ໄດ້​ຂຶ້ນ​ຜ່ານ​ບົດ​ສະຫຼຸບ​ການຈັດຕັ້ງ​ປະຕິ ບັດ​ການ​ຊອກ​ຫາ ແລະ ຂຸດ​ຄົ້ນ​ອັດຖິ ໃນ​ສົກ​ປີ 2021-2022 ຜ່ານ​ມາສາ​ມາ​ດຂຸດ​ຄົ້ນ​ອັດຖິ​ໄດ້ 2 ອັດຖິ ແລະ ໄດ້​ຈັດ​ສົ່ງ​ກັບ​ຄືນ​ປະເທດ​ຢ່າງ​ສົມ​ກຽດ. ຈາກ​ການ​ປະຕິບັດ​ຜ່ານ​ມາເຫັນ​ວ່າພົບ​ທັງ​ຂໍ້​ສະດວກ ແລະ ຂໍ້​ຫຍຸ້ງຍາກ​ຫຼາຍ​ດ້ານ ເປັນຕົ້ນ​ແມ່ນ​ສະພາບ​ດິນ ​ຟ້າ​ອາກາດ​ບໍ່​ເອື້ອ​ອຳນວຍ​ໃນ​ ການ​ຊອກ​ຄົ້ນ, ພູມີ​ປະເທດ​ມີ​ ການ​ປ່ຽນແປງ ແລະ ຜູ້​ທີ່​ຮູ້​ຂໍ້ມູນ​ ສ່ວນ​ຫຼາຍ​ແມ່ນ​ໄດ້ເສຍ​ຊີວິດ ຈຶ່ງ​ເຮັດ​ໃຫ້ການ​ປະຕິບັດ​ໜ້າທີ່​ ວຽກ​ງານ​ພົບ​ຄວາມ​ຫຍຸ້ງຍາກ,ຕໍ່​ຈາກ​ບັນຫາ​ດັ່ງກ່າວ, ຄະນະ​ປະ ຕິບັດ​ງານ​ພິເສດ​ນະຄອນຫຼວງ​ວຽງ​ຈັນ ແລະ ຄະນະ​ປະຕິບັດ​ງານ ​ແຂວງ​ຮ່າ​ຕິ່ງ ​ສສ ຫວຽດນາມ ໄດ້​ມີ​ການ​ປະສານ​ສົມທົບ​ຮ່ວມ​ມື​ກັນ​ຢ່າງຮອບດ້ານ​ ແລະ​ ອຳນວຍ​ຄວາມ​ສະດວກ​ເຂົ້າ​ໃນ​ການ​ຊອກ​ ຫາ ແລະ ຂຸດ​ຄົ້ນ​ດ້ວຍຄວາມ​ຮັບຜິດຊອບ​ສູງ, ອົງການ​ປົກຄອງ​ເມືອງ, ບ້ານ​ ແລະ ພື້ນຖານ​ປະຊາຊົນ​ກໍໃຫ້​ຄວາມ​ຮ່ວມ​ມື​ສະໜັບສະໜູນ​ໃນ​ທຸກ​ດ້ານ​ທີ່​ຄະນະ​ປະຕິ ບັດ​ພິເສດ​ນະຄອນຫຼວງວຽງຈັນ​ລົງ​ເກັບ​ກຳ​ຂໍ້​ມູນ​ຕ່າງໆ. ກອງ​ປະຊຸມ​ກໍໄດ້​ພ້ອມ​ກັນ​ຄົ້ນ ຄວ້າ​ປຶກສາ​ຫາ​ລືປະກອບ​ຄຳ​ຄິດ​ເຫັນ​ເຂົ້າ​ໃນ​ວຽກ​ງານ​ດັ່ງກ່າວໃຫ້​ ຖືກ​ຕ້ອງ​ສອດຄ່ອງ ແລະ ເໝາະ​ສົມກັບ​ສະພາບ​ຄວາມ​ເປັນ​ຈິງ​ແນໃສ່​ຮັບປະກັນ​ເຮັດ​ໃຫ້ການ​ຂຸດ​ ຄົ້ນ​ຊອກ​ຫາ​ອັດຖິ ແລະ ການ​ຮວ່ມ​ມື​ຮອບດ້ານ​ພິເສດ ລະຫວ່າງ ​ກອງ ບັນຊາ​ການ​ທະຫານ​ນະຄອນຫຼວງ​ວຽງ​ຈັນ ກັບ ​ກອງ​ບັນຊາ​ການ​ທະຫານ​ແຂວງ​ຮ່າ​ຕິ່ງ ​ສສ ຫວຽດນາມ ສາມາດ​ບັນລຸ​ໄດ້​ຕາມ​ຈຸດປະສົງ​ ແລະ ​ຄາດໝາຍ​ທີ່​ກຳນົດ​ໄວ້. ໂດຍ: ສຸລິຍາ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ