ກອງທັບປະຊາຊົນລາວ

ວັນເສົາ, ວັນທີ 10 ທັນວາ 2022



ຍົກ​ສູງ​ການ​ອົບຮົມ-ຫັດ​ແອບ​ວຽກ​ງານ​ສຶກ​ສາ ​ປກຊ-​ປກສ ໃຫ້​ນັກ​ສຶກ​ສາ​ໂຮງຮຽນ​ເຕັກນິກ​ວິຊາ​ຊີບ​ແຂວງ​ບໍ່ແກ້ວ
ເວລາອອກຂ່າວ: 2022-09-28 08:51:40 | ຜູ້ຂຽນ : admin3 | ຈຳນວນຄົນເຂົ້າຊົມ: 109 | ຄວາມນິຍົມ:



ວັນ​ທີ 24 ກັນຍາ 2022 ນີ້, ກອງ​ບັນຊາ​ການທະຫານ​ແຂວງ​ບໍ່​ແກ້ວ ​ໄດ້​ປີດ​ຊຸດ​ອົບຮົມ-ຫັດ​ແອບວຽກ​ງານ​ສຶກ​ສາ​ປ້ອງ​ກັນ​ຊາດ-ປ້ອງ​ກັນ​ຄວາມ​ສະຫງົບໃຫ້​ນັກ​ສຶກສາ​ໂຮງຮຽນ​ເຕັກນິກ​ວິຊາ​ຊີບ​ແຂວງ​ບໍ່​ແກ້ວ ​ປະຈຳ​ສົກຮຽນ 2022-2023, ໂດຍ​ການເຂົ້າ ຮ່ວມຂອງ​ ສະຫາຍ ພັນ​ໂທ ຄຳ​ສອນ ໄຊ​ຍະ​ວົງ ກຳມະການ​ຄະນະ​ປະຈຳ​ພັກ​ກອງ​ບັນຊາ​ການ, ຫົວໜ້າ​ຫ້ອງ​ການເມືອງ ​ກອງ​ບັນຊາ​ການ​ທະຫານ​ແຂວງບໍ່​ແກ້ວ, ມີ​ຄະນະ​ຫ້ອງ ​ປກຊ-​ປກສ​ແຂວງ, ພະ​ແນກ​ສຶກ​ສາ​ທິ​ການ ແລະ ກິລາ​ແຂວງ, ຄະນະ​ອຳນວຍ​ການ​ໂຮງຮຽນ,ຄະນະ​ຮັບຜິດຊອບ ແລະ ນັກ​ສຶກ​ສາ​ເປົ້າ​ໝາຍ​ອົບຮົມ-ຫັດ​ແອບ​ວຽກ​ງານ​ສຶກ​ສາ​ປ້ອງ​ກັນ​ຊາດ-ປ້ອງ​ກັນ​ຄວາມ​ສະຫງົບ​ເຂົ້າ​ຮ່ວມ. ສະຫາຍ ຄຳ​ເສົາ ໄຊ​ປັນຍາ ຮອງ​ຜູ້ອຳນວຍການ​ໂຮງຮຽນ​ເຕັກນິກ​ວິຊາ​ຊີບ​ແຂວງ​ບໍ່​ແກ້ວ ໄດ້​ຜ່ານ​ບົດ​ສະຫຼຸບ​ການຈັດຕັ້ງ​ປະຕິບັດ​ການ​ອົບຮົມ-ຫັດ​ແອບ​ວຽກ​ງານ​ສຶກ​ສາ​ປ້ອງ​ກັນ​ຊາດ-ປ້ອງ​ກັນ​ຄວາມ​ສະຫງົບເຊິ່ງ​ເລີ່ມ​ແຕ່​ວັນ​ທີ 13 ກັນຍາ ເຖິງວັນ​ທີ 24 ກັນຍາ ເປັນ​ເວລາ 12 ວັນ, ມີ​ນັກ​ສຶກ​ສາ​ເຂົ້າ​ຮ່ວມ 203 ສະຫາຍ, ຍິງ 68 ສະຫາຍ,ຄະນະ​ຮັບຜິດຊອບ 45 ສະຫາຍ, ຍິງ 11 ສະຫາຍ. ການ​ອົບຮົມ-ຫັດ​ແອບ​ໃນ​ຄັ້ງ​ນີ້, ໂດຍ​ປະຕິບັດ​ຕາມ​ແຜນການ​ອົບຮົມ-ຫັດ​ແອບ​ຂອງ​ຄະນະ​ກຳ​​ມ​ການ​ປ້ອງ​ກັນ​ຊາດ-ປ້ອງ​ກັນ​ຄວາມ​ສະຫງົບ​ແຂວງ ເພື່ອ​ເຮັດ​ໃຫ້​ພະນັກງານ-ນັກຮົບ,ນັກຮຽນ-ນັກ​ສຶກ​ສາ​ໄດ້​ຮັບ​ຮູ້​ແລະ​ເຂົ້າໃຈ​ແຈ້ງ​ຕໍ່​ວຽກ​ງານ​ສຶກ​ສາ​ປ້ອງ​ກັນ​ຊາດ-ປ້ອງ​ກັນ​ຄວາມ​ສະຫງົບ​ໃນ​ທຸກ​ດ້ານ​ເຂົ້າ​ໃນ​ການຈັດຕັ້ງ​ປະຕິບັດ​ວຽກ​ງານ​ຕົວ​ຈິງ​ເປັນ​ການ​ປະກອບ​ເຂົ້າ​ໃນ​ວຽກ​ງານ ​ປກຊ-​ປກສ ທົ່ວ​ປວງ​ຊົນ​ຮອບດ້ານ​ໃນ​ສະພາບ​ການ​ໃໝ່ ທັງ​ເປັນ​ພື້ນຖານ​ໃຫ້​ນັກ​ສຶກ​ສາ​ກຳ​ແໜ້ນ​ສີ​ລະ​ປະຍຸດ-ຍຸດທະວິທີ​ຂັ້ນ​ພື້ນຖານ​ຂອງ​ທະ ຫານ​ຮາບ​ປະກອບສ່ວນ​ໃນ ​ການ​ກໍ່ສ້າງ​ຮາກ​ຖານ​ໃຫ້​ເຂັ້ມ ແຂງ​ຮອບດ້ານ​ຕ້ານ​ແລະ​ສະກັດ​ກັ້ນ​ກຸ່ມ​ຄົນ​ບໍ່​ຫວັງ​ດີ ທີ່​ຈະ​ກໍ່ໃຫ້ ເກີດ​ຄວາມ​ບໍ່​ສະຫງົບ ແລະ ສາ ມາດ​ແກ້​ໄຂ​ທຸກ​ກໍລະນີໄດ້​ທັນ​ເວລາ. ຜ່ານ​ການ​ອົບຮົມ-ຫັດ​ແອບ​ຕົວ​ຈິງ​ສາມາດ​ສະຫຼຸບ​ຕີ​ລາຄາ​ດັ່ງນີ້:ວິຊາ​ປ້ອງ​ກັນ​ຊາດ ພາກ​ທິດ​ສະ​ດີ​ບັນລຸ​ໄດ້ 95%, ພາກ​ປະຕິບັດ​ຕົວ​ຈິງ ບັນລຸ​ໄດ້ 75%; ວິຊາ​ປ້ອງ​ກັນ​ຄວາມ​ສະຫງົບ: ພາກ​ທິດ​ສະ​ດີ​ບັນລຸ​ໄດ້ 85%, ພາກ​ປະຕິບັດ​ຕົວ​ຈິງ​ປະ​ເມີນ​ໄດ້ 78% ຂອງ​ແຜນການ. ໂດຍ: ພາກ ສຸທິ​ປັນຍາ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ